ސްޓޭޓް އިލެކްޓްރިކް ކޮމްޕެނީ ލިމިޓެޑް
ދިވެހިރާއްޖެ
މެނޭޖަރ (ފައިނޭންސް އެންޑް އެކައުންޓްސް ޑިޕާޓްމަންޓް)

ވަޒީފާގެ ފުރުޞަތު

ވަޒީފާގެ ދާއިރާ:

ފައިނޭންސް އެންޑް އެކައުންޓްސް ޑިޕާޓްމަންޓް

މަޤާމް:

މެނޭޖަރ

ބޭނުންވާ ޢަދަދު:

02

މުސާރަ:

މަސައްކަތުގެ ތަޖުރިބާ އަދި ތައުލީމީ ފެންވަރު ބެލުމަށްފަހު، ދެފަރާތުން އެއްބަސްވާ ގޮތެއްގެ މަތީން.

ފެންވަރު ނުވަތަ ޝަރުޠު:

  • އައި.އެފް.އޭ.ސީ އިން ރިކޮގޮނައިޒް ކުރާ ޕްރޮފެޝަނަލް އެކައުންޓިންގ ބޮޑީއެއްގެ މެމްބަރުކަން ކުރައްވާ ފަރާތްތަކަށްވުން.
  •  މަސައްކަތާއި ގުޅުންހުރި ދާއިރާއަކުން މަދުވެގެން 02 އަހަރު ދުވަހުގެ މަސައްކަތު ތަޖުރިބާ ލިބިފައިވުން.

ދާއިރާގެ މައިގަޑު މަސައްކަތް:

  • ކުންފުނިންދޭ ޚިދުމަތްތަކާއި، ދުރު ރާސްތާގެ ޕްލޭންތަކާއި، ވިޔަފާރިއާއި އަދި މަސައްކަތުގެ ލަނޑުދަނޑިތައް ހާޞިލްކުރުމަށް ޑިޕާޓްމަންޓް ހިންގެވުމާއި ހަވާލުވެ ހުންނަވާ ވެރިޔާ އާއި ގުޅިގެން ދުވަހުން ދުވަހަށް ކުރަންޖެހޭ މަސައްކަތްތައް ކުރުން.
  • ދާއިރާގެ މަސައްކަތްތައް ހަރުދަނާކުރުމަށް ބޭނުންވާ އުޞޫލުތައް ކަނޑައެޅުމާއި ޤަވާއިދުތައް ހެދުން.
  •  މަސައްކަތަށް ބޭނުންވާ އެސްއޯޕީތައް ދާއިރާގެ އިސްވެރިޔާއާއި ގުޅިގެން ތައްޔާރުކުރުން.
  • ކުރިއަށް އޮތް އަހަރަށް މަސައްކަތްތައް ރޭވުމާއި، ބަޖެޓް ތައްޔާރުކުރުމާއި އަދި ފައިނަލް ކުރެވޭ ބަޖެޓާއި ޕްލޭނާއި އެއްގޮތްވާގޮތުގެ މަތިން ދާއިރާގެ އިސްވެރިޔާއާއި ގުޅިގެން މަސައްކަތްތައް ރާވާ ހިންގާ އަދި މޮނިޓަރކޮށް ބެލެހެއްޓުން.

ވަޒީފާއަށް ހުށަހެޅުމުގެ މުއްދަތުހަމަވާ ތާރީޚް:

27 ފެބުރުވަރީ 2025 ވަނަ ދުވަހުގެ 15:00 ގެ ކުރިން

ސުންގަޑި:

މި މަޤާމްތަކަށް އެދޭ ފަރާތްތަކުން، ވަޒީފާއަށް އެދޭ ފޯމު ފުރިހަމަކުރުމަށްފަހު، ތިރީގައިވާ ލިޔުންތަކާއެކު، [email protected] އަށް 27 ފެބުރުވަރީ 2025 ވަނަ ދުވަހުގެ 15:00 ގެ ކުރިން މެއިލްކޮށްދެއްވުން އެދެމެވެ.

އިންޓަވިއު:

އިންޓަވިއުކުރެވޭނީ ޝޯޓްލިސްޓްކުރެވޭ ފަރާތްތަކާއެވެ.

ހުށަހަޅަން ޖެހޭ ލިޔުން:

  1. ވަޒީފާ އަށް އެދޭ ފޯމު (ވަޒީފާއަށް އެދޭ ފޯމު މިކުންފުނީގެ އިންފޮމޭޝަން ކައުންޓަރުން ލިބެން ހުންނާނެއެވެ. އަދި މިކުންފުނީގެwww.stelco.com.mv  ގެ ވެބްސައިޓުން މި ފޯމު ޑައުންލޯޑުވެސް ކުރެވޭނެއެވެ.)
  2. އެޓެސްޓް އަދި އެކްރެޑިޓް ކޮއްފައިވާ ތަޢުލީމީ ސެޓުފިކެޓުތަކުގެ ކޮޕީ
  3. އެހެން ތަނެއްގައި ވަޒީފާ އަދާކޮށްފައިވާނަމަ، އެތަނެއްގައި ވަޒީފާ އަދާކޮށްފައިވާ ކަމުގެ ލިޔުން
  4. ދިވެހި ރައްޔިތެއްކަން އަންގާދޭ ކާޑުގެ ކޮޕީ

އިތުރު މަޢުލޫމާތު:

  • މިވަޒީފާތަކަށް ހޮވޭ ފަރާތްތަކަށް އަސާސީ މުސާރައިގެ އިތުރުން ހަމަޖެހިފައިވާ އުޞޫލުން އިތުރުގަޑީގެ ފައިސާ އާއި ވަޒީފާ އަށް ނުކުންނަ ކޮންމެ ދުވަހަކަށް ދެވޭ އިނާޔަތްތައް ލިބިދެވޭނެއެވެ.
  • މިވަޒީފާއަކީ 02 އަހަރު ދުވަހުގެ ކޮންޓްރެކްޓަށް ނެގޭ ވަޒީފާއެކެވެ. އަދި 02 އަހަރު ހަމަވުމުން މަސައްކަތުގެ ފެންވަރާއި މަސައްކަތުގެ އަޙްލާޤަށް ބަލާއި ރަނގަޅުނަމަ ވަޒީފާ ދާއިމީ ކުރެވޭނެއެވެ.
  • ވަޒީފާއަށް ހޮވުމުގައި ކުރިމަތިލާފައިވާ ފަރާތްތަކުގެ ތެރެއިން ތަޢުލީމީ ފެންވަރަށާއި މަސައްކަތުގެ ދާއިރާއިން ތަޖުރިބާ ހުރި ފަރާތްތަކަށް އިސްކަންދެވޭނެއެވެ.
  • މިމަޤާމް އަށް ޝަރުތު ހަމަވާ ފަރާތެއް ނުލިބިއްޖެނަމަ، ވަޒީފާއަށް އެދިފައިވާ ފަރާތްތަކުގެ ތެރެއިން، އެފަރާތްތައް ހުށަހަޅާފައިވާ ލިޔެކިއުންތަކާއި، ތަޖުރިބާ އަދި އިންޓަވިއުއަށް ބެލުމަށްފަހު، އެންމެ އެކަށީގެންވާ ފަރާތްތަކަށް ވަޒީފާގެ ފުރުޞަތު ހަމަޖެއްސުމުގެ އިޚްތިޔާރު މިކުންފުންޏަށް ލިބިގެންވެއެވެ.
  • ސްޓެލްކޯގައި މަސައްކަތްކުރާ މުވައްޒަފުންނަށް މި މަޤާމަށް ކުރިމަތި ނުލެވޭނެއެވެ.

21 ޝައުބާން 1446

20 ފެބްރުވަރީ 2025

20 ފެބުރުވަރީ 2025
ހޯދާ