މި ރަށުގެ އުތުރު ފަރާތު ދޯނި އެހެލާ ސަރަޙައްދަށް އެހެލާފައި އޮތް ބޯޓާ ގުޅޭ މަޢުލޫމާތު ހޯދުމަށްވަނީ ބޭނުންވެފައެވެ.

ވީމާ، މި ބޯޓުގެ ވެރިފަރާތުން ތިރީގައި މިދަންނަވާ ލިޔުންތައް 2025 ފެބްރުއަރީ 02 ވަނަ ދުވަހުގެ 14:00 ގެ ކުރިން މިކައުންސިލަށް ހުށަހަޅާ އެ ބޯޓުގެ ޖުރިމަނާއާއި ބިމު ކުއްޔަށްވާފައިސާ މި ކައުންސިލަށްދެއްކުމަށް ފަހު  2025 ފެބްރުއަރީ 10 ވަނަ ދުވަހުގެ ކުރިން އެބޯޓް އެ ސަރަޙައްދުން ނަގައި ބިން ސާފުކުރުމަށް އަންގަމެވެ. އަދި މި ދެންނެވި މުއްދަތުގައި އެ ބޯޓުގެ ވެރިފަރާތުން ލިޔުންތައް މި ކައުންސިލަށް ހުށަހަޅާފައި ނުވާނަމަ މި ކައުންސިލްގެ  ނަންބަރު: OD-01-2024 " އޮޑި ހަރުގެއާބެހޭ އުޞޫލު " ގެ 16 ވަނަ މާއްދާގެ (ނ) ގައިވާ ގޮތުގެމަތިން އެ ބޯޓުގެ ވެރިފަރާތެއް ނެތްކަމަށްބަލައި މިކައުންސިލުން އެބޯޓް ނައްތާ ލެވޭނެ އެވެ. އަދި މިގޮތުން އެބޯޓު ނައްތާލުމާ ގުޅިގެން ލިބޭ އެއްވެސް ގެއްލުމަކަށް މި ކައުންސިލުން ޒިންމާވާންނުޖެހޭނެކަންވެސް އަންގާ އިޢުލާނު ކުރަމެވެ.

ބޯޓުގެ ފެރިފަރާތުން ހުށަހަޅަންޖެހޭ ލިޔުންތައް

• ބޯޓުގެ ވެރިފަރާތުގެ ސިޓީ
• ބޯޓުގެ ރަޖިސްޓްރީގެ ކޮޕީ
• ބޯޓުގެ ވެރިފަރާތުގެ އައި.ޑީ ކާޑުގެ ދެފުށުގެ ސާފު ކޮޕީ