ފޮއްދޫގައި ކާބޯތަކެތި ހެއްދުމަށް ޝައުޤުވެރިވާ ފަރާތްތަކަށް ވަގުތީ ބިން ދަނޑުވެރިކަން ކުރުމަށް ދޫކުރުމަށް މި ކައުންސިލުން ވަނީ ނިންމާފައެވެ. އެގޮތުން ވަގުތީ ބިން ދޫކުރުމަށް ހަމަޖެހިފައިވަނީ ގޯތީގެ ރަޖިސްޓްރީ އޮންނަ ފަރާތަށް ބިމެއް ދޫކުރާ ގޮތަށް ނުވަތަ، ބިމަށް އެދިލައްވާ ފަރާތެއް ދިރިއުޅޭ ގެއެއްގެ ނަމުގައި އެއް ބިން ދޫކުރާ ގޮތަށެވެ. އާއްމުކޮށް ގޭ.ބީ.ސީ ތަކަށް ދޫކުރާ ބިމަށްވުރެ އިތުރަށް އެފަރާތެއް ބޭނުންވާނަމަ ހަމަޖެހިފައިވާ އުސޫލުން ކުލި ދައްކާ ގޮތަށް، ޖާގަ އޮތް މިންވަރަކުން އިތުރަށް ބިން ދޫކުރުމަށްވެސް ކައުންސިލުން ވަނީ ނިންމާފައެވެ. ކުންފުނިތަކުން ދަނޑުބިން ބޭނުންވާނަމަވެސް ކުއްޔަށް ދޫކުރާ ގޮތަށްވަނީ ހަމަޖެހިފައެވެ. އަދި މިހާރު ދަނޑު ހައްދަމުންދާ ފަރާތްތަކުންވެސް އެއްބަސްވުމުގެ މުއްދަތު ހަމަވެފައިވާނަމަ، މި އިޢުލާނުގެ ދަށުން އެދިލައްވަންޖެހިވަޑައިގަންނަވާނެއެވެ. ބިން ދޫކުރުމުގައި އެފަރާތުން މިހާރުވެސް ދަނޑުވެރިކަމުގައި ބިން ބޭނުންކުރަމުންދާނަމަ، އެ ސަރަޙައްދަކުން ދޫކުރުމަށް އިސްކަންދެވޭނެއެވެ. ވީމާ ދަނޑު ވެރިކަން ކުރުމަށް ޝައުޤުވެރިވާ ފަރާތްތަކަށް އެފުރުޞަތު މިކައުންސިލުން ހުޅުވާލަމެވެ.
ދަނޑުވެރިކަން ކުރުމަށް ދަނޑުބިން ބޭނުންވާ ފަރާތްތަކުން 30 ޖަނަވަރީ 2025 ވާ އަންގާ ދުވަހުގެ 13:00 މި އިދާރާ އަށް ސިޓީ ހުށަހެޅުމުގެ ފުރުޞަތު ހުޅުވާލަމެވެ. ސިޓީ ހުށަހަޅާއިރު، ހުށަހަޅަނީ ގެއެއްގެ ނަމުގައި ކަމުގައިވާނަމަ، އެފަރާތުގެ ނަމުގައި އެ ގޯތި ރަޖިސްޓްރީ ކޮށްފައިވާކަން އެނގޭ ލިޔުމެއް ހުށަހަޅަންވާނެއެވެ. އަދި ގެއެއްގައި ދިރިއުޅޭ ފަރާތަކުން އެގެއްގެ ނަމުގައި ދަނޑުބިން ބޭނުން ކަމަށްވާނަމަ، އެގެއެއްގެ ވެރިފަރާތުން ލިޔުމެއް (އެފަރާތް އެގޭގައި ދިރިއުޅޭ ކަމުގެ) ހުށަހަޅަން ވާނެއެވެ. މިގޮތަށް ހުށަހަޅާއިރު، ދިވެހިރައްޔިތެއްކަން އަންގައިދޭ ކާޑުގެ ކޮޕީ ހުށަހަޅަން ވާނެއެވެ.
                             ވީމާ، މިކަން އާންމުކޮން އަންގާ އިޢުލާން ކުރީމެވެ.