ދިވެހިރާއްޖެ
އިޢުލާން
މާކުރަތު ޕްރީ ސްކޫލަށް ދަރިވަރުން ވެއްދުމުގެ ފުރުޞަތު ހުޅުވާލުން:
2025 ވަނަ ދިރާސީ އަހަރަށް މާކުރަތު ޕްރީ ސްކޫލަށް ދަރިވަރުން ވެއްދުމަށް އެދޭ ފަރާތްތަކުން އެކަމަށް އެދުމުގެ ފުރުޞަތު ވަނީ ހުޅުވާލެވިފައެވެ. މިގޮތުން މާކުރަތު ޕްރީ ސްކޫލަށް ދަރިވަރުން ވެއްދުމުގައި ޢުމުރުފުރާ ބަލާނެ ގޮތް ތިރިގައި މިވަނީ އެވެ.
ގްރޭޑް |
އުމުރުފުރާ |
ބޭބީ ނާސަރީ |
2024 ވަނަ އަހަރުގެ ޑިސެންބަރު 31 އަށް 2 އަހަރު ފުރި 3 އަހަރު ނުފުރުން |
ނާސަރީ |
2024 ވަނަ އަހަރުގެ ޑިސެންބަރު 31 އަށް 3 އަހަރު ފުރި 4 އަހަރު ނުފުރުން |
ހިގާ އަހަރު 31 މާރޗްގެ ނިޔަލަށް 2 އަހަރު ފުރޭ ކުދިންނަށް ބޭބީ ނާސަރީ އަށް ވަނުމުގެ ފުރުޞަތު ބެލެނިވެރިޔާ އެދިއްޖެނަމަ ދެވޭނެއެވެ. އަދި ހިގާ އަހަރު 31 މާރޗްގެ ނިޔަލަށް 3 އަހަރު ފުރޭ ކުދިންނަށް ނާސަރީ އަށް ވަނުމުގެ ފުރުޞަތު ބެލެނިވެރިޔާ އެދިއްޖެނަމަ ދެވޭނެއެވެ. |
ވީމާ، މަތީގައި ދެންނެވިފައިވާ ޢުމުރުފުރާތަކަށް ފެތޭ ކުދިންގެ ތެރެއިން 2025 ވަނަ އަހަރު މާކުރަތު ޕްރީސްކޫލްގެ ބޭބީ ނާސަރީ އަދި ނަސަރި އަށް ވައްދަން ބޭނުންވާ ދަރިވަރުން އެޑްމިޝަން ފޯމް ފުރިހަމަ ކުރުމަށް ފަހު 18 މާރިޗް 2025 ވާ އަންގާރަ ދުވަހުގެ 12:00 ގެ ކުރިން ކައުންސިލް އިދާރާ އަށް ހުށަހެޅުއްވުން އެދެމެވެ. އެޑްމިޝަން ފޯމް މި އިދާރާގެ ކައުންޓަރުން ލިބިވަޑައިގަންނަވާނެއެވެ. އިތުރު މަޢުލޫމާތު ސާފް ކުރެއްވުމަށް ރަސްމީ ގަޑީގައި 6584030 އަށް ގުޅުއްވުން އެދެން.
މިހެންވެ، މިކަން އާންމުކޮށް އެންގުމަށްޓަކައި އިޢުލާނު ކުރިމެވެ.
05 ރަމަޟާން 1446