ދިވެހިރާއްޖެ
(IUL)258/258/2025/22ނަންބަރު:
އިޢުލާން
1446 ވަނަ އަހަރުގެ ފިޠުރު ޒަކާތް ބަލައިގަތުމާ ގުޅޭ
ޒަމާނުއްސުރެ ދިވެހިރާއްޖޭގައި ފިޠުރު ޒަކާތުގެ ފައިސާ ބަހަމުން އައިސްފައިވަނީ އެ ރަށަކުން ލިބޭ ފައިސާ އެ ރަށެއްގައި ރަޖިސްޓްރީވެފައިވާ ފަޤީރުންނާއި މިސްކީނުންނަށެވެ. މި ގޮތަށް ފިޠުރުޒަކާތް ބެހުމުން އެކި ރަށްރަށުގައި ރަޖިސްޓްރީވެފައިވާ ފަޤީރުންނާއި މިސްކީނުނަށް ފިޠުރުޒަކާތް ލިބުމުގައި ހުންނަ ބޮޑެތި ފަރަޤުތައް ނައްތާލުމަށްޓަކައި، 1446 ވަނަ އަހަރުން ފެށިގެން ފިޠުރުޒަކާތް މުޅި ރާއްޖޭގެ އެންމެހައި ފަޤީރުންނާއި މިސްކީނުންގެ މެދުގައި ހަމަހަމަ ކަމާއިއެކު ބެހުމަށް ދިވެހިރާއްޖޭގެ ޒަކާތު ހައުސްއިން ނިންމާފައިވާތީ ، ހުރިހާ ރަށަކުން ބަލައިގަނެވޭ ފިޠުރުޒަކާތުގެ ފައިސާ ޒަކާތު ހައުސްއަށް ގެންދިއުމަށް ފަހު، އެ ފައިސާ ފަޤީރުންނާއި މިސްކީނުނަށް ޖަމާކުރާނީ ޒަކާތު ހައުސްއިންނެވެ.
ފިޠުރު ޒަކާތް ބަލައިގަތުމަށް ހަމަޖެހިފައިވާ ގޮތް:
1446 ވަނަ އަހަރުގެ ފިޠުރު ޒަކާތް ބަލައިގަތުމަށް ހަމަޖެހިފައިވަނީ ދިވެހިރާއްޖޭގެ ޒަކާތު ހައުސް ގެ ނަންބަރު 496-B2/CIR/2025/3 (26 ފެބުރުވަރީ 2025) ސަރކިއުލަރގައިވާ ގޮތުގެ މަތިން ، 02 ރަމަޟާން 1446 (02 މާރޗް 2025) ވާ އާދިއްތަ ދުވަހުން ފެށިގެން 27 ރަމަޟާން 1446 (27 މާރޗް 2025) ވާ ބުރާސްފަތި ދުވަހުގެ ނިޔަލަށް ރަސްމީ ބަންދު ނޫން ކޮންމެ ދުވަހެއްގެ ހެނދުނު 9:30 އިން މެންދުރު 12:00 ގެ ނިޔަލަށް ކައުންސިލްގެ އިދާރާއިންނެވެ.
ފިޠުރު ޒަކާތުގެ ގޮތުގައި ނެރޭނީ އެބަޔަކު އަހަރުތެރޭގައި ބަނޑުކެއުމުގެ ގޮތުގައި ޢާއްމުކޮށް ކައިއުޅުނު ގޮވާމުގެ ބާވަތަކުން 2.4 ކިލޯގެ އަގެވެ. ނުވަތަ 2.4 ކިލޯއެވެ. އެގޮތުން ފިޠުރުޒަކާތުގެ ގޮތުގައި ދައްކަންޖެހޭ ފައިސާގެ ތަފްޞީލް ތިރީގައި އެވަނީއެވެ.
|
# |
ބާވަތް |
ފައިސާގެ އަދަދު |
|
1 |
އާދައިގެ ހަނޑޫ |
12 ރުފިޔާ |
|
2 |
ތައިލެންޑް ހުދު ހަނޑޫ |
62 ރުފިޔާ |
|
3 |
ރަތް ހަނޑޫ |
86 ރުފިޔާ |
|
4 |
ބާސްމަތީ ހަނޑޫ ( އާދައިގެ) |
74 ރުފިޔާ |
|
5 |
ބާސްމަތީ ހަނޑޫ (މޮޅު) |
100 ރުފިޔާ |
|
6 |
ބާސްމަތީ ހަނޑޫ (އެންމެ މޮޅު) |
133 ރުފިޔާ |
|
7 |
އާދައިގެ ފުށް |
10 ރުފިޔާ |
|
8 |
އާޓާ ފުށް |
75 ރުފިޔާ |
ބޭންކް ޓްރާންސްފަރ މެދުވެރިކޮށް ޒަކާތް ދައްކަވަން ބޭނުންފުޅުވެލައްވާ ބޭފުޅުން ތިރީގައިވާ އެކައުންޓް ނަންބަރު މެދުވެރިކޮށް ފައިސާ ފޮނުވުމުން ބަލައިގަނެވޭނެ ވާހަކަ ދަންނަވަމެވެ. އޮންލައިންކޮށް ފައިސާ ދައްކަވާ ފަރާތްތަކުން ރިމާރކްސްގައި ނަން، ގޭގެ ނަން، ޒަކާތް ދައްކާ މީހުންގެ ޢަދަދު، އަދި ޒަކާތް ދައްކާ ބާވަތް ޖެއްސެވުމަށްފަހު ފޮނުވުން އެދެމެވެ.
އަދި ފައިސާ ދައްކަވަން ދުރުވާއިރު ކޮންމެ ބޭފުޅެއްވެސް އައިޑީ ކާޑު ހިއްޕަވައިގެން ދުރުވެދެއްވުން އެދެމެވެ.
|
އެކައުންޓް ނަން : |
1296 Kharadhu 2 |
|
އެކައުންޓް ނަންބަރު: |
7706700320004 |
|
ވައިބަރ ނަންބަރު: |
7440028 |
ފިޠުޒަކާތް ބަހާނީ، 01 ރަމަޟާން 1446 އާއި ހަމައަށް ފަޤީރުންނާއި މިސްކީނުންގެ ދަފްތަރުގައި ރަޖިސްޓްރީ ވެފައިވާ ފަރާތްތަކަށް ދިވެހިރާއްޖޭގެ ޒަކާތު ހައުސްއިންނެވެ.
ވީމާ މިކަން އާންމުކޮށް އަންގާ އިއުލާން ކުރަމެވެ.
03 ރަމަޟާން 1446
03 މާރޗް 2025
