ގދ. މަޑަވެލި މަސްޖިދުލްބަރަކާތު އަދި މަސްޖިދުއްތަޤްވާ ގައި ކުރަންހުރި، ތިރީގައިވާ މަރާމާތުތައް އަމިއްލަ ތަކެތީގައި ކޮށްދޭނެ ފަރާތެއް ހޯދަން ބޭނުންވެއްޖެއެވެ.

1- މަސްޖިދުލް ބަރަކާތު މިސްކިތުގައި ކުރަންހުރި މަރާމާތުގެ މަސައްކަތްތައް :

1)     އެލްމިނިއަމް ދޮރުތަކުގެ ޕެކިން ހަލާކުވެފައިވާތީ ޕެކިން އަދި ތަންޑު ބަދަލުކުރުން :

• މަޑަވެލި މަސްޖިދުލް ބަރަކާތު މިސްކިތުގެ ވަށައިގެންވާ 54 ކުޑަދޮރު (ދިގު: "49، ފުޅާ: "2/14.1) ގެ ޕެކިނާއި، ހުޅު (ދޮރަކަށް 2 ހުޅު) އަދި ތަންޑު (ކޮންމެ ދޮރަކަށް 1 ތަންޑު) ބަދަލުކުރުން.
• މަޑަވެލި މަސްޖިދުލް ބަރަކާތު މިސްކިތުގައި 2 ބަޔަށް ހުޅުވޭ ގޮތަށްހުރި 6 ކުޑަދޮރު (ޖުމްލަ 12 ބޮޑުދޮރުގެ) (ދިގު: "49، ފުޅާ: "24) ގެ ޕެކިނާއި، ހުޅު (ދޮރަކަށް 2 ހުޅު) އަދި ތަންޑު (ކޮންމެ ދޮރަކަށް 1 ތަންޑު) ބަދަލުކުރުން.
• މަޑަވެލި މަސްޖިދުލް ބަރަކާތު މިސްކިތުގައިވާ 3 ބޮޑުދޮރު (2 ފަޅިއަށްހުރި) (ޖުމްލަ 6 ބޮޑުދޮރުގެ) 3 ބޮޑުދޮރު (ދިގު: "78، ފުޅާ: "30) ގެ ޕެކިނާއި، ހުޅު (ދޮރަކަށް 2 ހުޅު) ބަދަލުކުރުން.

2)     އިސްކުރުބަރީގެ ފާރާއި ކާނުގަނޑުގެ މުށިބަދަލުކުރުން :

• މަޑަވެލި މަސްޖިދުލް ބަރަކާތު މިސްކިތުގެ އިސްކުރުބަރީގެ ފާރާއި ކާނުގަނޑުގެ (ގާތްގަޑަކަށް 154 އަކަފޫޓު) މުށި، ހުދުކުލައިގެ މުށްޓަށް ބަދަލުކުރުން.

3)     ދޮރާށިތަކުގެ ފާރުގައި ޖަހާފައިވާ، ލައިޓްތަކާއި ކޭބަލް ބަދަލުކުރުން :

• މަޑަވެލި މަސްޖިދުލް ބަރަކާތު މިސްކިތުގެ 2 ބޮޑު ދޮރާށީގައި ހަރުކޮށްފައިވާ ވޯޓަރޕްރޫފް 4 ލައިޓް ހޯލްޑަރާއިއެކު، ބަދަލުކޮށްދިނުން.

2- މަސްޖިދުއްތަގުވާ މިސްކިތުގައި ކުރަންހުރި މަރާމާތުގެ މަސައްކަތްތައް :

1)     މިސްކިތުގެ އެތެރޭގެ ފާރުން ކުލަފައިބާތީ ފާރުގައި ވޯލް ޕެނަލް ޖެހުން :

• މިހާރު މުށި ޖަހާފައިވާ ހިސާބު ނުހިމެނޭހެން، މިސްކިތުގެ އެތެރޭގެ ހުރިހާ ފާރެއްގައި، ގާތްގަޑަކަށް 1100 އަކަފޫޓުގައި ވޯލް ޕެނަލް އަމިއްލަ ތަކެތީގައި ގަނެ ހަރުކުރުން.

2)     އިސްކުރުބަރީގެ މުށި ބަދަލުކުރުން :

• މިސްކިތުގެ އިސްކުރުބަރީގެ ހުރިހާ މުށިތައް ނައްޓައި، އެތަނުގައި، ގާތަގަޑަކަށް 100 އަކަފޫޓުގެމުށި، ހުދުކުލައިގެ މުށްޓަށް ބަދަލުކުރުން.

3)     ތަގުވާ މިސްކިތުގެ ވަށައިފާރު ވެއްޓިފައިވާތީ އަލުން ފާރު ރޭނުން :

• މަޑަވެލި މަސްޖިދުއް ތަގްވާ މިސްކިތް ހުންނަ ބިމުގެ ވަށައިފާރު، ފައުންޑޭޝަން 12 އެމްއެމްގެ 4 ދަގަނޑު ލައްވައި، 6 އެމްއެމްގެ ރިންގު ދަގަނޑުން "6×"6 ން ރިންގުކޮށް، ކޮންމެ ފަރާތެއްގެ ފުޅާމިނުގައި "10×"10 ން މުޅި ފާރުގެ ދިގުމިނުގައި ފައުންޑޭޝަން އަޅައި، 15 ފޫޓް 15 ފޫޓުން ކޮންމެ ފަރާތެއްގެ ފުޅާމިނުގައި "9×"9  ން ތަނބު ޖަހައި،  "5 ގެ ފުލް ބޮލޮކް އެޅިގަލުން، ހަމަބިމުން ފެށިގެން މައްޗަށް 4 ފޫޓުގެ އުސްމިނަށް ރާނައި، މަތީގައި ބެރިއެއް، 12 އެމްއެމްގެ 4 ދަގަނޑު ލައްވައި، 6 އެމްއެމްގެ ރިންގު ދަގަނޑުން "6×"6 ން ރިންގުކޮށް، ކޮންމެ ފަރާތެއްގެ ފުޅާމިނުގައި "10×"10 ން މުޅި ފާރުގެ ދިގުމިނުގައި (ދޮރާށި ހުންނަ ހިސާބު ފިޔަވައި) އަޅައި، ފާރުގެ ދެފަރާތުގައި، ސިމެންތިޖަހައި، ވޯލް ސީލަރ ލައި އައުޓް ޑޯ މޮޅު ކުލަ ލައިދިނުން.

4)     ދިޔަދޮވި ހަލާކުވެފައިވާތީ ދިޔަދޮވި ބަދަލުކުރުން :

• މަޑަވެލި މަސްޖިދުއް ތަގްވާ މިސްކިތުގެ ދިޔަދޮވި ދުވަސްވުމުގެ ސަބަބުން ހަލާކުވެފައިވާތީ، ތަގްވާ މިސްކިތުގެ ހުރިހާ ދިޔަދޮވި ނަގައި އަލުން (120 ފޫޓް) ލައިސާރޓް ދިޔަދޮވި ލައިދިނުން.

ވީމާ، މިމަސައްކަތް ކޮށްދިނުމަށް ޝައުގުވެރިވާ ފަރާތްތަކުން، 19 ޖަނަވަރީ 2025 ވަނަ ދުވަހުގެ މެންދުރުފަހު، 13:30 އާއި ހަމައަށް، މިއިދާރާގެ އީމެއިލް:  [email protected] އަށް ބީލަން ހުށަހެޅުއްވުން އެދެމެވެ. ބީލަން ހުށަހަޅަންވާނީ، މިއިޢުލާނާއިއެކު އެއްކަރުދާސް ކުރެވިފައިވާ، 'އަގުހުށަހަޅާ ފޯމު' ންނެވެ. އަގުހުށަހަޅާ ފޯމާއިއެކު، ވިޔަފާރި ރަޖިސްޓްރީގެ ކޮޕީ، ޖިއެސްޓީ ދައްކާ ފަރާތެއްނަމަ، ޖީއެސްޓީ ރަޖިސްޓްރީގެ ކޮޕީ ހުށަހަޅަންވާނެއެވެ. މިއިދާރާގެ 'އަގުހުށަހަޅާ ފޯމު' ން ނުހިމަނައި ހުށަހަޅާ އަންދާސީ ހިސާބާއި، ގަޑި ޖެހުމަށްފަހު ހުށަހެޅޭ އަންދާސީ ހިސާބުތަކާއި އަދި ވިޔަފާރި ރަޖިސްޓްރީ ކޮށްފައިނުވާ ފަރާތްތަކުގެ އަންދާސީ ހިސާބުތައް ބިޑްތައް އިވެލުޢޭޓް ކުރުމުގެ ތެރެއިން ބާޠިލް ކުރެވޭނެ ވާހަކަ ދެންނެވީމެވެ.        

މިހެންވެ، މިކަން ޢާންމުކޮށް އެންގުމަށްޓަކައި އިޢުލާންކުރީމެވެ.