މި ހޮސްޕިޓަލުގައި ހުރި ބާވެފައިވާ ވެހިކަލްތައް ނީލަމުގައި ވިއްކުން         

އައްޑޫ އެކުއެޓޯރިއަލް ހޮސްޕިޓަލުގައި ހުރި ބާވެ ހަލާކުވެފައިވާ ވެހިކަލްތައް ދުވަހު ނީލަމުގެ އުޞޫލުން ނީލަންކިޔުން، މިހޮސްޕިޓަލުގައި 23 ޖެނުއަރީ 2025 ވަނަ ދުވަހު ހެނދުނު 11:00 ގައި އޮންނާނެއެވެ. ނީލަން ކިޔުމަށް ހަމަޖެހިފައިވާ ވެހިކަލްތަކުގެ މަޢުލޫމާތާއި، ނީލަން ފެށޭ އަގާއި، ނީލަމުގެ އަގަށް އިތުރުކުރެވޭނެ އެންމެ ކުޑަ އަގު، މި އިޢުލާނާއެކު އެއްކަރުދާސް ކުރެވިފައިވާނެއެވެ.

މި ތަކެތި ބަލަން ބޭނުންވާ ފަރާތްތަކުން، 23 ޖެނުއަރީ 2025 ވާ ބުރާސްފަތި ދުވަހުގެ ހެނދުނު 10:00 އަށް މިހޮސްޕިޓަލަށް ޙާޟިރުވުން އެދެމެވެ. އަދި، ނީލަމުގައި ބައިވެރިވުމަށް ބޭނުންވާ ފަރާތްތަކުން، ދިވެހިރައްޔިތެއްކަން އަންގައިދޭ ކާޑާއި އެކު 23 ޖެނުއަރީ 2025 ވާ ބުރާސްފަތި ދުވަހުގެ ހެނދުނު 11:00 އަށް މިހޮސްޕިޓަލަށް ޙާޟިރުވެ، ނީލަމުގައި ބައިވެރިވުން އެދެމެވެ.

ނީލަން ކާމިޔާބު ކުރާ ފަރާތްތަކުން، ސަރުކާރު ބަންދު ނޫން 1 ދުވަހުގެ ތެރޭގައި، ނީލަން ކިޔުނު ތަކެތީގެ ފައިސާ މިހޮސްޕިޓަލުގެ މެއިން އޯ.ޕީ.ޑީ ކައުންޓަރަށް ދެއްކުމަށްފަހު، ސަރުކާރު ބަންދު ނޫން 2 ދުވަހުގެ ތެރޭގައި ނީލަން ކާމިޔާބު ކުރާ ފަރާތުގެ ޚަރަދުގައި ތަކެތި ގެންދަން ވާނެއެވެ. މި މުއްދަތުގެ ތެރޭގައި ނުގެންގޮސް ހުރި ތަކެތި އަލުން ނީލަމުގައި ވިއްކާލެވޭނެއެވެ. ނީލަން ކާމިޔާބު ކުރުމަށްފަހު އެތަކެތި ނުގެންދާ ފަރާތްތަކަށް މި އޮފީހުން  ބާއްވާ ނީލަންތަކުގައި ދެން ބައިވެރި ވެވޭނީ 06 މަސް ދުވަސް ފަހުން ކަމުގައި ދެންނެވީމެވެ.

މިހެންވެ، މިކަން ޢާންމުކޮށް އެންގުމަށްޓަކައި އިޢުލާނު ކުރީމެވެ.