އިޢުލާން

ރަށުގެ ބައެއް މަގުތަކާއި ގޯޅިތައް ވިނަ ނޮޅާ ސާފުކޮށް ބަލަހައްޓަމުން ނުގެން ދިއުމާއި ބައެއް މަގުތަކުގައި ލަކުޑި، ދަރު ފަދަ ތަކެތި ބަހައްޓާފައި ހުރުމުގެ ސަބަބުން މަގު ބޭނުން ކުރާ ފަރާތްތަކަށާއި ދުއްވާ ތަކެއްޗަށް އުނދަގޫވާތީ މިކަމުގެ ޝަކުވާ ކައުންސިލަށް ލިބެމުން ދާވާހަކަ ދަންނަވަމެވެ. އަދި ކުރިމަތި ވަމުން އަންނަނީ ބަރަކާތްތެރި ރަމަޟާން މަސް ކަމަށް ވުމާއިއެކު ރަށުގެ މަގުތައް ސާފުތާހިރު ކުރުމުގެ ގޮތުން މަގުމަތީގައި ބެހެއްޓިފައިވާ ތަކެތި ނަގާ ވިނަނޮޅާ ސާފު ކުރުމަށް ސަމާލުކަން ދެއްވުމަށް ދަންނަވަމެވެ. އަދި ބައެއް ފަޅު ގޯތިތަކާއި ގުޅިފައިވާ މަގުތަކާއި ގޯޅިތައް ސާފު ނުކުރުމުގެ ސަބަބުން ވިނަފަޅާ ދިގުވެފައިވާތީ މިފަދަ ގޯތިތަކުގެ ވެރިފަރާތްތަކުން ގޯއްޗާއި ގޯއްޗާ ގުޅިފައިވާ މަގުތައް ވިނަނޮޅާ ސާފުކޮށް ބެލެހެއްޓުމަށް ސަމާލުކަން ދެއްވުމަށް ދަންނަވަމެވެ.

މިހެންވެ، މިކަން އާންމުކޮށް އެންގުމަށްޓަކައި އިޢުލާނު ކުރީމެވެ.

       25 ޝައުބާން 1446