ސަރުކާރުން މިރަށުގައި އަޅުއްވައި ދެއްވާ، ބޭންކް އޮފް މޯލްޑިވްސްގެ '' އޭ.ޓީ.އެމް '' ޢިމާރާތުގެ މަސައްކަތް ކޮށްދޭނެ ފަރާތެއް ހޯދަން ބޭނުންވެއްޖެއެވެ. މި މަސައްކަތް ކުރުމަށް ކޯޓޭޝަން ހުށަހެޅުމުގެ ފުރުޞަތު ހުޅުވާލެވިފައިވަނީ، އަމިއްލަ ފަރުދުންގެ ވިޔަފާރީގެ ޤާނޫނު (ޤާނޫނު ނަންބަރު 19/2014) ގެ ދަށުން ރަޖިސްޓްރީ ކޮށްފައިވާ ފަރާތްތަކަށާއި، ވިޔަފާރި ރަޖިސްޓްރީ ކުރުމުގެ ޤާނޫނު (ޤާނޫނު ނަންބަރު: 18/2014) ގެ ދަށުން ރަޖިސްޓްރީކޮށްފައިވާ ފަރާތްތަކަށެވެ.

ވީމާ، މި މަސައްކަތް ކޮށްދިނުމަށް ޝަޢުޤުވެރިވެލައްވާ ފަރާތްތަކުން 16 މާރިޗް 2025 ވާ އާދިއްތަ ދުވަހުގެ 13:00 ގެ ކުރިން ބިޑް ރަޖިސްޓްރޭޝަން ފޯމް ފުރިހަމަކުރައްވާ [email protected]  އަށް އީމެއިލް ކުރެއްވުން އެދެމެވެ. ނުވަތަ މި އިދާރާގެ ޕްރޮޖެކްޓް ސެކްޝަނަށް ފޯމް ހުށަހެޅުއްވުން އެދެމެވެ. ބިޑް ރަޖިސްޓްރޭޝަން ފޯމު މި އިޢުލާނާއެކު އެއްކަރުދާސް ކުރެވިފައި ވާނެއެވެ. އަދި ރަސްމީ ގަޑީގައި އެފޯމް މިއިދާރާއިން ލިބެން ހުންނާނެ ވާހަކަވެސް ދެންނެވީމެވެ.  ރަޖިސްޓްރީނުވާ ފަރާތްތަކަށް ކޯޓޭޝަން ހުށަހެޅުމުގެ ފުރުޞަތު ނޯންނާނެ ވާހަކަ ދަންނަވަމެވެ. މި މަސައްކަތް ކޮށްދިނުމަށް އެދި ބިޑްގައި ރަޖިސްޓްރީވާ ފަރާތްތަކަށް މަސައްކަތުގެ މަޢުލޫމާތު ކަރުދާހާއި ކުރެހުންތައް އީމެއިލްގެ ޒަރީއާއިން ފޮނުވޭނެ ވާހަކަ ދަންނަވަމެވެ.

  ކުރަންޖެހޭ މައިގަނޑު މަސައްކަތްތައް:

• އޭޓީއެމް ބަހައްޓާ ޢިމާރާތުގެ ޕައުންޑޭޝަން އެޅުމަށް ކޮނުމާއި، 50 އެމް.އެމްގެ ލީން ކޮންކުރިޓް އަޅާ ފައުންޑޭޝަން ބީމް ކޮންކްރީޓް ކުރުމާއިއެކު ފައުންޑޭޝަންގެ މަސައްކަތާއި ޢިމާރާތުގެ ބޭރުން ވަށައިގެން 12 އިންޗި، 3 އިންޗި ބޯމިނުގެ ކޮންކްރިޓް ތަޅުން އަޅައި ލެވެލްކޮށް އެންމެހައި މަސައްކަތެއް ކުރެހުމުގައި ދައްކާފައިވާ ގޮތަށްކޮށް ނިންމުން،

(މި މަސައްކަތް ކުރާނީ ކޮންޓްރެކްޓަރގެ އަމިއްލަ ޚަރަދުގައި)

 ޢިމާރާތުގެ ބޭރުތަޅުމާއި، އަދި ޢިމާރާތަށް ވަންނަ ހަރުފަތާއި ރޭމްޕް، ބޭރުފާރުގެ ތަޅުމުން ތިރީގެ ފާރާއި ޕްލާންޓް ބޮކްސް، އެތެރެއާއި ބޭރުގައި މުށިޖެހުމުގެ އެންމެހައި މަސައްކަތް ދީފައިވާ ކުރެހުމާއި އެއްގޮތަށް ކޮށްނިންމުން.

(ބޭންކުން ޓައިލްސް ދިނުމުން)

 ސަމާލުކަން ދޭންޖެހޭ ކަންކަން

• މުޅި މަސައްކަތުގެ ޖުމުލަ އަގު ހިމެނޭ ގޮތަށް އަގު ހުށަހެޅުން.
• އަމިއްލަ ތަކެތީގައި މަސައްކަތް ކޮށްދިނުމަށް މަސައްކަތުގެ އަގާއި ތަކެތީގެ އަގު ހިމަނައިގެން އަގު ހުށަހެޅުން
• މަސައްކަތުގެ ކޮންކްރިޓް ރޭޝިއޯ އަކީ 1:2:3 (1 ސިމެންތި، 2 ހިލަވެލި، 3 ހިލަ)
• ކޮންކްރިޓް މަސައްކަތަށް ބޭނުން ކުރާނެ ދަގަނޑުގެ ސައިޒުތަކާއި މިންތައް ކުރެހުމުގައި ބަޔާން ކުރެވިފައިވާތީ، ކުރެހުމުގައިވާ ގޮތަށް އެމަސައްކަތް ކުރުން.

 މަސައްކަތަށް ބޭނުންވާ ތަކެތި

• މި މަސައްކަތަށް ބޭނުންވާ ހުރިހާ ތަކެއްޗެއްވެސް ހޯދާނީ މަސައްކަތް ކުރުމަށް ޙަވާލުވާ ފަރާތުންނެވެ.
• މަސައްކަތަށް ބޭނުންވާ ކަރަންޓާއި ފެން ހޯދާނީ ކޮންޓްރެކްޓަރ އަމިއްލައަށެވެ.
• މުށިޖެހުމަށް ބޭނުންވާ ޓައިލްސް ބޭންކް އޮފް މޯލްޑިވްސްއިން ފޯރުކޮށް ދެވޭނެއެވެ. އަދި މަސައްކަތަށް ބޭނުންވާ އެންމެހައި ހުއްދަތަށް ނެގުމަށް ބޭނުންވާ އެހީތެރިކަން ބޭންކުން ފޯރުކޮށް ދެވޭނެއެވެ.
• ކަރަންޓް ގުޅުމަށް މަގުމަތީ ވަޅުލާ ކޭބަލްގެ އަގާއި ވަޅުލުމުގެ މަސައްކަތު އަގު މި މަސައްކަތަށް ހުށަހަޅާ އަގުގެ ތެރޭގައި ނުހިމެނެއެވެ.

އިވެލުއޭޝަން ކްރައިޓީރިއާ

• މަސައްކަތުގެ އަގު:  %85  (އެންމެ ކުޑަ އަގަކީ ބެންޗްމާކް ކަމުގައި ބަލައިގެން)
• މުއްދަތަށް:      (އެކަށީގެންވާ އެންމެ ކުރު މުއްދަތު ބެންޗްމާކް ކަމުގައި ބަލައިގެން)
• ތަޖުރިބާ:       %5  (މި އިޢުލާން ކުރި ތާރީޚުން ފެށިގެން ވޭތުވެ ދިޔަ 3 އަހަރު ދުވަހު ކޮށްފައިވާ މި ބާވަތުގެ  

         މަސައްކަތަށް 15000.00 ރުފިޔާއިން މަތީގެ ކޮންމެ މަސައްކަތަކަށް 1 ޕޮއިންޓް، ގިނަވެގެން ދެވޭނީ 5 ޕޮއިންޓް)

 ވީމާ، މި މަސައްކަތް ކޮށްދިނުމަށް ޝައުޤުވެރިވެލައްވާ ފަރާތްތަކުން، 19 މާރިޗް 2025 ވާ ބުދަ ދުވަހުގެ 13:00 އަށް މިއިދާރާގެ ކޮންފަރަންސް ހޯލަށް ވަޑައިގެން މަސައްކަތް ކޮށްދެވޭނެ އަގަކާއި، މުއްދަތު ބަޔާންކޮށް ކޯޓޭޝަން ހުށަހެޅުއްވުން އެދެމެވެ. އަދި ކޯޓޭޝަނާއެކު ހުށަހަޅާ ފަރާތުގެ ރަޖިސްޓްރީ ކޮޕީއާއި މަސައްކަތުގެ ތަޖުރިބާގެ ލިޔުންތަކުގެ ކޮޕީ، އަދި ބަދަލުގައި ފޮނުވާ ފަރާތެއްނަމަ އެކަން ބަޔާންކޮށް ވެރިފަރާތުން ދޫކޮށްފައިވާ ސިޓީ އާއި އައިޑީކާޑުގެ ކޮޕީ ހުށަހެޅުއްވުން އެދެމެވެ.

މިހެންވެ މިކަން ޢާއްމުކޮށް އެންގުމަށްޓަކައި އިޢުލާން ކުރީމެވެ.