އިޢުލާން

ކުޅުދުއްފުށީ ސިޓީ ކައުންސިލުން މަސްވެރިކަމާއި ކަނޑުގެ ވަޞީލަތްތަކާއިބެހޭ ވުޒާރާއާއި ގުޅިގެން ހިންގާ "ވެލިއު އެޑް ކުރި މަހުގެ އުފެއްދުން ތައްޔާރުކުރުމާއި ކުދި ވިޔަފާރީ ހިންގާ ބެލެހެއްޓުމުގެ ތަމްރީން ކޯސް" ގައި ބައިވެރިވެރިވުމުގެ ފުރުޞަތު މިހާރުވަނީ ހުޅުވާލެވިފައިއެވެ. މި ކޯސް ކުރިޔަށް ގެންދިޔުމަށް ރޭވިފައިވަނީ އަންނަ ފެބްރުއަރީ މަހުގެ ފުރަތަމަ ހަފްތާގައެވެ.

ޕްރޮގްރާމްގެ ތަޢާރަފް:
މި ތަމްރީނަކީ، ވެލިއު އެޑް ކުރި މަހާއި މަހުގެ އުފެއްދުން ތައްޔާރުކޮށް ވިޔަފާރި އުސޫލުން މިކަން ކުރުމަށް ބޭނުންވާ ފަރާތްތަކަށް މިމަސައްކަތް ފެށުމަށް އެހީތެރިކަން ފޯރުކޮށްދިނުމުގެ ގޮތުން ހިންގާ ތަމްރީނެކެވެ. މި ތަމްރީނުގައި ވެލިއު އެޑްކުރި މަހާއި މަހުން އުފައްދާ ބާވަތްތައް، ތައްޔާރުކުރާނޭގޮތުގެ މަޢުލޫމާތާއި އަދި ވިޔަފާރީގެ އުސޫލުން މިތަކެތި ތައްޔާރުކޮށް މާކެޓްކުރުމާއި، ކުދި ވިޔަފާރީ ބެލެހެއްޓުމާއި ގުޅޭ ތަމްރީނު ބައިވެރިންނަށް ފޯރުކޮށްދެވޭނެއެވެ.

ޕްރޮގްރާމުގެ މުއްދަތު: 5 ދުވަސް

ޕްރޮގްރާމް އަމާޒުކުރާ ފަރާތްތައް:

• މަހާއި މަހުގެ އުފެއްދުމަށް ޝައުގުވެރިވާ ފަރާތްތައް
• މަސްވެރިކަމުގެ ކުދި އަދި މެދު ފަންތީގެ ވިޔަފާރިވެރިން

ޕްރޮގްރާމްގައި ކިޔަވައިދޭ ބައިތައް:

• މަހުގެ ބާވަތްތައް ފެންވަރު ރަނގަޅުކޮށް ރައްކާތެރިކަމާއެކު ބެލެހެއްޓުން
• މަހުގެ އުފެއްދުންތައް ތައްޔާރު ކުރުމުގައި ގެންގުޅެންޖެހޭ ރައްކާތެރި މިންގަނޑުތައް ލޭބަލްކުރުމާއި ބަންދުކުރުން
•  މަސްވެރިކަމުގެ ކުދި ވިޔަފާރިއެއް ހިންގާ ބަލަހައްޓަނެ ގޮތް
• މަސްވެރިކަމުގެ ކުދި ވިޔަފާރި ހިންގުމުގައި ފައިސާ ބަލަހައްޓާނެގޮތް

ވީމާ، މި ތަމްރީން ކޯހުގައި ބައިވެރިވުމަށް ޝައުޤުވެރިވާ ފަރާތްތަކުން 27 ޖެނުވަރީ 2025 ގެ މެންދުރު 12:00 ގެ ކުރިން ތިރީގައިވާ ފޯމް މެދުވެރިކޮށް ނުވަތަ މިއިދާރާގެ ނަންބަރު 6527202 އަށް ގުޅުއްވައިގެން ރަޖިސްޓްރީ ވެލެއްވުން އެދެމެވެ.

ލިންކް: https://forms.office.com/r/dxhHqAzr3n