މިރަށުގައި ބޭނުންކުރާ ގިނަ ކަނޑު އުޅަނދު ތަކަކީ ޤަވާއިދު ނަންބަރ 2016/R-6 (ކަނޑުގައި ދުއްވާ ލޯކަލް އުޅަނދު ފަހަރު ރަޖިސްޓްރީ ކުރުމުގެ ޤަވާއިދު)  އާއި އެއްގޮތަށް ރަޖިސްޓްރީކޮށްގެން ދުއްވާ އުޅަނދު ތަކެއް ނޫންކަން މިވަނީ ފާހަގަ ކުރެވިފައެވެ. މިގޮތުން ޤާނޫނު ނަންބަރ 78/69 (ކަނޑުގައި ދުއްވާ އުޅަނދުތައް ދުއްވުމާބެހޭ ޤާނޫނު)  ބަޔާންކޮށްފައިވާ ގޮތުން ރަޖިސްޓްރީ ނުކޮށް އެއްވެސް އުޅަނދެއް ދުއްވުމަކީ މަނާކަމެއް ކަމަށާއި އަދި ކަނޑު އުޅަނދު ރަޖިސްޓްރީ ނުކޮށް ދުއްވާނަމަ ޤަވާއިދު ނަންބަރ 2016/R-6 (ކަނޑުގައި ދުއްވާ ލޯކަލް އުޅަނދު ފަހަރު ރަޖިސްޓްރީ ކުރުމުގެ ޤަވާއިދު) ގެ 20ވަނަ މައްދާގެ (ރ) ގެ ދަށުން އެ އުޅަނދަށް ޒިންމާވާ ފަރާތް 10000.00ރފ (ދިހަހާސް ރުފިޔާ ) އިން ޖޫރިމަނާ ކުރެވޭނެއެވެ.

               މިހެން ކަމުން (1 ފެބުރއަރީ 2025 ފެށިގެން 31 ޖުލައި 2025) ނިޔަލަށް 6 މަސްދުވަހުގެ ތެރޭގައި ރަޖިސްޓްރީ ނުކޮށް ދުއްވާ ކަނޑު އުޅަނދުތައް ޤަވާއިދާއި އެއްގޮތަށް ރަޖިސްޓްރީ ކުރުމަށް އެ އުޅަނދު ތަކުގެ ވެރިންނަށް އަންގަމެވެ.