ކާށި ގުދަނުގެ ގޮތުގައި ކުރީގައި މިކައުންސިލުން ބޭނުން ކުރަމުން ދިޔަ އިމާރާތުގައި ކުރަން ހުރި ބައެއް މަސައްކަތް ކޮށްދޭނެ ފަރާތެއް ހޯދުމަށް ބޭނުންވެއެވެ. މިމަސައްކަތާގުޅޭ މައުލޫމާތު ދިނުމުގެ ބައްދަލުވުން 2025 މާރޗް 16 ވާ އާދިއްތަ ދުވަހު ހެނދުނު 10 ޖަހާއިރު ގުދަންދޮށުގައި އޮންނާނެއެވެ.
މަސައްކަތުގެ ތަފްސީލް
1. ގުދަނާއި ގޯތިތެރޭގައި ހުރި ބޭނުން ހިފޭ ތަކެތި ނެރެ ކައުންސިލުން ދައްކާ ތަނެއްގައި ބެހެއްޓުން.
2. ގުދަނާއި ގޯތިތެރޭގައި ހުރި ބޭނުން ނުހިފޭ ތަކެތި ކައުންސިލްގެ ކުނި ނައްތާލުމުގެ އުސޫލާއި އެއްގޮތަށް ނައްތާލުން.
3. ގުދަނުގެ ފުރާޅު ނެގުން. ( ޓިނު، ވަކަރު އަދި ފަތިތަށް އަލުން ބޭނުންކުރެވޭނެ ގޮތަށް)
4. ފުރާޅުން ނެގޭ ޓިނު، ވަކަރު އަދި ފަތި ކައުންސިލުން ދައްކާތަނެއްގައި ބެހެއްޓުން.
5. ގުދަނުގައި ޖެހިފައިވާ ލަކުޑި 2 މުޑި ތަޅުމުގެ ލެވެލްއިން ކީހާ ނެގުމަށްފަހު ކައުންސިލުން ދައްކާތަނެއްގައި ބެހެއްޓުން.
      ވީމާ، މިމަސައްކަތް ކޮށްދިނުމަށް ޝައުޤުވެރިވާ ފަރާތްތަކުން ދެންނެވިފައިވާ މަސައްކަތް ކޮށްދެވޭނެ އަގު (ކޮޓޭޝަން) 2025 މާރިޗް 18 ވާ އަންގާރަ ދުވަހުގެ މެންދުރު 12:00 ގެ ކުރިން މިއިދާރާއަށް ހުށަހެޅުއްވުން އެދެމެވެ. އީމެއިލް މެދުވެރިކޮށް ކޮޓޭޝަން ފޮނުވާނަމަ މިއިދާރާގެ އީމެއިލް [email protected] އަށް ފޮނުއްވުން އެދެމެވެ. ކޮޓޭޝަންގައި މަސައްކަތް ކޮށް ނިންމާލެވޭނެ މުއްދަތު ހިމަނަންވާނެއެވެ. މިމަސައްކަތުގެ ބޭނުމަށް މުއްދަތު ގުނާނީ ބަންދުދުވަސްތައްވެސް ހިމެނިގެންނެވެ. އަދި ކޮޓޭޝަން އާއެކު ވިޔަފާރި ރަޖިސްޓްރޭޝަން ނުވަތަ ޕްރޮފައިލްގެ ކޮޕީއެއް، އަދި އަމިއްލަ ފަރާތަކުންނަމަ ދިވެހި ރައްޔިތެއްކަން އަންގައިދޭ ކާޑުގެ ކޮޕީއެއް ހުށަހެޅަންވާނެއެވެ.
      މިހެންވެމިކަން އާއްމުކޮށް އެންގުމަށްޓަކައި އިޢުލާންކުރީމެވެ.