ދިއްފުށީގެ ޤުރުއާނުގެ ތަޢުލީމު ކުރިއެރުވުމުގެ ގޮތުން އަތޮޅު ފެންވަރުގައި ބާއްވާ މުބާރާތްތަކުގައި ދަރިވަރުން ވާދަކޮށް، ކާމިޔާބު ހޯދާ ރަށަށް ރީތި ނަން ހޯދުމަށް އެހީތެރިކަން ފޯރުކޮށްދިނުމަކީ މިކައުންސިލުން އިސްކަމެއްދީގެން ކުރިއަށްގެންދާ ހަރަކާތެކެވެ. މިހަރަކާތް އެންމެ އެކަށީގެންވާ ގޮތެއްގައި ގެންދިއުމަށްޓަކައި ދަރިވަރުން ތަމްރީނުކުރުމުގެ މަސައްކަތް ފަށަން މިކައުންސިލުން މިދަނީ މަސައްކަތްކުރަމުންނެވެ. މިމަސައްކަތް ފެށުމަށްޓަކައި ކައުންސިލުން ތިރީގައިވާ މަޢުލޫމާތާއި އެއްގޮތަށް މުދައްރިސުން ނެގުމަށް ބޭނުންވެއެވެ.

1. މަސައްކަތުގެ ތަފްޞީލް:

1.1.  މަސްޢޫލިއްޔަތުތައް

• ހަވާލުކުރެވިފައިވާ މަސައްކަތް ދިއްފުށީ ސްކޫލުން ކަނޑައަޅާ ޝެޑިއުލްއާއިއެއްގޮތަށް ކުރުން.
• ދިއްފުށީ ސްކޫލާއި ގުޅިގެން ދަރިވަރުން ތަމްރީނުކޮށްދިނުމަށް ކަނޑައެޅިފައިވާ ތާވަލާއި އެއްގޮތަށް ގަޑިތައް ނެގުން.
• ދަރިވަރުންނަށް ދޭންޖެހޭ އެސެސްމެންޓްތައް ހެދުމާއި އެސެސްކުރުމުގައި ދިއްފުށީ ސްކޫލުން އަންގާ ގޮތެއްގެ މަތިން އެހީތެރިކަން ފޯރުކޮށްދިނުން.
• އަތޮޅު ޤުރުއާން މުބާރާތާއި ގުޅިގެން ބާއްވާ ބައްދަލުވުންތަކަށް ހާޒިރުވެ ކަންކަން ކުރިއެރުވުމަށް ޙިޔާލާއި މަޝްވަރާ ދިނުން.
• ދަރިވަރުންގެ ފަރިތަކުރުންތަކާއި ގުޅިގެން ސްކޫލާއި، ކައުންސިލަށް އަދި ބެލެނިވެރިންނަށް ޖަވާބުދާރީވުން.
• ދަރިވަރުންގެ ފަރިތަކުރުންތައް އޮންނަ ދުވަސްތަކުގައި ފަރިތަކުރުންތަކުގެ އިތުރުން ދަރިވަރުންނާއި މުދައްރިސުން ބައިވެރިވާ ގުޅުންހުރި ހަރަކާތްތަކުގައި ބައިވެރިވުން.
• ދަރިވަރުންގެ ކިޔެވުންތައް ބަލައި މޮނިޓަރކޮށް ރަނގަޅުކުރަންޖެހޭ ކަންކަމުގެ ލަފަޔާއި އިރުޝާދު ދިނުމާއި ރިކޯޑްސް ބެލެހެއްޓުން.
• މީލާދީ ކޮންމެ މަހެއް ނިމުމުން އެމަހެއްގެ ހާޒިރީ ފުރިހަމަކޮށް ސްޕަވައިޒަރުގެ ސޮއިކުރުވާ ހިނގާމަހުގެ 05 ވަނަ ދުވަހުގެ ކުރިން ކައުންސިލަށް ހާޒިރީ ހުށަހެޅުން.
• މަސައްކަތް ނިމުމުން މަސައްކަތާއި ގުޅިގެން ރަނގަޅުކުރަންޖެހޭ ކަންކަން ކައުންސިލަށް އެންގުން.

1.2.  މަސައްކަތްކުރަންޖެހޭ ތަން

• މިއެއްބަސްވުމުގެ ދަށުން ކުރަންޖެހޭ މަސައްކަތްތައް ކުރިއަށް ގެންދާނެ ތަން ކަނޑައަޅާނީ ދިއްފުށީ ސްކޫލުންނެވެ.
• ދިއްފުށީ ސްކޫލުން އިތުރު ތަނެއް ނާންގާނަމަ ޢާންމުގޮތެއްގައި ފަރިތަކޮށްދިނުން ކުރިއަށްދާނީ ދިއްފުށީ ސްކޫލުގައެވެ.

1.3.  ބޭނުންވާ އަދަދު

• އަތޮޅު ޤުރުއާން މުބާރާތަށް ފަރިތަކޮށްދިނުމަށް މުދައްރިސުންގެ ގޮތުގައި ނެގޭނީ ގިނަވެގެން 03 މުދައްރިސުންނެވެ.

1.4.  މުއްދަތު

• ދަރިވަރުންނަށް ފަރިތަކޮށްދިނުމުގެ ކަންކަން ކުރިއަށް ގެންދާނީ އެއްބަސްވުމުގައި ސޮއިކުރާދުވަހުން ފެށިގެން އަތޮޅު ޤުރުއާން މުބާރާތް ފެށުމާއި ހަމައަށެވެ. 
• އަތޮޅު ޤުރުއާން މުބާރާތް ފެށުމާއި ހަމައަށް މުއްދަތު ދެވިފައިވީނަމަވެސް ދިއްފުށީ ސްކޫލުން ވަކި ދުވަހަކާއި ހަމައަށް ފަރިތަކުރުންތައް ނިއްމާލަން ބޭނުންވާނަމަ މަސައްކަތުގެ މުއްދަތު ހަމަވާނީ އެދުވަހަކަށެވެ.

1.5.  ފެންވަރު ނުވަތަ ޝަރުތު

• މިމަސައްކަތް ކޮށްދިނުމަށް އެދި ހުށަހަޅާ ފަރާތްތައް އެންމެ ދަށްވެގެން ޤިރާޢަތު ލެވެލް 04 ފުރިހަމަކޮށްފައި އޮންނަންވާނެއެވެ.

1.6.  މަސައްކަތްކުރަންޖެހޭ ވަގުތު

• މިމަސައްކަތް ކޮށްދިނުމަށް މުދައްރިސުންގެ ގޮތުގައި ހަމަޖެއްސޭ ފަރާތްތައް މަސައްކަތްކުރަންޖެހޭނީ ގިނަވަގެން ދުވާލަކު 04 ގަޑިއިރުއެވެ.
• މަހަކު މަސައްކަތް ކުރަންޖެހޭނީ ގިނަވަގެން 25 ގަޑިއިރުއެވެ.
• މަތީގައިވާ ގަޑިތަކަކީ އެންމެ ގިނަވެގެން މަސައްކަތްކުރަންޖެހޭ ވަގުތެވެ.
• މަސައްކަތްކުރާނީ މިވަގުތަށްވުރެ އިތުރުނުވާނޭ ގޮތަށް ދިއްފުށީ ސްކޫލުން ތައްޔާރުކުރާ ފަރިތަކޮށްދޭނެގޮތުގެ ތާވަލްއާއި އެއްގޮތަށެވެ.

1.7.  އެލަވަންސް

• މުދައްރިސުންގެ ގޮތުގައި މަސައްކަތް ކުރުމަށް ނެގޭ ފަރާތްތަކަށް މަސައްކަތްކުރާ ގަޑިއިރަކަށް 25ރ (ފަންސަވީސް ރުފިޔާ)ގެ ރޭޓުން އެލަވެންސްއެއް ދެވޭނެއެވެ.
• މިއެލަވަންސް ދެވޭނީ ކޮންމެ މަހައްގެވެސް ހާޒިރީ ޝީޓް ސުޕަވައިޒަރު ސޮއިކޮށް ހުށަހެޅުމުން ޖެހިގެން އަންނަމަހުގެ 15 ވަނަ ދުވަހުގެ ކުރިންނެވެ.

1. މަސައްކަތް ހަވާލުކުރާނެ ފަރާތް ހޮވުން

2.1.   މިމަސައްކަތް ކޮށްދިނުމަށް އެދި ހުށަހަޅާ ފަރާތްތައް ހޮވޭނީ ކައުންސިލުން ކަނޑައަޅާ އިންޓަރވިއު ޕެނަލްއަކުން ތިރީގައިވާ މިންގަނޑުން ފާސްވާ ފަރާތްތަކެވެ.  

2.2.   މިމަސައްކަތަށް ޤާބިލް ފަރާތެއް ހޮވާނީ އިވެލުއޭޝަން ކުރައިޓީރިއާއިން 70 އިން މަތި ލިބޭ ފަރާތްތަކުގެ ތެރެއިން އެންމެ މަތިން ލިބޭ 03 ފަރާތެވެ.

ވީމާ، އަތޮޅު ޤުރުއާން މުބާރާތަށް ފަރިތަކޮށްދިނުމަށް ޝައުޤުވެރިވާ ފަރާތްތަކުން މިއިދާރާއަށް ވަޑައިގެން ފޯމް ނެންގެވުމަށްފަހު 13 ފެބުރުވަރީ 2025 ވާ ބުރާސްފަތި ދުވަހުގެ މެންދުރު 13:00 ގެ ކުރިން، ފުރިހަމަކޮށްފައިވާ ފޯމާއި، ލިބިފައިވާ ސެޓްފިކެޓް ތަކުގެ ކޮޕީއާއި، އައިޑީކާޑު ކޮޕީ އަދި ލިބިފައިވާ ތަޖުރިބާ ސާބިތުވާ ލިޔުންތަކާއިއެކީ މިއިދާރާއަށް ހުށަހެޅުއްވުން އެދެމެވެ.