ދިވެހިރާއްޖެ
ފިޠުރު ޢީދުގެ މުނާސަބަތާއި ގުޅިގެން ފ. ނިލަންދޫގެ ޒުވާނުންގެ މެދުގައި ކުޅިވަރުގެ ރޫޙު އާލާކުރުމާއި، އެއްބައިވަންތަ ކަމާއި އެކުވެރިކަން ބަދަހިކޮށް އަތޮޅާއި ޤައުމީ ފެންވަރުގެ ޒުވާން ކުޅުންތެރިން އުފެއްދުމަށް މަގުފަހި ކުރުމުގެ އިތުރުން ޞިއްޙީގޮތުން ދުޅަހެޔޮ މުޖުތަމަޢެއް ބިނާކުރުމަށް މަސައްކަތް ކުރުމާއެކު ޒަމާނީ ކުޅިވަރުތައް ރަށުގައި ދިރުވައި އާލާކުރުމުގެ މަޤްޞަދުގައި ފ. ނިލަންދޫ ކައުންސިލާއި ފ. ނިލަންދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީއާއި ގުޅިގެން "ފ. ނިލަންދޫ ކައުންސިލް ކަނބަލުންގެ ހޭންޑްބޯލް މުބާރާތް – 2025" 1446 ޝައްވާލް މަހުގެ 1 ވަނަ ދުވަހު ފެށުމަށް ވަނީ ހަމަޖެހިފައެވެ.
މި މުބާރާތުގައި ބައިވެރި ވެވޭނީ ހަމައެކަނި ފ.ނިލަންދުއަށް ނިންބަތްވާ ކްލަބު، ޖަމިއްޔާ ޖަމާޢަތްތަކަށާއި ގުރޫޕު ތަކުގެ ޓީމުތަކަށެވެ. މުބާރާތުގައި ބައިވެރިވާން އެދޭ ޓީމުތަކުން މުބާރާތުގައި ބައިވެރިވުމަށް އެދޭ ފޯމް ފުރުއްވުމަށްފަހު 2025 މާރިޗު 27 ވާ ބުރާސްފަތި ދުވަހުގެ 12:00 ކުރިން މިއިދާރާގެ އީމެއިލް [email protected] މެދުވެރިކޮށް ނުވަތަ މިއިދާރާގެ ކައުންސިލް އޮފިސަރ ވަޖީޙާ ޢަބްދުއްނާޞިރުއާއި ފޯމް ޙަވާލުކުރަންވާނެއެވެ. މުބާރާތުގައި ބައިވެރިވުމަށް އެދޭ ފޯމާއި، ޤަވާއިދު މިއިދާރާގެ ކައުންޓަރުން އަދި ކައުންސިލް އޮފިސަރ ވަޖީޙާ ޢަބްދުއްނާޞިރު 7609131 އަށް ގުޅުއްވުމުން ލިބެންހުންނާނެވާހަކަ ދެންނެވީމެވެ.
ވީމާ، މިކަން ޢާންމުކޮށް އެންގުމަށްޓަކައި އިޢުލާނުކުރީމެވެ.