ދިވެހިރާއްޖެ
އިޢުލާން
އެޗްއާރްސީއެމް-ސީއެސްއޯ ޕާޓްނަރޝިޕް ފޯރަމްގައި ބައިވެރިވުމުގެ ފުރުސަތު
އެޗްއާރްސީއެމް-ސީއެސްއޯ ޕާޓްނަރޝިޕް ފޯރަމްގައި ބައިވެރިވުމުގެ ފުރުސަތު ދިވެހިރާއްޖޭގައި އިންސާނީ ހައްގުތައް ކުރިއަރުވައި ހިމާޔަތްކުރުމުގައި ޝާމިލުވާ މަދަނީ ޖަމްޢިއްޔާތަކަށް ހުޅުވާލަމެވެ. މި އަހަރުގެ ފުރަތަމަ ފޯރަމް ޚާއްސަ ކުރެވިފައިވަނީ 2024 ވަނަ އަހަރު ހިއުމަން ރައިޓްސް ކޮމިޝަނުން ޔޫ.އެން.ޑީ.ޕީގެ އެހީގައި، މަދަނީ ޖަމްޢިއްޔާތަކާއި ކަމާބެހޭ ފަރާތްތަކާ ގުޅިގެން ތައްޔާރުކޮށްފައިވާ "ސިވިލް ސޮސައިޓީ އެންގޭޖްމަންޓް އެންޑް ކެޕޭސިޓީ ބިލްޑިންގ ސްޓްރެޓެޖީ"ގެ ދަށުން 2025 ވަނަ އަހަރު ކުރިއަށްގެންދާނެ މަސައްކަތްތަކުގެ އެކްޝަން ޕްލޭންއެއް ތައްޔާރު ކުރުމަށެވެ.
އެއް ދުވަހުގެ މި ފޯރަމް ބޭއްވުމަށް ހަމަޖެހިފައިވަނީ 2025 ފެބްރުއަރީ 12 ވާ ބުދަ ދުވަހު މާލޭގައެވެ. މި ފޯރަމްގައި މަދަނީ ޖަމްޢިއްޔާތަކުން ޖުމްލަ 50 ބައިވެރިންނަށް ފުރުސަތު ހުޅުވާލެވިފައިވެއެވެ. މި ފޯރަމްގައި ބައިވެރިވުމަށް އެދި ހުށަހަޅާ ފަރާތްތަކުގެ ތެރެއިން މާލެ ފިޔަވައި ދިވެހިރާއްޖޭގެ 3 ސަރަހައްދެއްގައި (އުތުރު، މެދު، ދެކުނު) ގާއިމުކުރެވިފައިވާ މަދަނީ ޖަމްއިއްޔާތަކުގެ ތެރެއިން 12 މަދަނީ ޖަމްޢިއްޔާއަކަށް ދެކޮޅު ޓިކެޓާއި، ހުރުމާއި ކެއުމުގެ ޚަރަދު ހަމަޖެހިގެންދާނެއެވެ.
ހުޅުވާލެވިފައިވާ އަދަދަށްވުރެ ގިނަ ފަރާތްތަކުން ފޯރަމް ގައި ބައިވެރިވުމަށް ރަޖިސްޓަރކޮށްފައިވާނަމަ، މި ފޯރަމުގައި ބައިވެރިވުމަށް ފުރުސަތު ދިނުމުގައި، އިންސާނީ ޙައްޤުތައް ރައްކާތެރިކޮށް، ކުރިއެރުވުމުގެ މަސައްކަތްކުރާ މަދަނީ ޖަމްޢިއްޔާތަކަށާއި، ވޭތުވެދިޔަ 2 އަހަރު މެދުކެނޑުމެއްނެތި ޙަރަކާތްތެރިވެފައިވާ މަދަނީ ޖަމްޢިއްޔާތަކަށާއި އަދި ވޭތުވެދިޔަ 5 އަހަރުގެ ތެރޭގައި ހިއުމަން ރައިޓްސް ކޮމިޝަނާއެކު މަސައްކަތްކޮށްފައިވާ ފަރާތްތަކަށް އިސްކަން ދެވޭނެއެވެ.
އެޗްއާރްސީއެމް-ސީއެސްއޯ ޕާޓްނަރޝިޕް ފޯރަމުގައި ބައިވެރިވުމަށް ޝައުގުވެރިވާ ފަރާތްތަކުން 2025 ފެބްރުއަރީ 2 ވާ އާދިއްތަ ދުވަހުގެ މެންދުރު 12:00 ގެ ކުރިން ތިރީގައިވާ ލިންކު މެދުވެރިކޮށް ރަޖިސްޓަރ ކުރެއްވުން އެދެމެވެ. އިތުރު މައުލޫމާތު ސާފުކުރެއްވުމަށް 3003166 އަށް ގުޅުއްވުން ނުވަތަ [email protected] އަށް އީމެއިލް ކުރެއްވުން އެދެމެވެ.
