ހުޅުދުއްފާރުގެ 30 ވަނަ އަހަރީ ދުވަސް ފާހަގަކުރުމަށް ކުރިއަށް ގެންދަން ހަމަޖެހިފައިވާ ޙަރަކާތްތަކުގެ ތެރޭގައި ހިމެނޭ "ކައުންސިލް މަސްރޭސް 2025"، 2025 އޭޕްރިލް 1 ވާ އަންގާރަ ދުވަހު ބޭއްވުމަށް ވަނީ ހަމަޖެހިފައެވެ.

މިމަސް ރޭހުގައި ބައިވެރިވުމުގެ ފުރުޞަތު ރަށުގައި ދިރިއުޅޭ 16 އަހަރުން މަތީގެ  އެންމެހާ ފަރާތްތަކަށް ހުޅުވާލެވިފައިވާ ވާހަކަ ދަންނަވަމެވެ. ނަމަވެސް ސްކޫލު ދަރިވަރުންނަށް ބައިވެރިއެއް ނުވެވޭނެއެވެ. މި ފަހަރުގެ މަސް ރޭހުގައި އެންމެ ގިނަ ކިލޯ ކިރާ ޓީމަކަށް 5000 ރުފިޔާގެ ފައިސާގެ އިނާމެއް ވަނީ ކަނޑައަޅާފައެވެ. ދެވަނައަށް އެންމެ ގިނަ ކިލޯ ކިރާ ޓީމަކަށް 2500 ރުފިޔާ އަދި ތިންވަނަ ޓީމަކަށް 1500 ރުފިޔާގެ ފައިސާގެ އިނާމެއް ލިބޭނެއެވެ. އަދި އެންމެ ބަރު މަހެއް ކިރާ ޓީމަކަށް 500 ރުފިޔާގެ ފައިސާގެ އިނާމެއް ލިބޭނެއެވެ. މީގެ އިތުރުން އެންމެ ގިނަ މަސް ބާނާ ފަރާތަކަށް 500 ރުފިޔާގެ ފައިސާގެ އިނާމެއް ކަނޑައެޅިފައިވާ ވާހަކަ މަޢުލޫމާތަށްޓަކައި ދަންނަވަމެވެ.

ވީމާ، މަސް ރޭހުގައި ބައިވެރިވުމަށް ޓީމު ރަޖިސްޓްރީ ކުރުމަށްޓަކައި އެކަމަށް ކަނޑައެޅިފައިވާ ފޯމް ފުރިހަމަކުރުމަށްފަހު 2025 މާރޗް 25 ވާ އަންގާރަ ދުވަހުގެ އޮފީސް 11:00 ގެ ކުރިން މި އިދާރާގެ މެއިލް [email protected] އަށް ފޮނުވުން އެދެމެވެ. މިއިޢުލާނާއިއެކު ކައުންސިލް މަސްރޭސް 2025 ގެ ޤަވާއިދާއި މަސްރޭހުގައި ބައިވެރިވުމަށް އެދޭ ފޯމު އާންމުކުރީމެވެ.