ހދ.ނައިވާދޫއިން ބިން ވިއްކުމުގެ އުޞޫލަށް އިސްލާޙުގެނެސް، ނައިވާދޫގައި ގެސްޓްހައުސް ތަރައްޤީކުރުމަށް ބިންދޫކުރާ ސަރަހައްދުގެ އުތުރަށް އޮންނަ ސަރަހައްދުން 8 (އަށެއް) ބިމެއް ވިއްކުމަށް ނިންމާފައިވާތީ، އެކަމަށް ޝައުޤުވެރިވެލައްވާ ފަރާތްތަކުން އެކަމަށް އެދި ބީލަން ހުށަހެޅުމުގެ ފުރުސަތު ހުޅުވާލަމެވެ. މި އިޢުލާނުގެ ދަށުން ވިއްކުމަށް ހަމަޖެހިފައިވަނީ ޖުމްލަ 8 ބިމެވެ. މި ބިންތައް ވިއްކުމަށް ހުޅުވާލެވިފައިވާ އެންމެ ކުޑަ އަގަކީ ބީޗް ފްރޮންޓް ބިންތައް އަކަފޫޓަކަށް -/300 ރުފިޔާ އަދި އެނޫން ބިންތައް އަކަފޫޓަކަށް -/250 ރުފިޔާއަށެވެ. މި ބިންތައް ގަންނަ ފަރާތްތަކަށް 5 އަހަރު ދުވަހުގެ މުއްދަތަށް ބަހާލައިގެން މަހުން މަހަށް ފައިސާ ދެއްކޭނެ ފުރުޞަޠުވަނީ ހަމަޖެހިފައެވެ.

ބިން ވިއްކުމަށް ބީލަން ފޮތް ދޫކުރުމަށް ހަމަޖެހިފައިވަނީ ގަންނަން ބޭނުންވާ ކޮންމެ ބިމަކަށް ވަކި ބީލަންފޮތެއްގެ ގޮތުގައެވެ. އެގޮތުން ބީލަން ފޮތެއްގެ އަގަކީ -/1000 (އެއްހާސް) ރުފިޔާއެވެ. ބީލަން ހުށަހެޅޭނީ ބީލަމަށް ރަޖިސްޓްރީކުރުމަށް ހުޅުވާލެވިފައިވާ މުއްދަތުގައި ބީލަން ފޮތް ގަނެފައިވާ ފަރާތްތަކަށް ބީލަން ފޮތް ގަނެފައިވާ ބިންތަކަށް އެކަންޏެވެ. ބީލަންފޮތް ގަތުމަށް ބޭނުންވާ ފަރާތްތަކުން ތިރީގައިވާ ލިންކް މެދުވެރިކޮށް ބީލަންފޮތް ގަތުމަށް ރަޖިސްޓްރީވުން އެދެމެވެ.

ބީލަން ހުށަހެޅުމުގެ ފުރުސަތު ހުޅުވާލެވިފައިވަނީ، 18 އަހަރުން މަތީގެ ދިވެހި ކޮންމެ ރައްޔިތަކަށާއި އަމިއްލަ ފަރުދުންގެ ވިޔަފާރީގެ ޤާނޫނު (ޤާނޫނު ނަންބަރު: 19/2014 ) އަދި އަމިއްލަ ފަރުދުންގެ ވިޔަފާރީގެ ޤާނޫނު ( ޤާނޫނު ނަންބަރު: 18/2014 ) ގެ ދަށުން ރަޖިސްޓްރީ ކޮށްފައިވާ ފަރާތްތަކަށެވެ. މިއިޢުލާނާއެކު ވިއްކުމަށް ހަމަޖެހިފައިވާ ބިންތަކުގެ ޗާޓު އާއްމުކުރެވިފައިވާނެއެވެ.