08 މެއި 2024 ވަނަ ދުވަހު ދިވެހި ސަރުކާރުގެ ގެޒެޓުގައި ޝާޢިއުކޮށްފައިވާ "ފަޤީރުންނާއި މިސްކީނުންގެ ދަފްތަރު އެކުލަވައިލުމުގެ އުޞޫލު" ގައި ބަޔާންކުރެވިފައިވާ ފަދައިން ފަޤީރުންނާއި މިސްކީނުންގެ ދަފްތަރުގައި ރަޖިސްޓްރީވުމުގެ ފުރުޞަތު 19 މޭ 2024 ވަނަ ދުވަހުން ފެށިގެން ޢާއްމުކޮށް ވަނީ ހުޅުވާލެވިފައެވެ.
އިސްވެދެންނެވުނު އުޞޫލުގައި ކޮންމެ އަހަރެއްގެ ފިޠުރުޒަކާތާއި މުދަލު ޒަކާތް ބެހުމަށް ދަފްތަރު ފައިނަލް ކުރުމުގައި ބަލާނެ މުއްދަތުވެސް ބަޔާންކޮށްފައިވާނެއެވެ. މިގޮތުން ފަޤީރުންނާއި މިސްކީނުންގެ ދަފްތަރު އެކުލަވައިލުމުގެ އުޞޫލުގެ 13 ވަނަ މާއްދާގެ (ހ) ގައި ބަޔާންކޮށްފައިވާ ފަދައިން ފިޠުރުޒަކާތުގެ ފައިސާ ބަހާނީ އެއަހަރެއްގެ ރަމަޟާން މަހުގެ 01 ވަނަ ދުވަހާ ހަމައަށް ފަޤީރުންނާއި މިސްކީނުންގެ ދަފްތަރުގައި ރަޖިސްޓްރީވެފައިވާ ފަރާތްތަކުގެ މެދުގައެވެ.
ވީމާ، މި ދަފްތަރުގައި އަލަށް ރަޖިސްޓްރީވުމަށްއެދޭ ފަރާތްތަކުގެ މަޢުލޫމާތަށްޓަކައި ދެންނެވީމެވެ. މި އިޢުލާނާއި ގުޅިގެން އިތުރު މަޢުލޫމާތު ސާފުކުރެއްވުމަށް 6800927 ނަމްބަރު ފޯނަށް ގުޅުއްވުން އެދެމެވެ.