ދިވެހިރާއްޖެ
1. ބުނެވިދިޔަ އުސޫލުގެ 2 ވަނަ މާއްދާގެ (ރ) އަންނަނިވިގޮތަށް އިސްލާޙުކުރުން
2. އާއްމު ބައިތައް: |
(ރ). ދަނޑުވެރިކަން ކުރުމަށް ދޫކުރެވޭ ބިމުގައި ދިވެހި ރުކާއި، ލަކުޑި ގަސްފަދަ ދަނޑުބިން ބޭކާރުވާފަދަ ގަސްގަހާގެހި އިންދާ ހެއްދުމަކީ މަނާކަމެވެ. އަދި އަނބު، ކުއްޅަވައް، ބަނބުކެޔޮ، ދުނބުރި ސައްކެޔޮ އަދި ކުންނާރު، ފަދަ ގަސްތައް އިންދާ ހެއްދުމަކީ މަނާކަމެކެވެ. ބިމުގައި ބޮޑެތި ވަޅުގަޑު ކޮނެ އާނު ގަނޑު ނަގާ އަޑީގަ ހުންނަ ފަސްތައްނަގާ ބިން މައްޗައް ފަތުރާ ހެދުމަކީ މަނާކަމެކެވެ.
|
ބުނެވިދިޔަ އުސޫލުގެ 5 ވަނަ މާއްދާގެ (ހ) އަދި (ށ) އަންނަނިވިގޮތަށް އިސްލާޙުކުރުން .2
5. ފީ ނެގުން: |
(ހ). ކަނޑައެޅިފައިވާ ފީތައް: (1) ރަށުގެ ރަށްވެހިންނަށް ބިން ދޫކުރާ ގިންތިއަށް ދޫކުރާ ދަނޑުބިން ދޫކުރެވޭނީ އަކަފޫޓަކަށް މަހަކު ދަށްވެގެން 03 ލާރީގެ ރޭޓުންނެވެ. އަދި ރަށުގެ ރަށްވެހިންނަށް ދޫކުރާ ދަނޑުގެ ފީ ކޮންމެ މީލާދި މަހެއްގެ 10 ވަނަ ދުވަހުގެ ކުރިން މިކައުންސިލަށް ދައްކަންވާނެއެވެ. 10ވަނަ ދުވަހުގެ ފަހުން ފީ ބަލައިގަނެވޭނީ ފާއިތުވެގެންދާ ކޮންމެ ދުވަހަކަށް -/2 (ދެރުފިޔާ) ގެ ޖޫރިމަނާއަކާއި އެކުގައެވެ. (2) ވިޔަފާރި އުޞޫލުން ރަށުގެ ރައްވެހިންނަށް ބިން ދޫކުރާ ގިންތިއަށް ދޫކުރާ ދަނޑުބިން ދޫކުރެވޭނީ އަކަފޫޓަކަށް މަހަކު ދަށްވެގެން 10 ލާރީގެ ރޭޓުންނެވެ. (3) ވިޔަފާރި އުޞޫލުން ރަށުގެ ރައްވެހިން ފިޔަވާ އެހެނިހެން ފަރާތްތަކަށް ބިން ދޫކުރާ ގިންތިއަށް ދޫކުރާ ދަނޑުބިން ދޫކުރެވޭނީ އަކަފޫޓަކަށް މަހަކު ދަށްވެގެން 15 ލާރީގެ ރޭޓުންނެވެ. (ށ). ގިންތި 2 އަދި 3 ގެ ދަށުން ދޫކުރާ ދަނޑުބިން ދޫކުރެވޭނީ އެގިންތިއަކަށް ކަނޑައެޅިފައިވާ ފީ 6 (ހައެއް) މަސްދުވަހަށް މިކައުންސިލަށް ދެއްކުމުންނެވެ.
|
3. މި އުސޫލަށް ޢަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި އުސޫލު ޝާއިޢު ކުރާ ތާރީޙުން ފެށިގެންނެވެ.