ކޮޅުމަޑުލު ދިޔަމިގިލީ ކައުންސިލްގެ 04 ވަނަ ދައުރުގެ 175 ވަނަ ޖަލްސާގެ ނިންމުން އާއްމުކުރުން

ތަން:  ކޮޅުމަޑުލު ދިޔަމިގިލީ ކައުންސިލް އިދާރާގެ ޖަލްސާކުރާ މާލަމް

ތާރީހް: 11 ސެޕްޓެމްބަރ 2024  ބުދަ

08 ރަބީޢުލްއައްވަލް 1446

ގަޑި: ހެނދުނު 08:30

އެޖެންޑާ

1. 04 ސެޕްޓެމްބަރ 2024 އިން 10 ސެޕްޓެމްބަރ 2024 ގެ ނިޔަލަށް ކައުންސިލް އިދާރާއަށް ލިބިފައިވާ ސިޓީތައް ކައުންސިލާއި ހިއްސާކުރުން.
2. 2024 ސެޕްޓެމްބަރ 15 ވަނަ ދުވަހު ފަށާ ކައުންސިލުގެ ފުޓްސެލް މުބާރާތާ ގުޅިގެން ދަނޑު ސަރަޙައްދުގައި ކާބޯ ތަކެތި ވިއްކުމަށް މޭޒު ބެހެއްޓުމަށް ރަޖިސްޓްރޭޝަން ފީގެ ގޮތުގައި -/50 ރުފިޔާގެ ނެގުމުގެ މައްސަލަ
3. 2025 ވަނަ އަހަރުގެ ގޯލްޑަން ފުޓްސަލް މުބާރާތުގައި ދިޔަމިގިލީ ޓިމް ބައިވެރި ކުރުމާއި މުބާރާތުގައި ބައިވެރިވުމުގެ ފީ -/8500 ރުފިޔާ ޚަރަދު ކުރުމުގެ މައްސަލަ
4. ކައުންސިލް އިދާރައަށް ސައުންޑް  ސިސްޓަމެއް ގަތުމަށް -/42480 ރުފިޔާގެ ބަޖެޓް ކޮންޓްރޯލެއް ހެދުމުގެ މައްސަލަ
5. ފުޓްސަލް ދަނޑުގައި ސަޕޯޓަރުން ތިބުމަށް ބެންޗެއް ހެދުން އަދި ފުޓްސަލް ދަނޑުގައި ކުރަން ހުރި ވެލްޑިންގ މަސައްކަތްތަށް ކުރުމަށް -/10000 ރުފިޔާ ޚަރަދު ކުރުމުގެ މައްސަލަ
6. ކައުންސިލްގައި ބޭނުންކުރާ އެކިއެކި ޓޫލްސް އަދި ވެހިކަލް ފަދަތަކެތި މުއައްސަސާތަކަށާއި ޖަމިއްޔާތަކަށް ދޫކުރުމުގެ އުސޫލެއް ހެދުމުގެ މައްސަލަ
7. 4 ވަނަ ދައުރުގެ 2024/37/4/175/385 ވަނަ ޖަލްސާގެ ޔައުމިއްޔާ ފާސްކުރުން

ޖަލްސާގެ ނިންމުންތަށް

އެޖެންޑާ ނަންބަރު 1: 04 ސެޕްޓެމްބަރ 2024 އިން 10 ސެޕްޓެމްބަރ 2024 ގެ ނިޔަލަށް ކައުންސިލް އިދާރާއަށް ލިބިފައިވާ ސިޓީތައް ކައުންސިލާއި ހިއްސާކުރުން.

އެޖެންޑާ ނަންބަރު 2: 2024 ސެޕްޓެމްބަރ 15 ވަނަ ދުވަހު ފަށާ ކައުންސިލުގެ ފުޓްސެލް މުބާރާތާ ގުޅިގެން ދަނޑު ސަރަޙައްދުގައި ކާބޯ ތަކެތި ވިއްކުމަށް މޭޒު ބެހެއްޓުމަށް ރަޖިސްޓްރޭޝަން ފީގެ ގޮތުގައި -/50 ރުފިޔާގެ ނެގުމުގެ މައްސަލަ އާއި ގުޅިގެން މެމްބަރުން މަޝްވަރާ ކުރެއްވުމަށްފަހު ފުޓްސެލް މުބާރާތާ ގުޅިގެން ދަނޑު ސަރަޙައްދުގައި ކާބޯ ތަކެތި ވިއްކުމަށް މޭޒު ބެހެއްޓުމަށް ރަޖިސްޓްރޭޝަން ފީގެ ގޮތުގައި -/50 ރުފިޔާގެ ނެގުމާމެދު އިޢްތިރާޒެއް ނެތްކަމުގައި މެމްބަރުންގެ އިއްތިފާޤުން ނިންމެވިއެވެ.

އެޖެންޑާ ނަންބަރު 3: 2025 ވަނަ އަހަރުގެ ގޯލްޑަން ފުޓްސަލް މުބާރާތުގައި ދިޔަމިގިލީ ޓީމް ބައިވެރި ކުރުމަށްޓަކައި މުބާރާތުގައި ބައިވެރިވުމުގެ ފީ -/8500 ރުފިޔާ ޚަރަދު ކުރުމުގެ މައްސަލަ އާއި ގުޅިގެން މެމްބަރުން މަޝްވަރާ ކުރެއްވުމަށް ފަހު 2025 ވަނަ އަހަރުގެ ގޯލްޑަން ފުޓްސަލް މުބާރާތުގައި ދިޔަމިގިލީ ޓީމް ބައިވެރި ކުރުމަށް ރަށުގެ ޒުވާނުން ކޮންމެހެން ބޭނުންވާތީ މުބާރާތުގައި ބައިވެރިވުމުގެ ފީގެ ގޮތުގައި -/8500 ރުފިޔާ ޚަރަދު ކުރުމާ މެދު އިޢްތިރާޒެއް ނެތްކަމުގައި މެމްބަރުންގެ އިއްތިފާޤުން ނިންމެވިއެވެ.

އެޖެންޑާ ނަންބަރު 4: މި އިދާރާގެ ސައުންޑް ސިސްޓަމް ހަލާކުވެ ވަރަށް ބޮޑަށް ދަތިވަމުން ދާތީ ކައުންސިލް އިދާރާއަށް ސައުންޑް ސިސްޓަމެއް ގަތުމަށް -/42480 ރުފިޔާގެ ބަޖެޓް ކޮންޓްރޯލެއް ހެދުމުގެ މައްސަލަ އާއި ގުޅިގެން މެމްބަރުން ފުޅާ ދާއިރާއެއްގައި މަޝްވަރާ ކުރެއްވުމަށް ފަހު ކައުންސިލް އިދާރާއަށް ސައުންޑް ސިސްޓަމެއް ގަތުމަށް -/42480 ރުފިޔާގެ ބަޖެޓް ކޮންޓްރޯލެއް ހަދައި މި ފައިސާ ޚަރަދު ކުރުމާ މެދު އިޢްތިރާޒެއް ނެތްކަމުގައި މެމްބަރުންގެ އިއްތިފާޤުން ނިންމެވިއެވެ.

އެޖެންޑާ ނަންބަރު 5: ފުޓްސަލް ދަނޑުގައި ސަޕޯޓަރުން ތިބުމަށް ބެންޗެއް ހެދުމަށާއި އަދި ފުޓްސަލް ދަނޑުގައި ކުރަން ހުރި ވެލްޑިންގ މަސައްކަތްތަށް ކުރުމަށް -/10000 ރުފިޔާ ޚަރަދު ކުރުމުގެ މި މައްސަލަ އާއި ގުޅިގެން މެމްބަރުން ފުޅާ ދާއިރާއެއްގައި މަޝްވަރާ ކުރެއްވުމަށްފަހު ފުޓްސަލް ދަނޑު ވީރާނާވުން ކުޑަކުރުން ދެމެހެއްޓުމަށް ބޭނުންވާތީ ފުޓްސަލް ދަނޑުގައި ސަޕޯޓަރުން ތިބުމަށް ބެންޗެއް ހެދުން އަދި ފުޓްސަލް ދަނޑުގައި ކުރަން ހުރި ވެލްޑިންގ މަސައްކަތްތަށް ކުރުމަށް -/10000 ރުފިޔާ ޚަރަދު ކުރުމާ މެދު އިޢްތިރާޒެއް ނެތްކަމުގައި މެމްބަރުންގެ އިއްތިފާޤުން ނިންމެވިއެވެ.

އެޖެންޑާ ނަންބަރު 6: ކައުންސިލްގައި ބޭނުންކުރާ އެކިއެކި ޓޫލްސް އަދި ވެހިކަލް ފަދަތަކެތި މުއައްސަސާ ތަކަށާއި ޖަމިއްޔާތަކަށް ދޫކުރުމުގެ އުސޫލެއް ހެދުމުގެ މައްސަލަ އާއި ގުޅިގެން މެމްބަރުން ވަރަށް ފުޅާ ދާއިރާއެއްގައި މަޝްވަރާ ކުރެއްވުމަށް ފަހު   ކައުންސިލުގެ އިދާރާއިން އެކަށަ އެޅުއްވުމަށްފަހު ވީ އެންމެ އަވަހަކަށް ކައުންސިލުގެ ޖަލްސާއަށް ހުށަހެޅުއްވުމާ މެދު އިޢްތިރާޒެއް ނެތްކަމުގައި މެމްބަރުންގެ އިއްތިފާޤުން ނިންމެވިއެވެ.

އެޖެންޑާ ނަންބަރު 7: އެއްވެސް އުނި އިތުރެއް ނެތި މެމްބަރުންގެ އިއްތިފާޤުން 4 ވަނަ ދައުރުގެ 2024/37/4/175/385 ވަނަ ޖަލްސާގެ ޔައުމިއްޔާ ފާސްކުރެއްވިއެވެ.