ޓީޖެޓީގައި އުޅަނދުފަހަރު އެޅުމާއިގުޅޭ؛

ގައްދޫ ބަނދަރު މަޝްރޫޢަކީ ހިންގަމުންދާ އަދި ނުނިމޭ މަޝްރޫޢަކަށްވާތީ ބަނދަރު ބޭނުންކުރާ އުޅަނދުފަހަރަށް ތަކުލީފުތަކެއް އުފުލަންޖެހޭކަން ކައުންސިލުން ފާހަގަކުރެވެއެވެ.

ނަމަވެސް ބަނދަރު މަޝްރޫޢު އެއްކޮށް ނިމި ދެބަނދަރު ރަސްމީކޮށް ތަރުތީބުކޮށް ފައްތިޔަ ހަވާލުކުރެވެންދެން ބަނދަރު ބޭނުންކުރާ ގައްދޫގެ އުޅަނދުތަކާއި އެކިބޭނުންތަކަށް ރަށުން ބޭރުން އަންނަ އުޅަނދުފަހަރަށް ފަސޭހަވާނެ ގޮތަށް ހުރިހާ ފަރާތްތަކުންވެސް ބަނދަރު ބޭނުންކުރުމުގައި އެއްބާރުލުން ދެއްވުމަށް ދަންނަވަމެވެ.

އަދި ދަންނަވަމެވެ.  ޓީޖެޓީއަކީ މުދާ އަރުވައި ބޭލުމަށާއި، އެކިބޭނުންތަކަށް ރަށަށް އަރާފައިބާ މީހުންނާއި އަދި ފެރީތަކުގެ ވަގުތީ ގިމަތައަށް ބޭނުންކުރަން ޚާއްޞަކުރެވިފައިވާ ހަމައެކަނި ސަރަޙައްދުކަމުން މިނޫން ބޭނުމަކު އެއްވެސް އުޅަނދެއް ޓީޖެޓީގައި ނުބޭއްވުމަށް ހަނދުމަފުޅުކޮށް އަރުވަމެވެ.

އެހެންކަމުން  ޓީޖެޓީގެ އުތުރާއި، ހުޅަނގު އަދި ދެކުނު ފަރާތުގައި ދާއިމީކޮށް އަޅާފައިވާ ހުރިހާ އުޅަނދުތައް ނަގައި ބަނދަރުގެ އެހެން ހުސްޖާގަތަކަށް ބަދަލުކުރުމަށް  އުޅަނދުފަހަރުތަކުގެ ވެރިފަރާތްތަކަށް ދަންނަވަމެވެ. މިއެންގުމާއި ޚިލާފަށް ޓީޖެޓީ ބޭނުންކުރާ ފަރާތްތަކާއި އުޅަނދުފަހަރަށް ކަނޑައެޅިފައިވާ އުޞޫލުތަކާއި އެއްގޮތަށް ތަންފީޒީ  އިދާރާތަކާއި ގުޅިގެން ފިޔަވަޅު އަޅާނެވާހަކަވެސް ދަންނަވަމެވެ.