ދިވެހިރާއްޖެ
އިޢުލާން
ވޮލީބޯލް އެސޯސިއޭޝަން އޮފް މޯލްޑިވްސްގެ ހިންގާ ކޮމިޓީގެ މެމްބަރުކަމަށް ކުރިމަތިލުމަށް ހުޅުވާލުން
ވޮލީބޯލް އެސޯސިއޭޝަން އޮފް މޯލްޑިވްސްގެ ހިންގާ ޤަވާޢިދު (ވާރޝަން 2023) ގެ 20 ވަނަ މާއްދާގެ (ށ) ގައި ބަޔާންކުރާ ހިންގާ ކޮމިޓީގެ ތިރީގައިވާ މަޤާމުތަކަށް ކުރިމަތިލުމަށް ހުޅުވާލަމެވެ. މިގޮތުން އިންތިޚާބު ކުރެވޭ ހިންގާ ކޮމިޓީގެ ދައުރަކީ 2025 އެޕްރީލް 1 ވަނަ ދުވަހުން ފެށިގެން ކުރިއަށް އޮތް 4 އަހަރެވެ.
1- ޕްރެޒިޑެންޓް
2- ސީނިއަރ ވައިސް ޕްރްޒިޑެންޓް
3- ވައިސް ޕްރެޒިޑެންޓް
4- ވައިސް ޕްރެޒިޑެންޓް – ވޮލީބޯލް
5- ވައިސް ޕްރެޒިޑެންޓް – ބީޗް ވޮލީބޯލް
6- ވައިސް ޕްރެޒިޑެންޓް – އިދާރީ
7- ވައިސް ޕްރެޒިޑެންޓް – އަންހެން
8- ޓްރެޝަރަރ
9- ހިންގާ ކޮމިޓީގެ މެމްބަރު - 1
10- ހިންގާ ކޮމިޓީގެ މެމްބަރު - 2
11- ހިންގާ ކޮމިޓީގެ މެމްބަރު - 3
12- ހިންގާ ކޮމިޓީގެ މެމްބަރު - 4
13- ހިންގާ ކޮމިޓީގެ މެމްބަރު - 5
14- ހިންގާ ކޮމިޓީގެ މެމްބަރު - 6 (އަންހެން)
ވޮލީބޯލް އެސޯސިއޭޝަން އޮފް މޯލްޑިވްސްގެ ހިންގާ ކޮމިޓީގެ އިންތިޚާބީ މަޤާމަކަށް ކުރިމަތިލެވޭނީ އަންނަނިވި ފަރާތްތަކަށެވެ.
1- މީލާދީގޮތުން 18 (އަށާރަ) އަހަރު ފުރިފައިވާ ދިވެހިރައްޔިތަކަށްވުން
2- އެސޯސިއޭޝަނުގެ މެމްބަރު ކުލަބެއްގެ މެމްބަރެއް ނުވަތަ އެސޯސިއޭޝަނުގެ އަމިއްލަ މެމްބަރަކަށްވުން، ނުވަތަ
3- އެސޯސިއޭޝަންގެ ހިނގަމުންދާ ދައުރުގެ ހިންގާ ކޮމިޓީގެ މެމްބަރަކަށްވުން.
4- ޖިނާޢީ ޙުކުމެއް ތަންފީޒުކުރަމުންދާ ފަރާތަކަށް ނުވުން. ނުވަތަ އެ ޙުކުމެއް ތަންފީޒުކޮށް ނުވަތަ އެފަދަ ޙުކުމެއް މަޢާފްކުރިތާ 5 އަހަރު ވެފައިވާ ފަރާތަކަށްވުން.
5- ބުއްދި ސަލާމަތުން ހުރުން.
ވޮލީބޯލް އެސޯސިއޭޝަން އޮފް މޯލްޑިވްސްގެ ހިންގާ ކޮމިޓީގައި ހިމެނޭ ތިރީގައި މި ދަންނަވާ އެކްސް އޮފީޝިއޯ މެމްބަރުންގެ މަޤާމަށް ކުރިމަތިލެވޭނީ، މަދުވެގެން އެސޯސިއޭޝަނުގެ 3 (ތިނެއް) ވޯޓުލެވޭ މެމްބަރުންގެ ތާޢީދާ އެކުގައެވެ. އަދި ކުރިމަތި ލެވޭނީ އެއް ޓީމެއްގެ ގޮތުގައެވެ. ހިންގާ ކޮމިޓީގެ އިންތިޚާބުގައި ކޮންމެ ފަރާތަކަށްވެސް ވާދަ ކުރެވޭނީ 1 (އެކެއް) މަޤާމަށެވެ. އަދި އެއްވެސް ފަރާތަކުން އެކްސް އޮފިޝިއޯ 1 (އެކެއް) ޓީމަށްވުރެ ގިނަ ޓީމުގައި ނަން ހިމަނައިގެން ނުވާނެއެވެ. އަދި ހިންގާ ކޮމެޓީގެ އިންތިޚާބުގައި ކޮންމެ މެމްބަރު ކްލަބަކަށްވެސް ތާއީދު ކުރެވޭނީ އެކްސް އޮފީޝިއޯ 1 (އެކެއް) ޓީމަށެވެ.
1- ޕްރެޒިޑެންޓް
2- ސީނިއަރ ވައިސް ޕްރްޒިޑެންޓް
3- ވައިސް ޕްރެޒިޑެންޓް
4- ވައިސް ޕްރެޒިޑެންޓް – ވޮލީބޯލް
5- ވައިސް ޕްރެޒިޑެންޓް – ބީޗް ވޮލީބޯލް
6- ވައިސް ޕްރެޒިޑެންޓް – އިދާރީ
7- ވައިސް ޕްރެޒިޑެންޓް – އަންހެން
ވޮލީބޯލް އެސޯސިއޭޝަން އޮފް މޯލްޑިވްސްގެ ހިންގާ ކޮމިޓީގައި ހިމެނޭ، ތިރީގައި މިދަންނަވާ ހިންގާ ކޮމިޓީގެ މެމްބަރު ގެ މަޤާމަށް ކުރިމަތިލެވޭނީ ވަކިވަކި މެމްބަރުންގެ ގޮތުގައެވެ.
1- ހިންގާ ކޮމިޓީގެ މެމްބަރު - 1
2- ހިންގާ ކޮމިޓީގެ މެމްބަރު - 2
3- ހިންގާ ކޮމިޓީގެ މެމްބަރު - 3
4- ހިންގާ ކޮމިޓީގެ މެމްބަރު – 4
5- ހިންގާ ކޮމިޓީގެ މެމްބަރު - 5
6- ހިންގާ ކޮމިޓީގެ މެމްބަރު 6 – އަންހެން
ވޮލީބޯލް އެސޯސިއޭޝަން އޮފް މޯލްޑިވްސްގެ ހިންގާ ކޮމިޓީގައި ހިމެނޭ، ޓްރެޝަރަރގެ މަޤާމަށް ކުރިމަތިލެވޭނީ ވޯޓްލެވޭ މެމްބަރުންގެ ތެރެއިން 1 (އެކެއް) މެމްބަރުންގެ ތާޢީދާއެކުގައެވެ.
ވީމާ، މި މަޤާމުތަކަށް ކުރިމަތިލުމަށް ގަސްދުކުރައްވާ ޝަރުތު ފުރިހަމަވާ ފަރާތްތަކުން، މި އިޢުލާނާއެކު މިވާ ފޯމް ފުރިހަމަކުރުމަށްފަހު ހުށަހަޅަންޖެހޭ އެހެނިހެން ލިއުންތަކާއެކު 2025 ޖަނަވަރީ 27 ވަނަ ދުވަހުގެ ހަވީރު 4 ޖެހުމުގެ ގެކުރިން، ވޮލީބޯލް އެސޯސިއޭޝަން އޮފް މޯލްޑިވްސްއަށް ހުށަހެޅުއްވުން އެދެމެވެ.
--------------------------------
20 ޖަނަވަރީ 2025
