1446 ވަނަ އަހަރުު ރަމަޟާންމަހު މިރަށު ހުކުރު މިސްކިތް (މަސްޖިދުލް ސިނާއު) ގައި ހިފްޡުކޮށް ތަރާވީހު ނަމާދު ކުރުމަށް (އިންޑިޔާ) އިން ގެންނަވާ ހާފިޒަށް 27 ފެބުރުއަރީ 2025 އިން 31 މާރޗް 2025ގެ ނިޔަލަށް ހުރުމާއި، ކައްކާ ކާންދިނުމާއި އަދި ދޮވެއިސްތިރި ކޮށްދޭނެ ފަރާތްތެއް ހޯދަން ބޭނުންވެއެވެ. އެހެންކަމުން މިކަން ކޮށްދިނުމަށް ޝައުގުވެރިވެލައްވާ ފަރާތްތަކުން، ހުރުން ހަމަޖައްސައިދޭނެ ތަނުގެ ނަމާއި ރެއަކަށް ޖެހޭނެ އަގު، ކާންދޭނެ ތަނުގެ ނަމާއި އަދި ދުވާލަކަށް (03 ވޭލާއަށް; ރޯދަ ވީއްލުން، ތަރާވީސްގަޑި އަދި ހާރުކެއުން) ކާންދޭނެ އަގު އަދި ދޮވެއިސްތިރިކުރުމަށް ދުވާލަކަށް ޖެހޭނެ އަގު ބަޔާންކޮށް ސިޓީއަކުން މިކައުންސިލަށް ނުވަތަ މިކައުންސިލުގެ އީމެއިލް އެޑްރެސް: [email protected] އަށް 16 ފެބުރުއަރީ 2025 ވާ އާދީއްތަ ދުވަހުގެ 10:00ގެ ކުރިން އަންގަވައިދެއްވުން އެދެމެވެ. އިސްވެ ދެންނެވުނު ކަންކަމުގެ ތެރެއިން ކޮންމެ ކަމަކަށް ވަކިވަކިންވެސް އަގު ހުށައެޅިދާނެއެވެ.   

          ވީމާ، މިކަން އާންމުކޮށް އެންގުމަށްޓަކައި އިޢުލާންކުރަމެވެ.