މިއަހަރުގެ ފިޠުރު ޒަކާތް ބަލައިގަތުމަށް ހަމަޖެހިފައިވަނީ 2 ރަމަޟާން 1446  ވަނަ ދުވަހުން ފެށިގެން 27 ރަމަޟާން1446 ވަނަ ދުވަހުގެ  ނިޔަލަށްށެވެ.  ފިޠުރު ޒަކާތް ބަލައިގަންނާނީ ބަންދުނޫން ކޮންމެ ދުވަހެއްގެ 9.30 ން 12.30 ހާއި ދެމެދު އޮންލައިންކޮންނެވެ.

          ފިޠުރު ޒަކާތަށް ދައްކަވަންޖެހޭ މިންވަރަކީ މީހަކަށް 2.4 ކިލޯގެ ގޮވާމުގެ މިންވަރެވެ. ޒަކާތް ނެރޭނީ އެބަޔަކު އަހަރު ތެރޭގައި އާންމުކޮށް ކައި އުޅުނު ބާވަތްތަކުން  ( ގޮވާމުން) 2.4 ކިލޯގެ މިންވަރުގެ އެއަދަދަށްވާ  ނަގުދު ފައިސާއެވެ. އަދި މިއަހަރުގެ ވެސް ރަމަޟާން މަހުގެ ފަހުދިހައިގެ ދުވަސްތަކަކީ ސަރުކާރު ބަންދު ދުވަސްތަކެއްކަމުގައި ކަނޑައަޅުއްވާފައިވާތީ، މި އަހަރުގެ ރަމަޟާން މަހު އޮންލައިންކޮން ޒަކާތް ބަލައި ގަތުމަށް ހަމަޖެހިފައިވާ ދުވަސްތަކާއި ވަގުތުތައް ތިރީގައި އެވަނީއެވެ.

1446ވަނަ އަހަރުގެ ފިތުރު ޒަކާތުގެ ގޮތުގައި ދައްކަންޖެހޭ ފައިސާގެ ޢަދަދު.

         އޮންލައިންކޮށް ފިޠުރު ޒަކާތް ދައްކަވާ ފަރާތްތަކުން ޒަކާތުގެ ފައިސާ ޖަމާކުރުމަށް ހަމަޖެހިފައިވަނީ ކައުންސިލް އިދާރާގެ ތިރީގައި މިވާ ބީ.އެމް.އެލް. އެކައުންޓަށް ކަމުގައި ދެންނެވީމެވެ.

އެކައުންޓް ނަމްބަރު:  7714 700430 004

އެކައުންޓް ނަން:  1294 KHARADHU 2

       ފިޠުރު ޒަކާތުގެ ފައިސާ ޖަމާކުރި / ޓްރާންސްފަރ ކުރި ސްލިޕް އެމީހަކު 7930016 މިނަމްބަރަށް ވައިބަރ އިން  ފޮނުވައިދެއްވުން އެދެމެވެ. އަދި ސްލިޕްގެ

ރިމާކްސް ގައި ޒަކާތުގެ ގޮތުގައި ފައިސާ ދެއްކެވި މީހުންގެ އަދަދާއި، ރޭޓް އަދި ފައިސާ ދެއްކި ފަރާތުގެ ނަމާއި އެޑްރެސް ލިޔުއްވުމަށްފަހު ފޮނުވައި ދެއްވުން އެދި ދެންނެވީމެވެ.

         އަދި މިއިދާރާގެ އިތުރުން އޮންލައިންކޮށް ފިޠުރު ޒަކާތް ބަލައިގަންނާނީ ތިރީގައިވާ މުއައްސަސާތަކުންނެވެ. އަދި ޕޯޓަލްތަކުގެ ލިންކާއި ކިއު.އާރު ކޯޑުތައް ދިވެހިރާއްޖޭގެ ޒަކާތު ހައުސް އިސްލާމީ ކަންތައްތަކާ ބެހޭ ވުޒާރާގެ ވެބްސައިޓް (/https://zakathouse.gov.mv) ގައި ޢާންމުކުރެވޭނެވެ.

ކައުންސިލް އިދާރާ ފިޔަވާ އޮންލައިންކޮށް ފިޠުރުޒަކާތް ބަލައިގަންނަ މުއައްސަސާތައް:

       ފިޠުރު ޒަކާތުގެ ފައިސާ ވީހާވެސް ގިނަފަރާތްތަކުން އޮންލައިން ޕްލެޓްފޯމްތައް މެދުވެރިކޮށް ޒަކާތް ދެއްކުމަށް ދެންނެވީމެވެ.

ވީމާ، މިކަން ޢާންމުކޮށް އެންގުމަށްޓަކައި އިޢުލާން ކުރީމެވެ.