ގދ.ގައްދޫ ލޯކަލް އޮތޯރިޓީ ކުންފުންޏަށް މިނިވަން ޑިރެކްޓަރެއް ހޯދުން.

ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު (ޤާނޫނު ނަންބަރު: 2010/7) ގެ 11 ވަނަ ބާބު، 70 ވަނަ މާއްދާ "ކައުންސިލްތަކުން ވިޔަފާރިކުރުން" ގެ (ހ) އަދި (ށ) ވަނަ މާއްދާގައި ބަޔާންކުރާ ހަމަތަކުގެމަތިން އުފެއްދުމަށް ހަމަޖެހިފައިވާ "ގދ ގައްދޫ ލޯކަލް އޮތޯރިޓީ ކުންފުނި"ގެ ޑިރެކްޓަރުންގެ ބޯޑަށް މިނިވަން ޑިރެކްޓަރގެ މަޤާމަށް ކުރިމަތިލުމުގެ ފުރުސަތު ހުޅުވާލެވިފައި.

1-     ޝަރުތު:

(ހ) އުމުރުން 18 (އަށާރަ) އަހަރުފުރިފައިވާ ދިވެއްސަކު ކަމުގައިވުން.

(ށ) ބުއްދި ސަލާމަތުން ހުރުން.

(ނ) ދިވެހިރާއްޖޭގެ އެއްވެސް ކޯޓެއްގައި އަދާކުރަންޖެހޭ ސާބިތު ދަރަންޏެއް އޮތްނަމަ، އެ ދަރަންޏެއް ދައްކަމުން އަންނަ މީހަކަށްވުން.

(ރ) ޖިނާޢީ ކުށެއް ކުރިން ސާބިތުވެ، 12 (ބާރަ) މަސްދުވަހަށްވުރެ ދިގު މުއްދަތެއްގެ ޙުކުމެއް ކުރެވިފައިވާ މީހަކުނަމަ، އެ ޙުކުމެއް ތަންފީޛުކޮށް ނިމުނުތާ، ނުވަތަ އެ ޙުކުމުން ކަނޑައެޅުނު އަދަބު މަޢާފްކުރެވުނުތާ މަދުވެގެން 3 (ތިނެއް) އަހަރު ވެފައިވުން.

(ބ) މި ޝަރުތުތަކުގެ މާއްދާ (ރ) ގައި އެހެން އޮތްނަމަވެސް، ވައްކަމާއި ޓެކުން، އަދި ޚިޔާނާތުގެ ކުށެއް ކުރިކަން ސާބިތުވެފައިވާ މީހަކުކަމުގައި ނުވުން.

(ޅ) މަތީ ސާނަވީ ތަޢްލީމު ފުރިހަމަކޮށްފައިވުމާއިއެކު، 2 (ދޭއް) އަހަރު ދުވަހުގެ މަސައްކަތު ތަޖުރިބާ ލިބިފައިވުން.

(ކ) އެހެން ކުންފުންޏެއްގެ ޑިރެކްޓަރުންގެ ބޯޑަށް އައްޔަންކޮށްފައިވާ ފަރާތަކަށް ނުވުން.

(އ) ކައުންސިލުން ވިޔަފާރި ކުރަމުންދާ ސިނާޢަތެއްގައި، ނުވަތަ ވިޔަފާރިކުރުމަށް ހުށަހަޅާ ސިނާޢަތެއްގައި ވިޔަފާރިކުރާ ފަރާތަކަށް ނުވުން.

(ވ) ވޭތުވެދިޔާ 2 (ދޭއް) އަހަރުގެ ތެރޭގައި، ކައުންސިލްގެ ދާއިމީ ވަޒީފާއެއްގައި ހުރެފައިވާ ފަރާތަކަށް ނުވުން.

(މ) ވޭތުވެދިޔާ 2 (ދޭއް) އަހަރުގެ ތެރޭގައި ކައުންސިލަށް އެއްވެސް ހައިސިއްޔަތަކުން އެއްވެސް ބާވަތެއްގެ ޚިދުމަތެއް ދެމުން އަންނަ ފަރާތަކަށް ނުވުން.

(ފ) ރެޖިސްޓްރާރ އޮފް ކޮމްޕެނީޒް އިން ކަނޑައަޅާފައިވާ  ޑިރެކްޓަރުންގެ ތަމްރީން ފުރިހަމަކޮށްފައިވާ ފަރާތަކަށްވުން

2-     ޑިރެކްޓަރުންގެ ދައުރާއި މުހިންމު މަސްއޫލިއްޔަތުތައް:

• ކުންފުނީގެ ކާމިޔާބީ އާއި ކުރިއެރުން: ޑިރެކްޓަރުންގެ އެންމެ ބޮޑު އެއް ޒިންމާއަކީ ވިޔަފާރީގެ މާހައުލުގައި ކުންފުންޏަކީ ކާމިޔާބު ކުންފުންޏަކަށް ހެދުމަށްޓަކައި ކުރަން ޖެހޭ އެންމެހާ ކަންކަންކޮށް، މަގުފަހި ކޮއްދީ، ދެމެހެއްޓެނިވި ގޮތެއްގައި ހިއްސާދާރުންގެ ހިއްސާއަށް ޖެހޭ ފައިދާގެ މިންވަރު އެންމެ ބޮޑުކޮށްދިނުމެވެ.
• ފިޑިޔުޝަރީ ޑިއުޓީސް: ޑިރެކްޓަރުން އަމަލުކުރަންވާނީ ހެޔޮ ނިޔަތުގައި، ކުންފުނީގެ މަސްލަހަތަށްޓަކައި، އަދި އެމީހުންގެ ބާރުތައް އެކަށީގެންވާ ބޭނުންތައް ބޭނުންކުރުމަށެވެ.
• ޑިއުޓީ އޮފް ކެއަރ އެންޑް ސްކިލް: ޑިރެކްޓަރުންގެ ޢިލްމާއި ތަޖުރިބާއަށް ރިޢާޔަތްކޮށް، ނިންމުންތައް ނިންމުމުގައި އެކަށީގެންވާ ވިސްނުންތެރިކަމާއި، ފަރުވާތެރިކަމާއި، ބުރަ މަސައްކަތާއި، ހުނަރުވެރިކަން ބޭނުންކުރުން ލަޒިމްވާނެއެވެ.
• މަސްލަހަތު ފުށުއަރާ ކަންކަމުން ދުރުހެލިވުން: ޑިރެކްޓަރުންގެ އަމިއްލަ މަސްލަހަތާއި ކުންފުނީގެ މަސްލަހަތާ ފުށުއަރާ ހާލަތްތަކުން ދުރުހެލިވާން ޖެހެއެވެ.  އަދި ކުރިމަތިވެދާނެ އެއްވެސް  މަސްލަހަތުގެ ފުށު އެރުންތަކެއް ހާމަކޮށް، އެ ފަދަ ހާލަތްތައް އޮންނަ ތަންތަނުގައި ވޯޓު ދިނުމުން ދުރުހެލިވާންވާނެއެވެ.
• މެނޭޖްމަންޓްގެ ކަންކަން ބެލެހެއްޓުން: ބޯޑުން ސްޓްރެޓެޖިކް ގައިޑްލައިން ފޯރުކޮށްދީ، މެނޭޖްމަންޓްގެ ޕާފޯމަންސް މޮނިޓަރކޮށް، އިންޓަރނަލް ކޮންޓްރޯލްގެ އެކަށީގެންވާ ނިޒާމުތައް ގާއިމްކޮށްފައިވާތޯ ބެލުން.
• . -ފައިނޭންޝަލް ރިޕޯޓިންގ: ކުންފުނީގެ މާލީ ބަޔާންތަކުގެ ޞައްޙަކަމާއި އިންޓެގްރިޓީ ކަށަވަރުކުރުމަކީ ޑިރެކްޓަރުންގެ ޒިންމާއެކެވެ.
• ކޮމްޕްލަޔަންސް: ޑިރެކްޓަރުން ކުންފުނިން ޢަމަލުކުރާ ހުރިހާ ގާނޫނުތަކާއި ގަވާއިދުތަކަށް އަމަލުކުރާކަން ކަށަވަރުކުރަންވާނެއެވެ.
• ހިއްސާދާރުންނަށް ޖަވާބުދާރީވުން: ޑިރެކްޓަރުން ހިއްސާދާރުންނަށް ޖަވާބުދާރީވެ، ކުންފުނީގެ ޕާފޯމަންސްއާ ބެހޭ ގޮތުން ގަވާއިދުން އަޕްޑޭޓްތައް ފޯރުކޮށްދޭން ޖެހެއެވެ.

3. ހުށަހަޅަންޖެހޭ ލިޔުންތައް:

1. ޑިރެޓަރ އަށް ކުރިމަތިލާ ކަމުގެ ސިޓީ
2. ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީ-މެއިލް އެޑްރެސް ހިމެނޭގޮތަށް).
3. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ (މުއްދަތުހަމަވެފައިވީ ނަމަވެސް) ދެފުށުގެ ލިޔުންތައް ފެންނަ، ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް. ނުވަތަ އައި.ޑީ. ކާޑު ގެއްލިފައިވާ ނަމަ، އެ ފަރާތެއްގެ އުފަންދުވަހުގެ ސެޓްފިކެޓު، ޕާސްޕޯޓް ނުވަތަ ޑްރައިވިންގ ލައިސަންސް.
4. ލިބިފައިވާ ތަޢުލީމީ ސެޓްފިކެޓުތަކުގެ ކޮޕީ؛
5. ރެޖިސްޓްރާރ އޮފް ކޮމްޕެނީޒް އިން ކަނޑައަޅާފައިވާ ޑިރެކްޓަރުންގެ ތަމްރީން ފުރިހަމަކޮށްފައިވާކަމުގެ ސެޓްފިކެޓް.

1. 4.      އިންޓަވިއު އޮންނާނެ ތަނާއި މުއްދަތު:

މިމަޤާމަށް މުވައްޒަފުން ނެގުމަށް ބާއްވާ އިންޓަރވިއު އޮންނާނީ މުއްދަތު ހަމަވާ ތާރީހުން ފެށިގެން 5 ދުވަސް ތެރޭގައެވެ.

1. 5.      މަޤާމަށް އެދެންވީ ގޮތާއި ސުންގަޑި:

ޑިރެކްޓަރ އަށް އެދޭ ލިޔެކިޔުންތައް ފުރިހަމަ ކުރުމަށްފަހު ހުށަހަޅާނީ 17 މާރޗް 2025 ވާ ހޯމަ ދުވަހުގެ 12:00 ގެ ކުރިން ގައްދޫ ކައުންސިލް އިދާރާ އަށެވެ. އަދި ލިޔެކިޔުންތައް އީމެއިލް މެދުވަރިކޮށް ފޮނުވާނަމަ ގައްދޫ ކައުންސިލް އިދާރާގެ މެއިލް [email protected] އަށް މެއިލް ކުރުމަށްވެސް ދެންނެވީމެވެ.

1. 6.      އިތުރު މަޢުލޫމާތު ހޯދުން:

މި ކަމާއި ގުޅޭގޮތުން އިތުރު މަޢުލޫމާތު ސާފުކުރަން ބޭނުންވެލައްވާނަމަ ގައްދޫ ކައުންސިލް އިދާރާގެ ނަންބަރ 6840003 އަށް ގުޅުއްވުން އެދެމެވެ.

ގދ ގައްދޫ ލޯކަލް އޮތޯރިޓީ ކުންފުނީގެ ބޯޑު ޑިރެކްޓަރުން ހޮވާނީ "ކައުންސިލްތަކުން ލޯކަލް އޮތޯރިޓީ ކުންފުނި އުފެއްދުމާއި، އަމިއްލަ ފަރާތްތަކާއެކު ވިޔަފާރިކުރުމާބެހޭ ޤަވާއިދު" (ޤަވާއިދު ނަންބަރު: 2021/R-49) ގައި ބަޔާންކޮށްފައިވާ ގޮތުގެ މަތީންނެވެ.

      މި މަޤާމަށް ކުރިމަތިލައްވާ ފަރާތްތަކަކީ، "ކައުންސިލްތަކުން ލޯކަލް އޮތޯރިޓީ ކުންފުނި އުފެއްދުމާއި، އަމިއްލަ ފަރާތްތަކާއެކު ވިޔަފާރިކުރުމާބެހޭ ޤަވާއިދު" (ޤަވާއިދު ނަންބަރު: 2021/R-49) ގައި ރަޖިސްޓްރާރ އޮފް ކޮމްޕެނީޒް ކަނޑައަޅާފައިފާ "ފިޓް އެންޑް ޕްރޮޕަރ" ޑިރެކްޓަރުންގެ ބޯޑުގެ ޝަރުތުތައް ފުރިހަމާ؛ އަދި ލޯކަލް ގަވަރމަންޓް އޮތޯރިޓީން އެކުލަވާލައިފާވާ "ލޯކަލް އޮތޯރިޓީ ކުންފުނީގެ ޑިރެކްޓަރުންގެ ސުލޫކީ މިންގަނޑު (01/221/2022އ) ގައި ބަޔާންކޮށްފައިވާ މިންގަނޑުތަކާއި ސިފަތައް ފުރިހަމަވާ ފާރާތެއްކަމުގައި ވާންވާނެއެވެ.

      މަތީގައި އެވަނީ ލޯކަލް އޮތޯރިޓީ ކުންފުނި އުފެއްދުމުގެ ގަވާއިދު "ކައުންސިލްތަކުން ލޯކަލް އޮތޯރިޓީ ކުންފުނި އުފެއްދުމާއި، އަމިއްލަ ފަރާތްތަކާއެކު ވިޔަފާރިކުރުމާބެހޭ ޤަވާއިދު" (ޤަވާއިދު ނަންބަރު: 2021/R-49) ގައި ރަޖިސްޓްރާރ އޮފް ކޮމްޕެނީޒް ކަނޑައަޅުއްވާފައިވާ ޝަރުތުތަކެވެ.

     ބޯޑުގެ ޑިރެކްޓަރކަމަށް ކުރިމަތިލައްވާ ފަރާތްތައް، ގައްދޫ  ކައުންސިލުން އެކުލަވާލާ ކޮމިޓީއިން އިވެލުއޭޓްކުރުމަށްފަހު ޝޯޓްލިސްޓްކުރެވޭ ފަރާތްތަކާ އިންޓަވިއުކުރެވޭނެއެވެ. އަދި ޝޯޓްލިސްޓްކުރެވި އިންޓަވިއުކުރެވުނު ފަރާތްތަކުގެ ނަންތައް ގައްދޫ  ކައުންސިލްގެ ބައްދަލުވުމަށް ހުށަހަޅައި، ކައުންސިލްގެ ރަސްމީ ޖަލްސާއަކުން މެންބަރުން ކަނޑައަޅާގޮތެއްގެ މަތިން، ޑިރެކްޓަރުކަމަށް ކުރިމަތިލައްވާފައިވާ ފަރާތްތަކުގެ ތެރެއިން ބޯޑުގެ ޑިރެކްޓަރުކަމަށް ހޮވޭ ފަރާތް ކަޑައަޅާނީ ގައްދޫ ކައުްސިލްގެ ރަސްމީ ޖަލްސާއިންނެވެ.

                  މިހެންވެ މިކަން ޢާންމުކޮށް އެންގުމަށްޓަކައި އިޢުލާން ކުރީމެވެ.