ކޮޅުމަޑުލު ދިޔަމިގިލީ ކައުންސިލްގެ 04 ވަނަ ދައުރުގެ 193 ޖަލްސާގެ ނިންމުން އާއްމުކުރުން

ތަން:  ކޮޅުމަޑުލު ދިޔަމިގިލީ ކައުންސިލް އިދާރާގެ ޖަލްސާކުރާ މާލަމް

ތާރީހް: 15 ޖަނަވަރީ 2025  ، ބުދަ

15 ރަޖަބު 1446

ގަޑި: ހެނދުނު 08:30

އެޖެންޑާ

1. ޖެނުއަރީ 2025 އިން 14 ޖެނުއަރީ 2025 ގެ ނިޔަލަށް ކައުންސިލް އިދާރާއަށް ލިބިފައިވާ ސިޓީތައް    ކައުންސިލާއި ހިއްސާކުރުން.
2. 2025 ވަނަ އަހަރުގެ ތ. ދިޔަމިގިލީ ކައުންސިލުގެ ބަޖެޓް ފާސްކުރުން
3. ގޯލްޑެން ފުޓްސެލް މުބާރާތުގެ ހުޅުވުމުގެ ރަސްމިއްޔާތަށް މާލެ ވަޑައިގަތުމަށް 08 ދުވަހަށް ވީއްލުމާއި ދަތުރުގެ ދެކޮޅު ޓިކެޓާއި އެކަމަޑޭޝަން ހަމަޖެއްސުން
4. 4 ވަނަ ދައުރުގެ 2025/03/4/193/385 ވަނަ ޖަލްސާގެ ޔައުމިއްޔާ ފާސްކުރުން

ޖަލްސާގެ ނިންމުންތަށް

1. އެޖެންޑާ ނަންބަރ 1: 08 ޖެނުއަރީ 2025 އިން 14 ޖެނުއަރީ 2025 ގެ ނިޔަލަށް ކައުންސިލް އިދާރާއަށް ލިބިފައިވާ ސިޓީތައް ކައުންސިލާއި ހިއްސާކުރުން.
2. އެޖެންޑާ ނަންބަރ 2: 2025 ވަނަ އަހަރުގެ ކައުންސިލުގެ ބަޖެޓް ފާސްކުރުމުގެ މި މައްސަލަ އާއި ގުޅިގެން ބަޖެޓަށް މެމްބަރުން މަޝްވަރާ ކުރެއްވީ ވަކިވަކިން ޚިޔާލު ހުށަހެޅުއްވުމުގެ ބަދަލުގައި މަޝްވަރާގެ އުސޫލުންނެވެ. މިގޮތުން ހުރިހާ މެމްބަރުންވެސް 2025 ވަނަ އަހަރަށް ލަފާކޮށް ކައުންސިލު އިދާރާއިން ތައްޔާރުކޮށް ކައުންސިލަށް ހުށަހަޅުއްވާފައިވާ ކައުންސިލަށް ލިބޭނެ ކަމަށް ލަފާކުރާ އާމްދަނީ އާއި ހިނގާނެ ކަމަށް ލަފާކުރާ ޚަރަދުގެ މި ބަޖެޓްގެ ކޯޑްތަކަށް ކަނޑަ އަޅުއްވާފައިވާ ޢަދަދު ތަކަށް މެމްބަރުން ވަރަށް ބޮޑަށް ޚިޔާލު ފާޅުކުރައްވާ މަޝްވަރާ ކުރެއްވިއެވެ. އަދި ހުރިހާ މެމްބަރުންގެ އިއްތިފާގުން 8784011.07 ރުފިޔާ ( އަށް މިލިއަން ހަތްލައްކަ އަށްޑިހަ ހަތަރުހާސް އެގާރަ ރުފިޔާ ހަތްލާރި )  މި ބަޖެޓް އެއްވެސް އުނި އިތުރެއްނެތި ފާސް ކުރެއްވިއެވެ.
3. އެޖެންޑާ ނަންބަރ 3: ގޯލްޑެން ފުޓްސެލް މުބާރާތުގެ ހުޅުވުމުގެ ރަސްމިއްޔާތަށް މާލެ ވަޑައިގަތުމަށް 08 ދުވަހަށް ވީއްލުމާއި ދަތުރުގެ ދެކޮޅު ޓިކެޓާއި އެކަމަޑޭޝަން ހަމަޖެއްސުމުގެ މި މައްސަލަ އާއި ގުޅިގެން މެމްބަރުން މަޝްވަރާ ކުރެއްވުމަށް ފަހު ގޯލްޑެން ފުޓްސެލް މުބާރާތް ފެށުމުގެ ކުރިން ރައީސް މާލެ ވަޑައިގެން މިރަށު ފުޓްސެލް ޓީމާ ބައްދަލުކުރެއްވުމަކީ ވަރަށް މުހިންމު ކަމެއް ކަމުގައި މެމްބަރުން ފާހަގަ ކުރައްވައި 10 ޖެނުއަރީ 2025 ހުކުރު ދުވަހުން ފެށިގެން ގޯލްޑެން ފުޓްސެލް މުބާރާތުގެ ހުޅުވުމުގެ ރަސްމިއްޔާތަށް މާލެ ވަޑައިގަތުމަށް 16 ޖެނުއަރީ 2025 ދުވަހުގެ ނިޔަލަށް ވީއްލުމަށާއި ދަތުރުގެ ދެކޮޅު ޓިކެޓާއި މާލޭގައި ހުރުމުގެ ޚަރަދު ކައުންސިލުގެ ބަޖެޓުން ހަމަޖެއްސުމާ މެދު އިޢްތިރާޒެއް ނެތް ކަމުގައި މެމްބަރުންގެ އިއްތިފާގުން ނިންމެވިއެވެ.
4. އެޖެންޑާ ނަންބަރ 4: އެއްވެސް އުނި އިތުރެއް ނެތި މެމްބަރުންގެ އިއްތިފާޤުން 4 ވަނަ ދައުރުގެ 2025/03/4/193/385 ވަނަ ޖަލްސާގެ ޔައުމިއްޔާ ފާސްކުރެއްވިއެވެ