ޅެންވެރީންނާއި ލިޔުންތެރީންގެ ދަފުތަރު އަދާހަމަކުރުމާ ގުޅޭ

 ދިވެހި ލިޔުންތެރީންގެ ދަފުތަރާއި ދިވެހި ޅެންވެރީންގެ ދަފުތަރު އަދާހަމަކުރުމުގެ މަސައްކަތް މި އެކެޑަމީން ކުރަމުން ދާތީ، ދިވެހި ލިޔުންތެރީންނާ ބެހޭ މައުލޫމާތާއި، ދިވެހި ޅެންވެރީންނާ ބެހޭ މައުލޫމާތު މި އެކެޑަމީއަށް ފޮނުވަމުން ގެންދެވުމަކީ މި އެކެޑަމީގެ ވަރަށް ބޮޑު އެދުމެކެވެ. އެ ގޮތުން، ލިޔުންތެރިއެއް ނުވަތަ ޅެންވެރިއެއްގެ މައުލޫމާތު ފޮނުވާއިރު، އެ މީހެއްގެ ކުރު ތައާރަފެއް، ނުވަތަ ވަނަވަރަކާ އެކު، ތިރީގައި ވާ މައުލޫމާތު ފޮނުވުން އެދެމެވެ.

1.  ދިވެހިރައްޔިތެއްކަން އަންގައިދޭ ކާޑުގެ ކޮޕީ

2.  އެ މީހެއްގެ އުފެއްދުންތައް އެނގޭނޭ ލިސްޓެއް:

ހ. ޅެމާއި ލިޔުން ވަކިން އެނގޭނޭހެން

ށ. ޝާއިޢުކުރި ތަނާއި ތާރީޚު ނުވަތަ ދުވަސްވަރު

ނ. ޅެން ނުވަތަ ލިޔުމުގެ ވައްތަރު (އަދަބީ/ތާރީޚީ/ލޯބީގެ) 

ބ. ޝާއިޢުކުރި ގޮތް (ސުމޭކު މަންސައެއްގައި ނަމަ ލިންކު)

3.  އެ މީހެއްގެ މަސައްކަތް ބަލައިގެންފައި ވާ ގޮތް އެނގޭ ހެކި:

ހ. ލިޔުން

ށ. އިނާމު 

މި ކަމާ ގުޅޭ މައުލޫމާތު ހުށަހަޅާނީ 2025 މާރިޗު މަހުގެ 27ވަނަ ދުވަހުގެ ނިޔަލަށް، މި އެކެޑަމީގެ ކައުންޓަރާއި އީމެއިލް ([email protected]) މެދުވެރިކޮށެވެ. އިތުރު މަޢުލޫމާތު ބޭނުން ނަމަ މި އެކެޑަމީގެ ނަންބަރު 7772816 ނަންބަރު ފޯނާ ގުޅުން އެދެމެވެ.