މުނިފޫހިފިލުވުމުގެ ދާއިރާއަށް ފަންނާނުން އިތުރުކޮށް، ފަންނުވެރީންނަށް ހިތްވަރުދީ، އަގުވަޒަންކޮށް، އެކުވެރި ވާދަވެރި މަހައުލެއްގައި ފަންނުވެރިކަން ތަރައްޤީކޮށް ދެމެހެއްޓުމުގެ މަޤްސަދުގައި ރަމަޟާން މަހަށް ހާއްސަކޮށްގެން ބާއްވަމުން އަންނަ އެން.ސީ.އޭ - އޮފީސްތަކުގެ ޑްރާމާ މުބާރާތުގައި މި އަހަރު ވެސް 5 އޮފީހަކުން ވަނީ ބައިވެރިވެފައެވެ.

އެގޮތުން މި މުބާރާތަށް ޑްރާމާ ތައްޔާރުކުރުމަށްޓަކައި އޮފީސްތަކުން އަންނަނީ ވަރަށް ބުރަ މަސައްކަތްތަކެއް ކުރަމުންނެވެ. އެހެންކަމުން ކުރިން ވަނަ ހޮވުމަށް ހަމަޖެހިފައިވަނީ 14 ކެޓަގަރީކަމުގައި ވީނަމަވެސް މި އަހަރުގެ މުބާރާތަށް އިތުރު 4 ކެޓަގަރީއެއް ވަނީ އިތުރުކުރެވިފައެވެ. އެގޮތުން އެ 4 ކެޓަގަރީ އަކީ:

1. އެންމެ މޮޅު ލަވަ
2. އެންމެ މޮޅު ބެކް މިއުޒިކް
3. އެންމެ މޮޅު ވިޝުއަލް އިފެކްޓްސް
4. އެންމެ މޮޅު މޭކަޕް