ބިޑުކޮމެޓީގެ ނިންމުން އާންމުކުރުން

ތިރީގައި އެވަނީ 04 ފެބްރުވަރީ 2025 ވަނަ ދުވަހު ބޭއްވުނު ނައިފަރު ކައުންސިލްގެ 2025 ވަނަ އަހަރުގެ 03 ވަނަ ބިޑް ކޮމެޓީ ޖަލްސާއިން ނިންމާފައިވާ ކަންކަމެވެ.

1. ނައިފަރުގައި 2 ވޮލީ ކޯޓް ތަރައްގީ ކުރުމުގެ މަސައްކަތް ކުރުމަށް މޯލްޑިވްސް އެޝުއަރ ސަޕްލައި އާއި ނައިފަރު ކައުންސިލާއި ދެމެދު ވެވިފައިވާ ނަމްބަރު (AGR)327-INMU/PRIV/2024/70 އެއްބަސްވުމުގެ މުއްދަތު ހަމަވެ، އެއްބަސްވުމުގެ 6.7 ވަނަ މާއްދާގައިވާ ފަދައިން ލިކުއިޑޭޓެޑް ޑެމޭޖަސް އަށް ވުރެ އިތުރުވެފައިވާތީވެ، މަސައްކަތް  ވަކިކޮށް  އެއްބަސްވުން  ނިމުމަކަށްގެނައުމަށް ފެންނަކަމަށް ނިންމުނު.
2. ޅ. ނައިފަރުގައި ތަރައްޤީކުރާ ކުޑަކުދިންގެ ޕާކްއަށް ބޭނުންވާ ތަކެތި ގެނެސް އިންސްޓޯލްކުރުމުގެ މަސައްކަތް ކުރަމުންއަންނަ އަލް އަމީރު ހޯލްޑިންގއިން މަސައްކަތުގެމުއްދަތު 31 ޖަނަވަރީ 2025 ވަނަ ދުވަހަށް ހަމަވާއިރު، 30 ޖަނަވަރީ 2025 ވަނަ ދުވަހު މުއްދަތު އިތުރު ކުރުމަށް ހުށަހަޅާފައިވާ ސިޓީއާއިއެކު މުއްދަތު އިތުރުކުރުމަށް ބާރުލިބޭ އެއްވެސް ލިޔެކިޔުމެއް ހުށަހަޅާފައިނުވާތީ މުއްދަތު އިތުރުކޮށްދެން ނުފެންނަކަމަށް ނިންމުނު.

ވީމާ، މިކަން އާއްމުކޮށް އަންގާ އިޢުލާން ކުރީމެވެ.