މަޤާމުގެ ކްލެސިފިކޭޝަން: އެޑްމިން ސަޕޯރޓް އެސިސްޓަންޓް

މުސާރަ: 

- އަސާސީ މުސާރަ:  -/3,470 ރުފިޔާ

- ސަރވިސް އެލަވަންސްގެ ގޮތުގައި މަހަކު: -/1,700 ރުފިޔާ

އިތުރު ޢިނާޔަތްތައް:

- މިނިމަމްވޭޖް އެލަވަންސް: -/1,000 ރުފިޔާ

- ނޮން-ޕްރެކްޓިސް އެލަވަންސް: -/1,214.50 ރުފިޔާ (އަސާސީ މުސާރައިގެ %35)

- އިތުރު ގަޑީގެ ގޮތުގައި މަހަކު: -/2,082.00 ރުފިޔާ (އަސާސީ މުސާރައިގެ %60)

- ކެއުމާއި ބޭސްފަރުވާ ކުރުން

ޝަރުތު:

- ޖީ.ސީ.އީ އޯ-ލެވަލް ފުރިހަމަ ކޮށްފައިވުން، 

- މީލާދީ ގޮތުން 18 އަހަރާއި 35 އަހަރާ ދެމެދުގެ މީހަކު ކަމުގައިވުން،

- އިސްލާމް ދީނުގައި ހައްދެއް ކަނޑައެޅިފައިވާ ކުށެއް ކުރިކަން، ނުވަތަ ވައްކަން، ޓެކުން، މަކަރާ ޙީލަތް، މަސްތުވާ ތެކެތި ބޭނުންކުރުން، ނުވަތަ މަސްތުވާތަކެތީގެ ވިޔަފާރިކުރުން، އަދި ޚިޔާނާތް ފަދަ ކުށެއް ކުރިކަން ވޭތުވެދިޔަ 5 އަހަރުދުވަހުގެ ތެރޭގައި ޝަރީޢަތަށް ސާބިތުވެފައިވާ މީހަކުކަމުގައި ނުވުން،

- ވޭތުވެދިޔަ 5 އަހަރު ދުވަހުގެ ތެރޭގައި، މަނާކުރެވިފައިވާ މަސްތުވާއެއްޗަކުން އެކަހެރިވުމަށް ފަރުވާ ހޯދާފައިވާ ފަރާތަކަށް ނުވުން.

މަޤާމުގެ މަސްއޫލިއްޔަތު:

- ސެންޓަރަށް އަންނަ ފޯން ކޯލް ތަކާއި، އީމެއިލްތަކަށް ވަގުތުން ރެސްޕޮންޑްކުރުން،

- މައްސަލަތަކާއި ގުޅޭގޮތުން ސައްޚަ އަދި މި ޚިދުމަތުގައި ހެދިފައިހުރި ޤަވާއިދުތަކާއި މައްސަލަތަކުގައި އަމަލުކުރާ ގޮތްތަކާއި ގުޅޭގޮތުން އަދާހަމަ ޖަވާބުދިނުން،

- މަޢުލޫމާތު ހޯދުމަށް ގުޅާފަރާތްތަކަށް އެ ބޭނުންވާ މަޢުލޫމާތު ފޯރުކޮށްދިނުން ނުވަތަ އެ މަޢުލޫމާތު ފޯރުކޮށްދެވޭނެ އިންތިޒާމެއް ހަމަޖައްސައި އެ މަޢުލޫމާތު ފޯރުކޮށްދެވިއްޖެކަން ކަށަވަރުކުރުން،

- ސެންޓަރަށް އަންނަ ކޯލްތައް ލޮގްކޮށް ސިސްޓަމް މެދުވެރިކޮށް އިންސިޑެންޓް ކްރިއޭޓްކޮށް ރެކޯޑްކުރުން،

- ޚިދުމަތް ހޯދުމަށް ގުޅާ ފަރާތްތަކަށް އޯގާތެރިކަމާއި މަޑުމައިތިރިކަމާއި އެކު މުޢާމަލާތްކުރުން،

- ކޯލް ސެންޓަރަށް އަންނަ ހުރިހާ ފޯން ކޯލްތަކުގައި އާންމު މީހުން ހިއްސާކުރާ މައްސަލަތަކުގެ ސިއްރު ހިފެހެއްޓުން، އަދި އެފަރާތްތަކުގެ މަޢުލޫމާތު އޮންނަ އުޞޫލުން ބޭރުން ހުއްދަނެތި އެހެން އެއްެވެސް ފަރާތަކާއި ހިއްސާ ނުކުރުން.

އިތުރު މަޢުލޫމާތު:

- މި މަޤާމަށް އެދި ފޯމް ހުށަހަޅާ ފަރާތަކީ ދިވެހި ރާއްޖޭގައި ރަޖިސްޓްރީ ކޮށްފައިވާ އެއްވެސް ސިޔާސީ ޕާޓީއެއްގެ ރަޖިސްޓްރީގައިވާ ފަރާތެއް ކަމުގައި ނުވުން.

- މި ވަޒީފާއަށް ކުރިމަތިލާ ފަރާތްތަކަށް ދެވޭ މެޑިކަލް އެގްޒަމިނޭޝަން, ޕޮލިގްރަފީ ޓެސްޓް، ކުރެވޭ އިންޓަވިއު އަދި ބެކްގްރައުންޑް އެސެސްމަންޓުން ފާސްވުން.

މީހުން ހޮވުމުގައި އިސްކަން ދެވޭނެ ކަންތައްތައް:

- ދިވެހި ބަހުންނާއި އިނގިރޭސި ބަހުން ފަރިތަކަމާއެކު ވާހަކަ ދައްކަން އެނގޭ  ފަރާތްތަކަށް އިސްކަންދެވޭނެއެވެ.

- މައިކްރޯސޮފްޓް އޮފީސް ސޮފްޓްވެއާސް ފަރިތަކަމާއެކު ބޭނުންކުރަން އެނގޭ  ފަރާތްތަކަށް އިސްކަންދެވޭނެއެވެ.

- ކަސްޓަމަރ ސަރވިސް ސްކިލްސް އަދި  ކަސްޓަމަރ ސަރވިސް ގެ ދާއިރާއިން މަސައްކަތުގެ ތަޖުރިބާ ހުރި ފަރާތްތަކަށް އިސްކަންދެވޭނެއެވެ.

ޢާންމުކޮށް މަސައްކަތްކުރަންޖެހޭ ތަން:  މާލެ

ޢާންމުކޮށް މަސައްކަތްކުރަންޖެހޭ ގަޑި: ރަސްމީ ޑިއުޓީ / ދަންފަޅި ޑިއުޓީ

ހުށަހަޅަންޖެހޭ ލިޔުންތައް:

- ދިވެހި ފުލުހުންގެ ޚިދުމަތުގެ ވަޒީފާއަށް އެދޭ ފަރާތްތަކުގެ ކުށުގެ ރެކޯރޑް ބަލާ ފޯމް،

- ދިވެހި ރައްޔިތެއްކަން އަންގައިދޭކާޑުގެ ކޮޕީ،

- ތައުލީމީ ސަނަދު ނުވަތަ ސެޓްފިކެޓްތަކުގެ ކޮޕީ (އަސްލާ އެއްގޮތްކަމަށް ރަސްމީ ފަރާތަކުން ނުވަތަ ޤާނޫނީ ވަކީލެއްގެ އޮފީހަކުން ތައްގަނޑު ޖަހާފައިވާ އަސްލު)،

- ލިބިފައިވާ ހުނަރުވެރިކަމުގެ ސެޓްފިކެޓްތަކުގެ ކޮޕީ،

- ނެގިފަހުން 3 މަސް ވެފައިނުވާ އެފަރާތެއްގެ ޕާސްޕޯރޓް ސައިޒުގެ ފޮޓޯ (1 ފޮޓޯ ފޯމުގައި ތަތްކޮށްފައި)،

- ދިވެހި ސިވިލް ސަރވިސް ނުވަތަ އެހެންވެސް ވަޒީފާއެއްގައި ދެމިހުރިމީހެއްނަމަ، ވަޒީފާ އަދާކުރަމުންދާ އޮފީހުގެ އިޢުތިރާޒެއް ނެތް ކަމުގެ ލިޔުން،

- ކުރިން ވަޒީފާ އަދާކޮށްފައިވާ މީހެއްނަމަ ވަޒީފާ އަދާކުރި ތަންތަނުން ވަޒީފާ އަދާކުރިކަމުގެ ލިޔުން.

ސުންގަޑި:

މި މަޤާމަށް އެދި ހުށަހަޅާ ފަރާތްތަކުން ދިވެހި ފުލުހުންގެ ޚިދުމަތުގެ ވަޒީފާއަށް އެދި ހުށަހަޅާ ފޯމާއި ކުށުގެ ރެކޯޑް ބަލާ ފޯމް ފުރިހަމަކުރުމަށްފަހު ހުށަހަޅަންޖެހޭ ލިޔުންތަކާއެކު 2025 އޭޕްރިލް 20 ވަނަ ދުވަހުގެ 16:00 ގެ ކުރިން ޝަހީދު ހުސައިން އާދަމް ބިލްޑިންގގެ ރިސެޕްޝަނަށް ހުށަހެޅުން އެދެމެވެ. މި މަޤާމަށް އެދި ހުށަހަޅާ ފޯމްތައް ބަލައިގަންނާނީ ރަސްމީ ބަންދު ނޫން ކޮންމެ ދުވަހެއްގެ 14:00 އިން 16:00 އަށެވެ. އަދި ރަމަޟާން މަހު ފޯމްތަައް ބަލައިގަންނާނީ ރަސްމީ ބަންދު ނޫން  ކޮންމެ ދުވަހެއްގެ  11:00 އިން 13:00 އަށެވެ.

ނޯޓް: ވަޒީފާއަށް އެދި ހުށަހަޅާ ފޯމު ދިވެހި ފުލުހުންގެ ޚިދުމަތުގެ ވެބްސައިޓް (www.police.gov.mv) އިން ލިބެން ހުންނާނެއެވެ. މީގެ އިތުރުން ވަޒީފާއަށް އެދި ހުށަހަޅާ ފޯމު އަދި ކުށުގެ ރެކޯރޑް ބަލާ ފޯމް މި އިޢުލާނާއެކު އެއްކަރުދާސްކުރެވިފައިވާނެއެވެ. މިމަޤާމުތަކަށް އެދި ފޯމު ހުށަހަޅާ ފަރާތްތަކުގެ ތެރެއިން މަޤާމުގެ ޝަރުޠު ހަމަނުވާ ފަރާތްތަކުގެ ފޯމު ބާޠިލުވާނެއެވެ. އަދި އިންޓަރވިއުއަށް ކިޔާނީ ވަޒީފާއަށް އެދި ފޯމު ހުށަހަޅާ ފަރާތްތަކުގެ ތެރެއިން ޝޯޓްލިސްޓްކުރެވޭ ފަރާތްތަކަށެެވެ.

18 ރަމަޟާން 1446