ރ.އަނގޮޅިތީމު ރައްޔިތުންގެ ދޯނި "ދުރު ރާސްތާ 10"   ކުއްޔަށް ދޭން ބޭނުންވާތީ މި ދޯނި ކުއްޔަށް ނެގުމަށް ބޭނުންވާ ފަރާތްތަކުން ބިޑް ހުށަހެޅުމަށް ފުރުޞަތު ހުޅުވާލަމެވެ. ކުއްޔަށް ދިނުމަށް ހަމަޖެހިފައިވަނީ ދޯނީގެ ގެ ގަނޑާއި އައިސްކައްޅިތައް މަރާމާތު ކުރަންޖެހިފައިވާތީ ކުއްޔަށް ނަގާ ފަރާތުން މި މަސައްކަތްކުރާގޮތަށެވެ.

 މިކަމަށް ކުރިމަތިލެވޭނީ ވިޔަފާރި ރަޖިސްޓްރީ ކުރުމުގެ ޤާނޫނު (ޤާނޫނު ނަމްބަރު 2014/18) ގެ ދަށުން ރަޖިސްޓްރީ ކުރެވިފައިވާ ފަރާތްތަކާއި، އަމިއްލަ ފަރުދުންގެ ޤާނޫނު (ޤާނޫނު ނަމްބަރު 2014/19) ގެ ދަށުން ރަޖިސްޓްރީ ކުރެވިފައިވާ ފަރާތްތަކަށެވެ.

ދޯނިކުއްޔަށް ދިނުމަށް ހަމަޖެހިފައިވަނީ މި އިދާރާއިން ކަނޑައަޅާފައިވާ ކްރައިޓީރިއާތަކަށް ބަލައިގެން ބީލަމަށް އަގު ހުށަހަޅާ ފަރާތްތަކުގެ ތެރެއިން އެންމެ ގިނައިން ޕޮއިންޓް ލިބޭ ފަރާތަކަށެވެ.

މި ދޯނި ކުއްޔަށްނަގަން ބޭނުންވާ ފަރާތްތަކުން ދޯނީގެ ބީލަން ފޮތް ބައްލަވައި ގަނެވޭނެ އިންތިޒާމް 2025 ފެބުރުވަރީ 03 ވާ ހޯމަ ދުވަހުން ފެށިގެން 2025 ފެބުރުވަރީ 11 ވާ އަންގާރަ ވަނަ ދުވަހާ ހަމައަށް ރަސްމީ ބަންދުނޫން ކޮންމެ ދުވަހެއްގެ ހެނދުނު 08:30 ން ހެނދުނު 11:30 އާއި ދޭތެރޭ ކައުންސިލް އިދާރާގައި ވަނީ ހަމަޖެހިފައެވެ. ބީލަން ފޮތެއްގެ އަގަކީ -/2500ރ (ދެހާސް ފަސްސަތޭކަ ރުފިޔާ) އެވެ. ދޯނި ކުއްޔަށް ނެގުމަށް ބީލަންފޮތް ގަންނަ ފަރާތްތަކަށް ބޭއްވޭ ޕްރީބިޑް ބައްދަލުވުން އޮންނާނީ 2025 ފެބުރުވަރީ 12 ވާ ބުދަ ދުވަހުގެ 10:00 ގައި މި ކައުންސިލްގެ އިދާރާގައެވެ. ބީލަން ހުށަހެޅުން އޮންނާނީ 2025 ފެބުރުވަރީ 20 ވާ ބުރާސްފަތި ދުވަހުގެ 10:30 ގައި މި ކައުންސިލްގެ އިދާރާގެ މީޓިންގް ރޫމްގައެވެ.

މި ބީލަމާއި ގުޅިގެން މަޢްލޫމާތު ސާފުކުރުމަށް ވަޑައިނުގަންނަވާ ފަރާތްތަކާއި ބީލަންފޮތް ބައްލަވައި ނުގަންނަ ފަރާތްތަކަށް ބީލަން ހުށަހެޅުމުގެ ފުރުސަތު ނުދެވޭނެވާހަކަ ދަންނަވަމެވެ. މަޢްލޫމާތު ސާފު ކުރައްވަން އަދި ބީލަން ހުށަހަޅުއްވަން ވަޑައިގަންނަވާ ފަރާތްތަކުން އެފަރާތުގެ އައިޑީކާޑުގެ އަސްލު ގެންނަންވާނެއެވެ. ބަދަލުގައި ޙާޒިރުވާނަމަ އެކަން އަންގައިދޭ ސިޓީއެއް ގެންނަންވާނެއެވެ.