ނާރެސް ޕޯޓަލްގައި ރެޖިސްޓްރީ ނުކުރާ ބިދޭސީ މަސައްކަތްތެރީންނާގުޅޭ.

ޤާނޫނު ނަންބަރު: 2010/7 "ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު" ގައިވާ ގޮތުގެމަތީން ރާއްޖޭގައި ދިރިއުޅޭ ބިދޭސީ މަސައްކަތްތެރިން އެއްދަފްތަރެއްގައި ރަޖިސްޓްރީ ކުރުމަށްޓަކައި ދާޚިލީ ސަލާމަތާ ފަންނިއްޔާތާ ބެހޭ ވުޒާރާއިން ކުރިއަށް ގެންދާ "އޮޕަރޭޝަން ކުރަނގި" ގެ ދަށުން ފ. ނިލަންދޫގައި ދިރިއުޅޭ ބިދޭސީ މަސައްކަތްތެރިންގެ ދަފްތަރު އަލުން އެކުލަވާލުމުގެ މަސައްކަތް 2024 ނޮވެންބަރު 20 އިން ފެށިގެން މިކައުންސިލުން މިގެންދަނީ ކުރަމުންނެވެ.  ނަމަވެސް މިހާތަނަށް މި ޕޯޓަލްގައި ރަޖިސްޓްރީ ނުކުރާ ބިދޭސީ މަސައްކަތްތެރިން ނިލަންދޫގައި ދިރިއުޅެމުންގެންދާކަން މިކައުންސިލަށް ވަނީ ފާހަގަ ކުރެވިފައެވެ.  

ވީމާ، ނާރެސް ޕޯޓަލްގައި މިހާތަނަށް ރަޖިސްޓްރީ ނުކޮށް ނިލަންދޫގައި ދިރިއުޅެމުންގެންދާ ބިދޭސީ މަސައްކަތްތެރިން 2025 ފެބްރުވަރީ 27 ވާ ބުރާސްފަތި ދުވަހުގެ މެންދުރުފަހު 02:00 ގެ ކުރިން މިއިދާރާގައި ރަޖިސްޓްރީކުރުމަށް، ބިދޭސީ މަސައްކަތްތެރިން ގެންގުޅެމުންދާ ފަރާތްތަކަށް އަންގަމެވެ. އަދި މިމުއްދަތުގެ ފަހުން ނާރެސް ޕޯޓަލްގައި ރަޖިސްޓްރީ ނުކޮށް ނިލަންދޫގައި އެއްވެސް ބިދޭސީ މަސައްކަތްތެރިއަކު ދިރިއުޅެމުންގެންދާކަން މިކައުންސިލަށް ފާހަގަ ކުރެވިއްޖެނަމަ އެފަދަ ފަރާތްތަކާމެދު ޤާނޫނާ ޤަވާޢިދާ އެއްގޮތްވާގޮތުގެ މަތިން ފިޔަވަޅު އަޅަމުންގެންދާނެކަން އަންގަމެވެ. އަދި ނިލަންދޫގައި ދިރިއުޅޭ ބިދޭސީ މަސައްކަތްތެރިންގެ ތެރެއިން އެއްވެސް ފަރާތެއްގެ ދިރިއުޅުން އެހެންތަނަކަށް ބަދަލުކޮށްފިނަމަ އެފަރާތެއްގެ މަޢުލޫމާތު މިއިދާރާއާ ޙިއްސާކުރުމަށް އެފަދަ ފަރާތްތައް ގެންގުޅެމުންގެންދާ ދިވެހިންނަށް އަންގަމެވެ.

މިހެންވެ، މިކަން  ޢާއްމުކޮށް އެންގުމަށްޓަކައި އިޢުލާން ކުރީމެވެ.

07 ޝަޢުބާން 1446

06 ފެބްރުވަރީ 2025