މަޤާމު:

ކޮންސަލްޓަންޓް – ސޯޝަލް މީޑިއާ

ބޭނުންވާ އަދަދު:

01

އޮފީސް:

ދިވެހިރާއްޖޭގެ ޤައުމީ ޔުނިވަރސިޓީގެ ރިސަރޗް ޑިވެލޮޕްމަންޓް އޮފީސް

ކޮންޓްރެކްޓް މުއްދަތު:

5 މަސް ދުވަސް

މަސައްކަތުގެ ބާވަތް

ކޮންޓްރެކްޓު (ވަގުތީ -ޕާރޓް-ޓައިމް)

މަސައްކަތް ކުރަންޖެހޭ ދުވަހުގެ އަދަދު

ރަސްމީ ބަންދުނޫން ދުވަސްތައް

މަސައްކަތް ކުރަންޖެހޭ ގަޑީގެ އަދަދު

މަހަކު 60 ގަޑިއިރު، (ޖުމްލަ 300 ގަޑިއިރު )

އުޖޫރަ

މަހަކު 10،000.00 ރުފިޔާ

މަޤާމުގެ ޝަރުތު:

1. މަލްޓިމީޑިއާ ޕްރޮޑަކްޝަން، މާސް ކޮމިއުނިކޭޝަން، މީޑިއާ ސްޓަޑީސް، ޕަބްލިކް ރިލޭޝަންސް ނުވަތަ ގުޅުން ހުރި ދާއިރާއަކުން ދަށްވެގެން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ 7 ވަނަ ހަރުފަތުގެ ސަނަދެއް ހާސިލުކޮށްފައިވުން، ނުވަތަ
2. މަލްޓިމީޑިއާ ޕްރޮޑަކްޝަން، މާސް  ކޮމިއުނިކޭޝަން، މީޑިއާ ސްޓަޑީސް، ޕަބްލިކް ރިލޭޝަންސް  ނުވަތަ ގުޅުން ހުރި ދާއިރާއަކުން ދަށްވެގެން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ 5 ވަނަ ހަރުފަތުގެ ސަނަދެއް ހާސިލުކޮށްފައިވުމާއެކު، މަދުވެގެން 5 އަހަރު ދުވަހުގެ މަސައްކަތުގެ ތަޖުރިބާ ހާސިލުކޮށްފައިވުން.

• ސޯޝަލް މީޑީއާ ޕްލެޓްފޯމުތަކުގައި އަދި ޓީވީ އާއި ރޭޑިއޯ ފަދަ މީޑީއާތައް މެދުވެރިކޮށް ޚަބަރު ފެތުރުމުގެ  ތަޖުރިބާ ލިބިފައިވާ ފަރާތްތަކަށް އިސްކަންދެވޭނެއެވެ.

މަޤާމުގެ މަސްއޫލިއްޔަތު:

(1)    އިދާރީ ހިންގުން:

• ޕްރޮމިސް ޕްރޮޖެކްޓްގެ ދަށުން ހެދިފައިވާ އެންޖީއޯ – ލަކްޝަދީޕް ޒީރޯ ވޭސްޓް އެލަޔަންސް (ލޯވާ) ގެ ސެކްރެޓޭރިއެޓްގެ ސޯޝަލް މީޑިއާ އަދި އެހެނިހެން މީޑިއާތައް މެދުވެރިކޮށް ފޯރުކޮށްދޭ މައުލޫމާތު ބެލެހެއްޓުމުގެ އެންމެހާ ޒިންމާތައް
• ލޯވާ އެންޖީއޯގެ އެގްޒެކެޓިވް ކޮމިޓީ އަދި ޕްރޮމިސް ޕްރޮޖެކްޓްގެ ކޮންސޯޓިއަމް ޕާރޓްނަރ އޭޖެންސީތަކާއި ގުޅިގެން ހިންގާ ޙަރަކާތްތަކާ ގުޅިގެން ކުރަންޖެހޭ މުއާމަލާތައް ކުރުމާއި، ހަރަކާތްތައް ރޭވުމާއި، ހަރާކާތްތައް ހިންގުމުގައި މީޑިއާ އާއި ގުޅުންހުރި މަސައްކަތްތައް ވިލަރެސްކުރުން.
• ލޯވާ ސެކްރެޓޭރިއެޓް އަދި ޕްރޮޖެކްޓް ގެ ދަށުން އެއްކުރަންޖެހޭ ޑޭޓާތައް ނެގުމާއި، ޕްރޮސެސް ކުރުމާއި، ޑޭޓާ ބޭނުންކޮށްގެން ހެދޭ އެނަލިސިސް ގެ އަލީގައި މީޑިއާ ކަވަރޭޖް އަދި ވިސިބިލިޓީ މަސައްކަތްތަކުގެ އިސްދައުރު އަދާކުރުން.
• ލޯވާ ސެކްރެޓޭރިއެޓް އަދި ޕްރޮޖެކްޓާ ގުޅުންހުރި ހުރިހާ ރިސާރޗް ހަރަކާތްތައް ކުރުމުގައި އިދާރީގޮތުން ދޭންޖެހޭ އެހީތެރިކަންދިނުން.
• ލޯވާ ސެކްރެޓޭރިއެޓް އަދި ޕްރޮޖެކްޓްގެ ހަރަކާތްތައް އިމްޕްލިމެންޓްކުރުމުގައި ޕްރޮޖެކްޓް މެނޭޖަރ އަށް ދޭންޖެހޭ އެހީތެރިކަންދިނުން.
• §         ލޯވާ ސެކްރެޓޭރިއެޓް އަދި ޕްރޮޖެކްޓާ ގުޅުންހުރި ފީލްޑް ވޯރކް ހަރަކާތްތައް ރާވާ ހިންގުން.

(2) ރިސަރޗް ކުރިއެރުވުމާއި މެނޭޖްކުރުން:

• ލޯވާ އެންޖީއޯ އަދި ރިސަރޗް ޑިވެލޮޕްމަންޓް އޮފީސް މެދުވެރިކޮށް ދެމެހެއްޓެނެވި ތަރައްޤީއާއި ވިޔަފާރީއާއި އިޤްތިޞާދުގެ ދާއިރާތަކުން ހެދޭ ދިރާސާތައް ޢާއްމުކުރުމަށް ކުރަންޖެހޭ އިދާރީ މަސައްކަތް ކުރުން.
• ރިސަރޗް ޑިވެލޮޕްމަންޓް އޮފީހުގައި ހިންގޭ ޕްރޮގްރާމްތަކާއި ޕްރޮޖެކްޓްތައް ހިންގުމުގައި އެހީތެރިވުން
• ލޯވާ އެންޖީއޯ މެދުވެރިކޮށްކުރެވޭ ދިރާސާތައް ކަރުދާހުގައި އަދި އިންޓަރނެޓްގައި ޝާއިޢުކުރުމަށް ކުރަންޖެހޭ އިދާރީ މަސައްކަތް ކުރުން.

(3) އެހެނިހެން މަސައްކަތް:

• ޔުނިވަރސިޓީގެ ރިސަރޗް ޑިވެލޮޕްމަންޓް އޮފީހުގެ ޕޮލިސީ/ސިޔާސަތުތައް/މަސައްކަތްތައް ތަންފީޒުކުރުމަށް ދޭންޖެހޭ އެއްބާރުލުން ދިނުން.

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް:

1. އަސާސީ ޝަރުތު ހަމަވުމުން  (%30)
2. އަސާސީ ޝަރުތަށްވުރެ އިތުރަށް ލިބިފައިވާ ތަޢުލީމު   ( )
3. އަސާސީ ޝަރުތަށްވުރެ އިތުރަށް ލިބިފައިވާ ތަޖުރިބާ   ( )
4. އިންޓަރވިއު   (%50)

އެޕްލިކޭޝަން ފޮނުވަންވީ ތާރީޚް:

26 ފެބްރުއަރީ 2025 ވާ ބުދަ ދުވަހުގެ މެންދުރު 14:00 ގެ ކުރިން [email protected] އަށް އީމެއިލް ކުރައްވަންވާނެއެވެ.

އެޕްލިކޭޝަނާއެކު ހުށަހަޅަންޖެހޭ ލިޔުންތައް:

• ވަޒީފާއަށް ކުރިމަތިލާ ފަރާތުގެ ވަނަވަރު (ގުޅޭނެ ފޯނު ނަންބަރާއެކު)
• ވަޒީފާގައި އުޅުއްވާ ނުވަތަ އުޅުއްވާފައިވާ ބޭފުޅެއްނަމަ އަދާކުރައްވާ ނުވަތަ އަދާ ކުރެއްވި ވަޒީފާގެ މަސްއޫލިއްޔަތާއި، ވަޒީފާ އަދާކުރެއްވި މުއްދަތުގެ ފެށުނު ތާރީޚް އަދި ވަކިވި ތާރީޚް އެނގޭނެފަދަ ލިޔުމެއް
• ލިބިފައިވާ ތަޢުލީމީ ސެޓުފިކެޓުތަކާއި ޓްރާންސްކްރިޕްޓްތަކުގެ ކޮޕީ (ރާއްޖެއިން ބޭރުގެ ސެޓިފިކެޓެއްނަމަ އެކްރިޑިޓް ކޮށްފައިވާ ސަނަދު)
• ތަޢުލީމީ ސެޓްފިކެޓްތަކުގެ ކޮޕީ އެޓެސްޓްކޮށްފައި ނުވާނަމަ ވެރިފައިކުރުމަށް ޔުނިވަރސިޓީއިން އެދުމުން އޮރިޖިނަލްތައް ކޮޕީ ވެރިފައިކުރުމަށް ހުށަހަޅަންވާނެއެވެ.

• ދިވެހިރައްޔިތެއްކަން އަންގައިދޭ ކާޑުގެ (މުއްދަތު ހަމަނުވާ) ސާފު ކޮޕީ

• ރާއްޖެއިން ބޭރުގެ ކޮލެޖް/ޔުނިވަރސިޓީއަކުން ކޯހެއް ފުރިހަމަކޮށް ސެޓިފިކެޓް ލިބިފައިނުވާނަމަ، އެޕްލިކޭޝަނާއިއެކު އެމް.ކިއޫ.އޭގެ ކޮލިފިކޭޝަން  އެސެސްމެންޓް ރިޕޯޓެއް ހުށަހަޅަންވާނެއެވެ.

ޝޯޓްލިސްޓުކުރުން:

މި ވަޒީފާއަށް އެދި ހުށަހަޅާ ފަރާތްތަކުގެ ތެރެއިން ތަޢުލީމީ ފެންވަރާއި ތަޖުރިބާއަށް ބަލައި، ވަޒީފާއަށް ކުރިމަތިލާފައިވާ ފަރާތްތަކުގެ ތެރެއިން އެންމެ މަތިން ޕޮއިންޓު ލިބޭފަރާތްތައް ޝޯޓްލިސްޓުކުރެވޭނެއެވެ.

އިންޓަރވިއު އޮންނާނެ ތަނާއި، މުއްދަތު:

މި މަޤާމަށް މީހަކު ހޮވުމަށް ބޭއްވޭ އިންޓަވިއު އޮންނާނީ 5 މާރިޗު 2025 އާއި 10 މާރިޗު 2025 އާއި ދެމެދު  ދިވެހިރާއްޖޭގެ ޤައުމީ ޔުނިވަރސިޓީގެ އޮފީހުގައެވެ.

މި މަގާމަށް ކުރިމަތިލާ ފަރާތްތަކުން، އެ މުއްދަތުގައި އިންޓަވިޔުއަށް ހާޒިރުވުމަށް ތައްޔާރުވެގެން ތިބުން އެދެމެވެ.

"ވަޒީފާއަށް ކުރިމަތިލީ ފަރާތްތަކަށް ޕޮއިންޓު ލިބުނު ގޮތުގެ ޝީޓް (A2 ޝީޓު)" އާންމުކުރުން

އިންޓަވިއު ބާއްވާތާ ރަސްމީ ބަންދު ނޫން 3 ދުވަހުގެ ތެރޭގައި "ވަޒީފާއަށް ކުރިމަތިލީ ފަރާތްތަކަށް ޕޮއިންޓު ލިބުނު ގޮތުގެ ޝީޓް (A2 ޝީޓު)" އާންމުކޮށް ފެންނާނެހެން މި އިދާރާގެ ވެބްސައިޓްގައި އާންމުކުރެވޭނެއެވެ. ވަޒީފާއަށް ކުރިމަތިލީ ފަރާތްތަކަށް ޕޮއިންޓު ދެވިފައިވާ ގޮތާމެދު ޝަކުވާއެއް އޮތްނަމަ A2 ޝީޓު އާންމުކުރާ ދުވަހުން ފެށިގެން ރަސްމީ ބަންދު ނޫން 3 ދުވަހުގެ ތެރޭގައި އެ ޝަކުވާއެއް މި އިދާރާއަށް ހުށަހަޅަންވާނެއެވެ.

އިތުރު މަޢުލޫމާތު:

މި އިޢުލާނާ ގުޅިގެން އިތުރު މަޢޫލޫމާތު ސާފުކުރުއްވުމަށް ގުޅުއްވާނީ 3345424 ނަމްބަރު ފޯނަށެވެ.

އެޕްލިކޭޝަންފޯމް

• އެޕްލިކޭޝަންފޯމް ތިރީގައިވާ ލިންކުން ފެނިވަޑައިގަންނަވާނެ

https://tinyurl.com/MNU-Job-Application-form-Dhv