އިޢުލާން

ތިރީގައި ބަޔާންކޮށްފައިވާ ގޮތުގެ މަތިން ރ. މާކުރަތު މިސްކިތްތަކުގެ އޭސީ ސާރވިސް ކޮށްދޭނެ ފަރާތެއް ހޯދަން ބޭނުންވެއްޖެވެ. މި މަސައްކަތް ކުރުމަށް ކޯޓޭޝަން ހުށަހެޅުމުގެ ފުރުޞަތު ހުޅުވާލެވިފައިވަނީ، އަމިއްލަ ފަރުދުންގެ ވިޔަފާރީގެ ޤާނޫނު (ޤާނޫނު ނަންބަރު 19/2014) ގެ ދަށުން ރަޖިސްޓްރީ ކޮށްފައިވާ ފަރާތްތަކަށާއި، ވިޔަފާރި ރަޖިސްޓްރީ ކުރުމުގެ ޤާނޫނު (ޤާނޫނު ނަންބަރު: 18/2014) ގެ ދަށުން ރަޖިސްޓްރީކޮށްފައިވާ ފަރާތްތަކަށެވެ.

މި މަސައްކަތް ކޮށްދިނުމަށް ޝަޢުޤުވެރިވާ ފަރާތްތަކުން 30 ޖަނަވަރީ 2025 ވާ ބުރާސްފަތި ދުވަހުގެ 13:00 ގެ ކުރިން ރަޖިސްޓްރޭޝަން ފޯމު ފުރުއްވާ މި އިދާރާގެ މެއިލް [email protected] އަށް ރަޖިސްޓްރީ ފޯމު ފޮނުއްވުން ނުވަތަ މި އިދާރާގެ ކައުންޓަރަށް ހުށަހެޅުއްވުން އެދެމެވެ. ބިޑް ރަޖިސްޓްރޭޝަން ފޯމު މި އިޢުލާނާއެކު އެއްކަރުދާސް ކުރެވިފައި ވާނެއެވެ. އަދި މި އިދާރާގެ ކައުންޓަރުން ފޯމު ލިބެން ހުންނާނެ ވާހަކަ ދަންނަވަމެވެ. ރަޖިސްޓްރީނުވާ ފަރާތްތަކަށް އަންދާސީ ހިސާބު ހުށަހެޅުމުގެ ފުރުޞަތު ނޯންނާނެ ވާހަކަ ދަންނަވަމެވެ.

 ކުރަންޖެހޭ މަސައްކަތް:

• މިރަށު މިސްކިތްތަކުގައި ހަރުކުރެވިފައި ހުރި އޭސީ (އިންޑޯރ އަދި އައުޓް ޑޯރ ޔުނިޓު)ތައް ފުލް ސަރވިސް ކުރުން، މިގޮތުން:-

1. މަޖިސުލް ސަލާމުގައި ހަރުކުރެވިފައިވާ 24،000 ބީޓީޔޫގެ 12 (ބާރަ) އޭސީ ސަރވިސް ކުރުން (ބްރޭންޑް: (GREE
2. މަސްޖިދުލް ސަލާމުގައި ހަރުކުރެވިފައިވާ 24،000 ބީޓީ ޔޫގެ 2 އޭސީ އައުޓު ޑޯ ޔުނިޓު ބުރެކެޓް ނަގާ ބޯ ނުޖެހޭ ހިސާބު މަތީގައި ހަރުކުން (ބްރޭންޑް: (GREE
3. މަސްޖިދުލް އަންވާރު ގައި ހަރުކުރެވިފައިވާ 24،000 ބީޓީޔޫގެ 02(ދޭއް) އޭސީ ސަރވިސް ކުރުން (ބްރޭންޑް: (AUX
4. މަސްޖިދުލް އަންވާރު ގައި ހަރުކުރެވިފައިވާ 18,000 ބީޓީޔޫގެ 1(އެކެއް) އޭސީ ސަރވިސް ކުރުން (ބްރޭންޑް: (MIDEA
5. މަސްޖިދުލް އަންވާރު ގައި ހަރުކުރެވިފައިވާ 12,000 ބީޓީޔޫގެ 1(އެކެއް) އޭސީ ސަރވިސް ކުރުން (ބްރޭންޑް: (INVENTOR

• އޭސީތައް ސަރވިސް ކުރާއިރު ގޭސް އަޅަންޖެހޭ ކަން ފާހަގަ ކުރެވިއްޖެނަމަ ގޭސް އަޅާ ހަމަކުރުން
• އެއްވެސް ލީކެއް އުޅޭކަން ފާހަގަ ކުރެވިއްޖެނަމަ އެކަން ޙައްލުކޮށް ރަނގަޅު ކުރުން، އަދި
• މީގެ އިތުރުން އޭސީތަކުން އިތުރު މައްސަލައެއް ފާހަގަ ކުރެވިއްޖެނަމަ އެ މައްސަލައެއް ހައްލު ކުރުން

 ސަމާލު ކަންދޭންޖެހޭ ކަންކަން

• ފަރުޟު ނަމާދުގެ ޖަމާޢަތަށް ޚާއްޞަ ކުރެވިފައިވާ ވަގުތުގައި (ނަމާދަށް ބަންގި ގޮވުމުގެ 10 މިނެޓު ކުރިން ފެށިގެން ސަލާމް ދިނުމަށްފަހު 10 މިނެޓުގެ ވަގުތު) ގައި މިސްކިތުގައި އެއްވެސް މަސައްކަތެއް ނުކުރުން.
• މިސްކިތާއި މިސްކިތުގެ ގޯތިތެރޭގެ ސާފު ތާހިރުކަން ނުގެއްލޭ ގޮތަށް މަސައްކަތް ކުރުން
• މިސްކިތަށް ނަމާދަށް އަރާފައިބާ މީހުންނަށް ދަތި ނުވާނެ ގޮތަށް މަސައްކަތް ކުރުމާއި ތަކެތި ބެހެއްޓުމާއި އަދި ތަކެތި ގެންގުޅުން
• މިސްކިތު އެތެރެއަށް އެޅޭ ކުންޏާއި ހިރަފުސް ފަރުޟު ނަމާދުތަކަށް ބަންގި ގޮވުމުގެ 10 މިނެޓު ކުރިން ސާފުކުރުން
• މަސައްކަތް ނިންމާ، މަސައްކަތް ކުރަން ބޭނުންކުރި ތަކެތިނަގާ ރީތިކޮށް ސާފުކޮށް ތަރުތީބު ކުރުން.
• މަސައްކަތް ކުރުމުގެ ތެރޭގައި ލިބޭ ގެއްލުމުގެ ޒިންމާވުން.

 މަސައްކަތަށް ބޭނުންވާ ތަކެތި

• މި މަސައްކަތަށް ބޭނުންވާ ހުރިހާ ތަކެއްޗެއްވެސް ހޯދާނީ މަސައްކަތް ކުރުމަށް ހަވާލުކުރެވޭ ފަރާތުންނެވެ.
• މަސައްކަތަށް ބޭނުންވާ ކަރަންޓް އަދި ފެން ކައުންސިލުން ފޯރުކޮށް ދެވޭނެއެވެ.

އިވެލުއޭޝަން ކްރައިޓީރިއާ

• މަސައްކަތުގެ އަގު:  90% ޕޮއިންޓް (އެންމެ ކުޑަ އަގަކީ ބެންޗްމާކް ކަމުގައި ބަލައިގެން)
• މުއްދަތަށް:        5% ޕޮއިންޓް (އެކަށީގެންވާ އެންމެ ކުރު މުއްދަތު ބެންޗްމާކް ކަމުގައި ބަލައިގެން)
• ތަޖްރިބާ:         5% ޕޮއިންޓް (މި އިޢުލާން ކުރި ތާރީޚުން ފެށިގެން ވޭތުވެ ދިޔަ 3 އަހަރު ދުވަހު ކޮށްފައިވާ މި ބާވަތުގެ މަސައްކަތަށް، 15000.00 ހާހުން މަތީގެ ކޮންމެ މަސައްކަތަށް 1 ޕޮއިންޓް، ގިނަވެގެން ދެވޭނީ 5 ޕޮއިންޓް)

ވީމާ، މި މަސައްކަތް ކޮއްދިނުމަށް ޝައުޤުވެރިވެވަޑައިގަންނަވާ ފަރާތްތަކުން، 04 ފެބްރުވަރީ 2025 ވާ އަންގާރަ ދުވަހުގެ 11:00 އަށް މާޅޮސްމަޑުލު އުތުރުބުރީ މާކުރަތު ކައުންސިލްގެ އިދާރާގެ މީޓިންގ ރޫމަށް އަށް ވަޑައިގެން މަސައްކަތްކޮށްދެވޭނެ އަގަކާއި މުއްދަތު ބަޔާންކޮށް ކޯޓޭޝަނެއް ހުށައެޅުއްވުން އެދެމެވެ. އަދި ކޯޓޭޝަނާއެކު ހުށަހަޅާ ފަރާތުގެ ރަޖިސްޓްރީ ކޮޕީއާއި މަސައްކަތުގެ ތަޖުރިބާގެ ލިޔުންތަކުގެ ކޮޕީ، އަދި ބަދަލުގައި ފޮނުވާ ފަރާތެއްނަމަ ޕަވަރ އޮފް އެޓާރނީ ދިންކަމުގެ ލިޔުމާއި އައިޑީކާޑުގެ ކޮޕީ ހުށަހެޅުއްވުން އެދެމެވެ.

މިހެންވެ މިކަން ޢާންމުކޮށް އެންގުމަށްޓަކައި އިޢުލާން ކުރީމެވެ.

26  ރަޖަބް 1446