ދިވެހިރާއްޖެ
"ކުނި އުކާލުމާއި ކުނި ނައްތާލުމާއި އެކަންކަމަށް ފީނެގުމާބެހޭ އުސޫލު" ވަނީ ކައުންސިލްގެ 159 ވަނަ އާންމު ބައްދަލުވުމުން ފާސްކުރެވިފައެވެ. މި އުސޫލަށް އަމަލުކުރަން ފަށާނީ 01 މާރޗް 2025 އިން ފެށިގެންނެވެ.
މި އުސޫލަށް އަމަލުކުރަން ފަށާ ފުރަތަމަ ތިން މަސްދުވަހު، މި ޚިދުމަތް ދެވޭނީ ފީ ނެގުމަކާ ނުލައެވެ. ނަމަވެސް އުސޫލުގައި ބަޔާންކޮށްފައިވާ "ކައުންސިލް ޕިކަޕް ސާރވިސް" އަށް ކަނޑައެޅިފައިވާ އުސޫލުން ފީ ނެގޭނެއެވެ. އަދި ތިން މަސް ފަހުން، އުސޫލުގައިވާ ގޮތުގެ މަތީން ފީނެގުމާއެކު މި ޚިދުމަތް ކުރިއަށް ގެންދެވޭނެއެވެ. މި ތިން މަސް ދުވަހުގެ ތެރޭގައި، އާންމުންގެ ފަރާތުން ލިބޭ ޚީޔާލުތަކާއި އެއްގޮތުގެ މަތިން އުސޫލަށް ބަދަލު ގެނައުމުގެ އިޚްތިޔާރު ކައުންސިލަށް ލިބިގެން ވެއެވެ.
މި އުސޫލުގެ ދަށުން ޚިދުމަތް ބޭނުންވާ ފަރާތްތަކުން، އުސޫލުގެ ޖަދުވަލު 1 ގައިވާ " ރައްކާތެރިގޮތެއްގައި ކުނި ނައްތާލުމުގެ ޚިދުމަތަށް އެދޭ ފޯމް" މެދުވެރިކޮށް ރެޖިސްޓްރީ ވާން ވާނެއެވެ. މި ފޯމު އިދާރާގެ ކައުންޓަރުން ލިބެން ހުންނާނެއެވެ. މި އިއުލާނާއެކު "ކުނި އުކާލުމާއި ކުނި ނައްތާލުމާއި އެކަންކަމަށް ފީނެގުމާބެހޭ އުސޫލު" އާންމުކުރީމެވެ.