ދިވެހިރާއްޖެ
ހއ. މާރަންދޫ ގައި ބޭންކް އޮފް މޯލްޑިވްސް އިން އިމާރާތްކުރާ އޭ.ޓީ.އެމްގެ ބިޑް ރަޖިސްޓްރީ ކުރުމާއި ބިޑް ހުށަހެޅުމުގެ މުއްދަތަށް ބަދަލުގެނައުމާ ގުޅޭ
މިކައުންސިލްގެ ނަންބަރު: (IUL)253-OU-08275/253/2025/17 އިޢުލާނާއި ހަވަލާދީ ދަންނަވަމެވެ.
ހަވާލާދީފައިވާ އިޢުލާނާ ގުޅިގެން މިރަށުގައި ޤާއިމް ކުރުމަށް ހަމަޖެހިފައިވާ އޭ.ޓީ.އެމްގެ ބިޑް ރަޖިސްޓްރީ ކުރުމުގެ މުއްދަތު 02 މާރިޗް 2025 ވަނަ ދުވަހުގެ 13:00 އަށް ހަމަވެއެވެ. ނަމަވެސް މުޅި ރާއްޖެއަށް ކުރަމުންދާ ބޯވިއްސާރައިގެ ސަބަބުން 02 މާރޗް 2025 ވަނަ ދުވަހަކީ ސަރުކާރު ބަންދު ދުވަހެއް ކަމަށް ސަރުކާރުން ނިންމަވާފައިވާތީ އޭ.ޓީ.އެމްގެ ބިޑް ރަޖިސްޓްރީ ކުރުމުގެ މުއްދަތު 03 މާރިޗް 2025 ވަނަ ދުވަހުގެ 13:00 އަށް އިތުރުކުރެވިފައިވާ ވާހަކަ ދެންނެވީމެވެ. މި ގެނެވުނު ބަދަލާ ގުޅިގެން ބިޑް ހުށަހެޅުމުގެ މުއްދަތުވެސް 06 މާރިޗް 2025 ވާ ބުރާސްފަތި ދުވަހުގެ 10:30 އަށް ބަދަލުކުރެވިފައިވާ ވާހަކަ ދެންނެވީމެވެ. ބިޑް ހުށަހެޅުން އޮންނާނީ މާރަންދޫ ކައުންސިލް އިދާރާގެ ކޮންފަރެންސް ހޯލްގައެވެ.
މި މަސައްކަތައް އެދި ހުށަހަޅާ އަންދާސީ ހިސާބުތައް ހުންނަންޖެހޭނީ ބަންދުކުރެވިފައިވާ ސިޓީ އުރައެއްގައެވެ. މިކަމަށް އެދި އަންދާސީ ހިސާބުހުށަހަޅާނީ އެކަމަށް ތައްޔާރުކުރެވިފައިވާ ފޯމުގައެވެ. ބިޑް ރަޖިސްޓްރީ ނުކުރާ ފަރާތްތަކާއި ގަޑިޖެހިގެން ބިޑް ހުށައަޅަން ހާޒިރުވާ ފަރާތްތަކަށް ބިޑް ހުށަހެޅުމުގެ ފުރުޞަތު ނޯންނާނެ ވާހަކަ ދެންނެވީމެވެ. އަދި ބަދަލުގައި މީހަކު ފޮނުވާނަމަ އެކަން ބަޔާންކޮށްފައިވާ ސިޓީއަކާއިއެކު ފޮނުއްވުމަށް ދަންނަވަމެވެ.
މަޢުލޫމާތު ސާފުކުރުމަށާއި އަންދާސީ ހިސާބު ހުށައެޅުމަށް ބަދަލުގައި މީހަކު ފޮނުވާނަމަ، އެކަން ބަޔާންކޮށް ސިޓީއަކުން މިއިދާރާއަށް ހުށައަޅަން ޖެހޭނެއެވެ. މި އަންދާސީ ހިސާބުގައި ބައިވެރި ވެވޭނީ ޤާނޫން ނަމްބަރު 18/2014 "ވިޔަފާރި ރަޖިސްޓްރީ ކުރުމުގެ ޤާނޫން" އަދި 19/2014 " އަމިއްލަ ފަރުދުންގެ ވިޔަފާރި ޤާނޫން" ގެ ދަށުން މިނިސްޓްރީ އޮފް އިކޮނަމިކް ޑިވެލޮޕްމަންޓްގައި ރަޖިސްޓްރީވެފައިވާ ފަރާތްތަކަށެވެ. މިކަމަށް އެދި ހުށައަޅާ އަންދާސީ ހިސާބުތައް ކެނޑުމަށް ހަމަޖެހިފައިވަނީ އަންދާސީ ހިސާބު ހުށައަޅާ ފަރާތްތަކުގެ ޙާޟިރުގައެވެ. އިތުރު މަޢުލޫމާތު ސާފުކުރެއްވުމަށް 6500029 9666691 ނަންބަރު ފޯނާއި ގުޅުއްވުން އެދެމެވެ.
މިހެންވެ މިކަން އާންމުކޮށް އަންގާ އިޢުލާންކުރީމެވެ.
02 ރަމަޟާން 1446
02 މާރިޗް 2025
