(IUL)438-WMPC/438/2025/3:ނަމްބަރު

މޯލްޑިވްސް ކްލީން އެންވަޔަރަންމަންޓް ޕްރޮޖެކްޓް

ވަޒީފާއަށް ޝައުގުވެރިކަން ފާޅުކުރުމުގެ ދަޢުވަތު - ޕްރޮކިޔުމަންޓް އެސިސްޓެންޓް -3 ވަނަ އިއުލާން 

ދިވެހިރާއްޖެއަށް ދިމާވެފައިވާ ކުނީގެ މައްސަލައަށް ޙައްލު ހޯދައިދިނުމަށްޓަކައި ވޯރލްޑް ބޭންކުގެ ހިލޭ އެހީގައި މި މިނިސްޓްރީއިން ހިންގާ ސާފު ރާއްޖެ – މޯލްޑިވްސް ކްލީން އެންވަޔަރަންމަންޓް ޕްރޮޖެކްޓްގެ މަސައްކަތްތައް ކުރިއަށް ގެންދިއުމަށްޓަކައި އެކުލަވާލެވިފައިވާ މަޝްރޫޢުގެ ޕްރޮޖެކްޓް މެނޭޖްމަންޓް ޔުނިޓް (ޕީ.އެމް.ޔޫ)ގެ ޕްރޮކިޔުމަންޓް އެސިސްޓެންޓް މަޤާމަށް ކޮންޓްރެކްޓް އުޞޫލުން މަސައްކަތް ކުރާނެ މުވައްޒަފެއް ހޯދުމަށް ބޭނުންވެއެވެ.

މިގޮތުން މި މަޝްރޫޢުގެ ޕްރޮކިޔުމަންޓް އެސިސްޓެންޓްގެ މަސްއޫލިއްޔަތުތަކުގެ ތެރޭގައި މޯލްޑިވްސް ކްލީން އެންވަޔަރަންމަންޓް ޕްރޮޖެކްޓްގެ ޕްރޮކިޔުމަންޓް ޕްލޭންގައިވާ ލަނޑުދަޑިތައް ހާސިލްކުރުމަށް، ޑޯނަރ އެޖެންސީގެ (ވަރލްޑް ބޭންކް) އިރުޝާދާއި ދިވެހި ދަޢުލަތުގެ މާލިއްޔަތު ޤަވައިދާއި އެއްގޮތްވާގޮތުގެމަތިން، މަޝްރޫޢުގެ ޕްރޮކިޔުމަންޓްގެ އެންމެހާ މަސައްކަތްތައް ޕްރޮކިޔުމަންޓް ސްޕެޝަލިސްޓްގެ ލަފާޔާ އެކު ރާވާ، ހިންގާ އަދި މަސައްކަތްތައް މޮނިޓަރ ކުރުމާއި ކަނޑައެޅިފައިވާ ތާވަލާއި އެއްގޮތަށް  މަސައްކަތް ކުރިއަށް ގެންދިޔުން ހިމެނެއެވެ.

ޕްރޮކިޔުމަންޓް އެސިސްޓެންޓް މަޤާމަށް ކުރިމަތިލާ ފަރާތުގެ ކިބައިގައި ހުންނަންވާ ޝަރުތުތަކުގެ ތެރޭގައި:

1) ޕްރޮކިޔުމަންޓް، ބިޒްނަސް މެނޭޖްމެނެޓް، ޕްރޮޖެކްޓް މެނޭޖްމަންޓް، އެކައުންޓިން އެންޓް ފައިނޭންސް ނުވަތަ މަސައްކަތާއި ގުޅޭދާއިރާއަކުން ބެޗްލާރސް ޑިގްރީ އެއް ހާޞިލްކޮށްފައިވުން

2) ޕްރޮކިޔުމަންޓް، އެޑްމިނިސްޓްރޭޝަން، އޮޕަރޭޝަންސް، ފައިނޭންސް އަދި ޕްރޮޖެކްޓް މެނޭޖްމެންޓް ނުވަތަ ކޯޑިނޭޝަން ދާއިރާއިން 3 އަހަރު ދުވަހު އަމަލީ ތަޖުރިބާ ލިބިފައިވުން. 

މީގެ އިތުރުން ތިރީގައިވާ ޝަރުތުތައް ފުރިހަމަވާ ފަރާތްތަކަށް އިސްކަން ދެވޭނެއެވެ.

• ޕްރޮކިއުމަންޓްގެ ދާއިރާއިން ދާއިރާއިން މަދުވެގެން 1 އަހަރު ދުވަހުގެ ތަޖުރިބާ ލިބިފައިވާ ފަރާތްތަކަށް އިސްކަންދެވޭނެއެވެ. (މީގެ ތެރޭގައި ތަކެތި ގަތުމާއި، ކޮންސްޓްރަކްޝަން މަސައްކްތް އަދި ކޮންސަލްޓެންސީ ކޮންޓްރެކްޓް ހެދުމުގެ އިތުރުން މެނޭޖް ކުރުމާއި، ބިޑިންގ މަރުހަލާއާއި، އިންޓަރނޭޝަނަލް ކޮންޓްރެކްޓް ހެދުމާއި، ދިވެހި ދައުލަތުގެ މާލިއްޔަތުގެ ޤަވައިދަށް އަޙުލުވެރިވެފައި ވުމުގެ އިތުރުން، މަސައްކަތުގައި ދިމާވާ ގޮންޖެހުންތައް ހައްލު ކުރުމުގެ ޤާބިލުކަން ލިބިފައިވާ ފަރާތަކަށްވުން)
• ޕްރޮކިޔުމަންޓާއި ގުޅޭ ދާއިރާތަކުގެ ޙާއްސަ ޓްރެއިނިންގ / ވޯކްޝޮޕް ތަކުގައި ބައިވެރިވެ، މި ދާއިރާގެ (ޕްރޮކިޔުމަންޓް ޕްރޮސެސްގައި ހިމެނޭ މަސައްކްތަތްތައް) މަޢުލޫމާތު ލިބިފައިވާ ފަރާތްތަކަށް އިސްކަން ދެވޭނެއެވެ. މިގޮތުން ޕްރޮކިޔުމަންޓާއި ގުޅޭ ދެ ދާއިރާއަކުން މައުލޫމާތު ލިބިފައިވުން.

ވީމާ މި މަޤާމަށް ޝަޢުޤުވެރިވާ ފަރާތްތައް "އެކްސްޕްރެޝަން އޮފް އިންޓްރެސްޓް" ހުށަހެޅުމުގެ ދަޢުވަތު މިނިސްޓްރީ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ އިން އަލުން ހުޅުވައިލަމެވެ. މިގޮތުން މިކަމަށް ޝަޢުޤުވެރިވެލައްވާ ފަރާތްތުކުން ތިރީގައިވާ މަޢުލޫމާތު ހުށަހެޅުއްމަށް އެދި ދަންނަވަމެވެ.

ވަޒީފާއަށް އެދި ހުށަހަޅުއްވާއިރު ހުށަހަޅަން ޖެހޭ ލިއެކިއުންތައް:

• ވަޒީފާއަށް އެދި ހުށަހަޅާ ސިޓީ (އެކްސްޕްރެޝަން އޮފް އިންޓަރެސްޓް)
• ވަޒީފާއަށް އެދި ހުށަހަޅާ ފަރާތުގެ ވަނަވަރު، ވަނަވަރުގައި ކުރީގެ ތަޖްރިބާ ރަނގަޅަށް އެނގޭނެހެން ތަފްޞީލްކޮށް ލިޔެފައި ހުންނަންވާނެއެވެ.
• ކުރީގައި ވަޒީފާ އަދާކޮށްފައިވާ ގޮތާއިބެހޭގޮތުން ވަޒީފާ އަދާކޮށްފައިވާ ތަންތަނުން ދީފައިވާ ލިއުންތައް
• ވަޒީފާއަށް އެދި ހުށަހަޅާފަރާތުގެ ދިވެހި ރައްޔިތެއްކަން އަންގައިދޭ ކާޑުގެ ކޮޕީ
• ލިބިފައިވާ ތަޢުލީމީ އަދި ޕްރޮފެޝަނަލް ސެޓްފިކެޓްތަކުގެ ކޮޕީ އެޓެސްޓްކޮށްފައި. ތަޢުލީމީ ސެޓްފިކެޓްގެ ކޮޕީ އެޓެސްޓް ކޮށްފައި ހުންނަންޖެހޭނީ ސެޓްފިކެޓްގެ އެކްރެޑިޓް ކޮށްފައިވާ އަސްލުގެ ކޮޕީ އެއްގައެވެ. 

ވަޒީފާއަށް އެދި ހުށަހަޅާ ފަރާތަކީ ސިވިލް ސަރވިސްގައި މަސައްކަތް ކުރަމުންދާ ފަރާތެއްނަމަ، އަދާކުރަމުންދާ ވަޒީފާއިން ވީއްލުމާއިމެދު އެ އިދާރާއަކުން އިޢުތިރާޒު ނުކުރާކަމުގެ ލިޔުން އެޕްލިކޭޝަން އާއި އެކު ހުށަހަޅަންވާނެއެވެ.

އަމިއްލައަށް އިސްނަގައިގެން މަސައްކަތް ކުރުމުގެ ޤާބިލްކަން ލިބިފައިވުމާއިއެކު ދިމާވާ މައްސަލަތައް ޙައްލުކުރުމަށް މުޢާމަލާތްކުރުމުގެ ހުނަރުލިބިފައިވުމާއި، މައްސަލަތައް ޙައްލުކުރުމުގެ ޤާބިލްކަން ލިބިފައިވުން އަދި ތަފާތު ހުނަރުތައް އެކުލެވޭ ޓީމެއްގައި މަސައްކަތް ކުރުމުގެ ޤާބިލްކަން ލިބިފައިވުން

ދަޢުލަތުގެ މާލިއްޔަތު ގަވައިދުގެ ދަށުން އެކުލަވާލެވިފައިވާ ޕްރޮކިޔުމަންޓް ޕްރޮސީޖަރތަކަށް އަހުލުވެރިވެފައިވާ ފަރާތަކަށްވުން.

ގިނަވަގުތު މަސައްކަތުގައި އުޅެވޭނެ ހީވާގި މީހަކަށް ވުމާއި އެކު ޕްރޮޖެކްޓްގެ ބޭނުމަށް ރަށްރަށަށް ދަތުރުކުރެވޭނެ މީހަކަށް ވުން.

ވަޒީފާއަށް އެދި ހުށަހަޅާފަރާތްތަކުގެ ތެރެއިން އިންޓަރވިއުއަށް ކިއުމަށް ހަމަޖެހިފައިވަނީ ހަމައެކަނި ޝޯޓްލިސްޓް ކުރެވޭ ފަރާތްތަކަށެވެ.

ވަޒީފާއަށް ހޮވޭފަރާތްތަކުން މަސައްކަތްކުރަންޖެހޭނީ މަތީގައި ދަންނަވާފައިވާ މަޝްރޫޢުގެ ޕްރޮޖެކްޓް މެނޭޖްމަންޓް ޔުނިޓްގައެވެ.

މިމަޤާމުގެ ޓާރމްސް އޮފް ރެފަރެންސް (ޓީ.އޯ.އާރ) މި އިޢުލާނާއި އެކު ގެޒެޓުގައި ޝާއިޢު ކޮށްފައިވާނެއެވެ.  

މި މަޤާމަށް ކަނޑައަޅާފައިވާ އުޖޫރަ

ތިރީގައިވާ ތާވަލުގައި އެވަނީ މިމަޤާމަށް ކަނޑައެޅިފައިވާ މަހު މުސާރައެވެ. މިމުސާރައިގެ އިތުރުން، ވަކި ޤާނޫނަކުން ލާޒިމުކުރާ ޢިނާޔަތެއްފިޔަވާ އިތުރު އެހެން އެއްވެސް ޢިނާޔަތެއް ދިނުމަށް ހަމަޖެހިފައެއް ނުވެއެވެ.

ސުންގަޑި

މި މަޤާމަށް ޝައުޤުވެރިވާ ފަރާތްތަކުން 2025 ޖަނަވަރީ 15 ވަނަ ދުވަހުގެ 13:00 ގެ ކުރިން، "އެކްސްޕްރެޝަން އޮފް އިންޓްރެސްޓް" ތިރީގައިވާ އީމެއިލް އެޑްރެހަށް [email protected] ފޮނުއްވުން އެދެމެވެ. އީމެއިލް ގެ ސަބްޖެކްޓްގެ ގޮތުގައި : “Job Application- Procurement Assistant- MCEP” ލިޔެވިފައި ފޮނުއްވުން އެދެމެވެ.

އެޑްރެސް:

މޯލްޑިވްސް ކްލީން އެންވަޔަރަންމަންޓް ޕްރޮޖެކްޓް

މިނިސްޓްރީ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ،

އީމެއިލް އެޑްރެސް: [email protected]

ފޯނު ނަންބަރު: 3018300  ، 3018451

7 ޖަނަވަރީ 2025