މިލަދުންމަޑުލު ދެކުނުބުރީ ޅޮހީ ކައުންސިލްގެ އިދާރާ
ދިވެހިރާއްޖެ
ނ.ޅޮހިގައި ބޭންކް އޮފް މޯލްޑިވްސްގެ އޭޓީއެމް ބަހައްޓާ ފައުންޑޭޝަންގެ މަސައްކަތް ކޮށްދޭނެ ފަރާތެއް ހޯދުމާގުޅޭ

އިޢުލާން

 

ނ.ޅޮހިގައި ބޭންކް އޮފް މޯލްޑިވްސްގެ އޭޓީއެމް ބަހައްޓާ ފައުންޑޭޝަންގެ މަސައްކަތް ކޮށްދޭނެ ފަރާތެއް ހޯދުމާގުޅޭ


                  ނ.ޅޮހިގައި ބެހެއްޓުމަށް ހަމަޖެހިފައިވާ ބޭންކް އޮފް މޯލްޑިވްސްގެ އޭ.ޓީ.އެމް ފައުންޑޭޝަންގެ މަސައްކަތް ކޮށްދޭނެ ފަރާތެއް ހޯދުމަށް ބޭނުންވެއެވެ. މި މަސައްކަތް ކުރުމަށް ކޯޓޭޝަން ހުށަހެޅުމުގެ ފުރުޞަތު ހުޅުވާލެވިފައިވަނީ، އަމިއްލަ ފަރުދުންގެ ވިޔަފާރީގެ ޤާނޫނު (ޤާނޫނު ނަންބަރު 19/2014) ގެ ދަށުން ރަޖިސްޓްރީ ކޮށްފައިވާ ފަރާތްތަކަށާއި، ވިޔަފާރި ރަޖިސްޓްރީ ކުރުމުގެ ޤާނޫނު (ޤާނޫނު ނަންބަރު: 18/2014) ގެ ދަށުން ރަޖިސްޓްރީކޮށްފައިވާ ފަރާތްތަކަށެވެ.

                  ވީމާ، މި މަސައްކަތް ކޮށްދިނުމަށް ޝަޢުޤުވެރިވާ ފަރާތްތަކުން 16 މާރިޗު  2025 ވާ އާދިއްތަ ދުވަހުގެ 13:00 ގެ ކުރިން ތިރީގައިވާ އޮންލައިން ފޯމް ، ނުވަތަ ކިއު.އާރު ކޯޑު މެދުވެރިކޮށް ރަޖިސްޓްރޭޝަން ފޯމު ފުރުއްވާ ވާނެއެވެ. މި މަސައްކަތްކޮށްދިނުމަށް ރަޖިސްޓްރީކުރާ ފަރާތްތަކަށް މަސައްކަތުގެ މަޢުލޫމާތު ކަރުދާހާއި ކުރެހުންތައް އީމެއިލްގެ ޒަރީއާއިން ފޮނުވޭނެ ވާހަކަ ދަންނަވަމެވެ.

ރަޖިސްޓްރޭޝަން ފޯމް ފުރުމަށް ކިއު.އާރު ކޯޑު ސްކޭންކުރައްވާ ނުވަތަ ތިރީގައިވާ ލިންކު ބޭނުންކުރައްވާ:

 

 

 

 

 

https://forms.office.com/r/KQ1Aam8YXi

 

 

 

 ކުރަންޖެހޭ މައިގަނޑު މަސައްކަތްތައް:

 

  • ފުރިފެބް ޢިމާރާތުގެ ފައުންޑޭޝަން އެޅުމަށް ކޮނުމާއި، 50 އެމް.އެމްގެ ލީން ކޮންކުރިޓް އަޅާ ފައުންޑޭޝަން ބީމް ކޮންކްރީޓް ކުރުމާއިއެކު ފައުންޑޭޝަންގެ މަސައްކަތާއި، އެތެރެ ފިލްކޮށް ބިންގަޑު  ލެވެލްކޮށް އެންމެހައި މަސައްކަތެއް ކުރެހުމުގައި ދައްކާފައިވާ ގޮތަށްކޮށް ނިންމުން (ކޮންޓްރެކްޓަރގެ އަމިއްލަ ޚަރަދުގައި)
  • ޢިމާރާތުގެ ބޭރުތަޅުމާއި، އަދި ޢިމާރާތަށް ވަންނަ ހަރުފަތާއި ރޭމްޕް، ބޭރުފާރުގެ ތަޅުމުން ތިރީގެ ފާރާއި ޕްލާންޓް ބޮކްސް، އެތެރެއާއި ބޭރުގައި މުށިޖެހުމުގެ އެންމެހައި މަސައްކަތް ދީފައިވާ ކުރެހުމާއި އެއްގޮތަށް ކޮށްނިންމުން. (ބޭންކުން ޓައިލްސް ދިނުމުން)

 

ސަމާލު ކަންދޭންޖެހޭ ކަންކަން

  • މުޅި މަސައްކަތުގެ ޖުމުލަ އަގު ހިމެނޭ ގޮތަށް އަގު ހުށަހެޅުން.
  • އަމިއްލަ ތަކެތީގައި މަސައްކަތް ކޮށްދިނުމަށް މަސައްކަތުގެ އަގާއި ތަކެތީގެ އަގު ހިމަނައިގެން އަގު ހުށަހެޅުން
  • ކޮންކްރިޓް މަސައްކަތަށް ބޭނުން ކުރާނެ ދަގަނޑުގެ ސައިޒުތަކާއި މިންތައް ކުރެހުމުގައި ބަޔާން ކުރެވިފައިވާތީ، ކުރެހުމުގައިވާ ގޮތަށް އެމަސައްކަތް ކުރުން.

 

މަސައްކަތަށް ބޭނުންވާ ތަކެތި

  • މި މަސައްކަތަށް ބޭނުންވާ ހުރިހާ ތަކެއްޗެއްވެސް ހޯދާނީ މަސައްކަތް ކުރުމަށް ހަވާލުކުރެވޭ ފަރާތުންނެވެ.
  • މަސައްކަތަށް ބޭނުންވާ ކަރަންޓާއި ފެން ހޯދާނީ ކޮންޓްރެކްޓަރ އަމިއްލައަށެވެ.
  • ޓައިލްސް ޖެހުމަށް ބޭނުންވާ ޓައިލްސް ބޭންކް އޮފް މޯލްޑިވްސް ފޯރުކޮށް ދެވޭނެއެވެ. އަދި މަސައްކަތަށް ބޭނުންވާ އެންމެހައި ހުއްދަތަށް ނެގުމަށް ބޭނުންވާ އެހީތެރިކަން ބޭންކުން ފޯރުކޮށް ދެވޭނެއެވެ.
  • ކަރަންޓް ގުޅުމަށް މަގުމަތީ ވަޅުލާ ކޭބަލްގެ އަގާއި ވަޅުލުމުގެ މަސައްކަތު އަގު މި މަސައްކަތަށް ހުށަހަޅާ އަގުގެ ތެރޭގައި ނުހިމެނެއެވެ.

 

 

އިވެލުއޭޝަން ކްރައިޓީރިއާ

  • މަސައްކަތުގެ އަގު: 85% ޕޮއިންޓް (އެންމެ ކުޑަ އަގަކީ ބެންޗްމާކް ކަމުގައި ބަލައިގެން)
  • މުއްދަތަށް: 10% ޕޮއިންޓް (އެކަށީގެންވާ އެންމެ ކުރު މުއްދަތު ބެންޗްމާކް ކަމުގައި ބަލައިގެން)
  • ތަޖްރިބާ: 5% ޕޮއިންޓް (މި އިޢުލާން ކުރި ތާރީޚުން ފެށިގެން ވޭތުވެ ދިޔަ 3 އަހަރު ދުވަހު ކޮށްފައިވާ މި ބާވަތުގެ މަސައްކަތަށް، 15000.00 ހާހުން މަތީގެ ކޮންމެ މަސައްކަތަށް 1 ޕޮއިންޓް، ގިނަވެގެން ދެވޭނީ 5 ޕޮއިންޓް)

 

           ވީމާ، މި މަސައްކަތް ކޮއްދިނުމަށް ޝައުޤުވެރިވެވަޑައިގަންނަވާ ފަރާތްތަކުން، 18 މާރިޗް 2025 ވާ އަންގާރަ ދުވަހުގެ 11:00 އަށް ނ.ޅޮހި ކައުންސިލްގެ އިދާރާގެ މީޓިންގ ރޫމަށް ވަޑައިގެން މަސައްކަތްކޮށްދެވޭނެ އަގަކާއި މުއްދަތު ބަޔާންކޮށް ކޯޓޭޝަނެއް ހުށައެޅުއްވުން އެދެމެވެ. އަދި ކޯޓޭޝަނާއެކު ހުށަހަޅާ ފަރާތުގެ ވިޔާފާރި / ކުންފުނީގެ ރަޖިސްޓްރީ ކޮޕީއާއި މަސައްކަތުގެ ތަޖުރިބާގެ ލިޔުންތަކުގެ ކޮޕީ، އަދި ބަދަލުގައި ފޮނުވާ ފަރާތެއްނަމަ ޕަވަރ އޮފް އެޓާރނީ ދިންކަމުގެ ލިޔުމާއި އައިޑީކާޑުގެ ކޮޕީ ހުށަހެޅުއްވުން އެދެމެވެ. ސިޓީ ކެޑުން އޮންނާނީ ކަނޑައެޅިފައިވާ ތާރީޚުގައި ހުށަހަޅުއްވާ ފަރާތްތަކުގެ ހާޒިރުގައެވެ. ކޯޓޭޝަން ބަލައިގަނެވޭނީ ރަޖިސްޓްރީ ވެފައިވާ ފަރާތްތަކުން ހުށަހަޅާ ކޯޓޭޝަން އެކަނިކަމުގައިވެސް ދަންނަވަމެވެ.

13 މާރިޗު 2025
ހޯދާ