ކުނި މެނޭޖްކުރާ މަރުކަޒުގެ މުވައްޒަފުންގެ ޑިއުޓީ ގަޑި ނިމޭފަހުން، ޢާއްމުންގެ ބައެއް ފަރާތްތަކުން، ޤަވާއިދާއި ޚިލާފަށް، ކުރެންދޫ ވޭސްޓް މެނޭޖްމެންޓް ސެންޓަރަށް ކުނި ގެންދާކަން މިއިދާރާއަށް ވަނީ ފާހަގަކުރެވިފައެވެ. މިގޮތުން ގެންދާ ކުނީގެ ތެރޭގައި ތަފާތު ބާވަތްތަކުގެ ކުނި އެއްކޮށްފައި ހުންނަ ކަންވެސް މިއިދާރާއިން ފާހަގަކުރަމެވެ.  ޢާއްމު ފަރާތްތަކުން ކުނި އެމަރުކަޒަށް ނުވަތަ، ކުނި މެނޭޖްކުރުމަށް މިއިދާރާއިން ކަނޑައަޅާ ސަރަހައްދަކަށް ކުނި ގެންދަންވާނީ، ކޮންމެ ދުވަހެއްގެ ހެނދުނު 8:00 އިން ފެށިގެން، 12:00އާއި ދެމެދުގައި ކަމުގައި ދެންނެވީމެވެ. ހުކުރު ދުވަހު އެމަރުކަޒަށް ކުނި ގެންދަންވާނީ، އެދުވަހުގެ ހެނދުނު 8:00 އިން ފެށިގެން 10:30އާއި ދެމެދުގައެވެ. ހުކުރު ދުވަހުގެ މެންދުރު ފަހުން ކުނި މެނޭޖްކުރާ މަރުކަޒަށް ކުނި ގެންދިއުމަކީ މަނާކަމެވެ. އެނޫން ގަޑިތަކުގައި ކުނި ގެންދަންވާނީ، މިއިދާރާއިން ހުއްދަ ލިބިގެންނެވެ.

          މިކަމަކީ މީގެ ކުރީންވެސް ޢާއްމުކޮށް އަންގާ އިޢްލާންކޮށްފައިވާ ކަމެކެވެ. ނަމަވެސް، ހަނދުމަފުޅުކޮށް އެރުވުމުގެ ގޮތުން ތަކުރާރުކޮށް މިކަން ޢާއްމުކޮށް އަންގާ އިޢްލާން ކުރީމެވެ.