ދިވެހިރާއްޖޭގައި ރެފްރިޖަރޭޝަން އަދި އެއަރ ކޮންޑިޝަނިންގ (އާރްއޭސީ) ދާއިރާގައި މަސައްކަތް ކުރާ ޓެކްނީޝަނުންނަށް ހާއްސަކޮށްގެން މިނިސޓްރީ އޮފް ކްލައިމަޓް ޗޭންޖް، އެންވަޔަރަމަންޓް އެންޑް އެނަރޖީ ގެ އޯޒޯން ޔުނިޓާއި މޯލްޑިވްސް ޕޮލިޓެކްނިކާއި ގުޅިގެން ރާއްޖޭގެ ހުރިހާ އަތޮޅެއްގައި ތަމްރީން ޕްރޮގްރާމް ތަކެއް ބޭއްވުމަށްވަނީ ހަމަޖެހިފައެވެ. މި ޕްރޮގްރާމްގެ މަޤްސަދަކީ ފިނިކުރާ ނިޒާމްތަކުގައި ބޭނުންކުރާ ދުނިޔެ ހޫނުވުމަށް އަސަރުކުރުވާ ގޭސްތައްކަމުގައިވާ ހައިޑްރޯފްލޮރޯކާރބަންސް (އެޗްއެފްސީ) ބޭނުންކުރާ މިންވަރު މަދުކުރުމަށް ކުރަމުންދާ މަސައްކަތާ ގުޅޭގޮތުން، ދިވެހިރާއްޖޭގައި އާރްއޭސީ ދާއިރާގައި މަސައްކަތްކުރަމުންދާ ޓެކްނީޝަނުންގެ މެދުގައި ހޭލުންތެރިކަން އިތުރުކޮށް، މިކަމާ ގުޅިގެން އަންނާނެ ބަދަލުތަކާ ގުޅޭ ފުރިހަމަ މައުލޫމާތު އެފަރާތްތަކަށް ފޯރުކޮށްދިނުމެވެ.

އދ.އަތޮޅުގެ ރަށްތަކުގެ ޓެކްނީޝަނުންނަށް ހާއްސަކޮށްގެން ބާއްވާ ސެޝަން  3 ފެބްރުއަރީ 2025 ވާ ހޯމަ ދުވަހު އދ.މާމިގިލީގައި ބޭއްވުމަށްވަނީ ހަމަޖެހިފައެވެ. މި ސެޝަންގައި ބައިވެރިވުމަށް ކުރާ ދަތުރާއި ބައިވެރިންގެ ރިފްރެޝްމަންޓް މިނިސްޓްރީ އިން ހަމަޖައްސާނެ ވާހަކަ ދެންނެވީމެވެ.

ވީމާ، މި ޕްރޮގްރާމްގައި ބައިވެރިވެލައްވަން ބޭނުންވާ ޓެކްނީޝިއަނުން 20 ޖެނުއަރީ 2025 ވާ އަންގާރަ ދުވަހުގެ 13:00 ގެ ކުރިން 7968434 އަށް މެސެޖް ކުރައްވައިގެން ނަން ނޯޓް ކުރެއްވުން އެދެމެވެ.