ދިވެހިރާއްޖެ
"ސިވިލް ސަރވިސްގެ މަޤާމުތަކުގެ ތަޢުލީމީ ރޮނގު އަދި މަސައްކަތުގެ ދާއިރާ ކަނޑައަޅާނެ ގޮތުގެ އުޞޫލު (ފުރަތަމަ އިޞްލާޙު)" އަށް ބައެއް އިޞްލާޙު ގެނެސް " ސިވިލް ސަރވިސްގެ މަޤާމުތަކުގެ ތަޢުލީމީ ރޮނގު އަދި މަސައްކަތުގެ ދާއިރާ ކަނޑައަޅާނެ ގޮތުގެ އުޞޫލު (ދެވަނަ އިޞްލާޙު)" މި ސަރކިއުލަރއާއެކު އާންމުކުރަމެވެ. މި އުޞޫލަށް ޢަމަލުކުރަންފަށާނީ، 2026 ޑިސެންބަރު 29 ވަނަ ދުވަހުން ފެށިގެންނެވެ.
ސިވިލް ސަރވިސްގެ މަޤާމުތަކުގެ ތަޢުލީމީ ރޮނގު އަދި މަސައްކަތުގެ ދާއިރާ ކަނޑައަޅާނެ ގޮތުގެ އުޞޫލު (ފުރަތަމަ އިޞްލާޙު) އަށް ގެނެސްފައިވާ ބަދަލު:
|
10.4 |
މި އުޞޫލުގެ 10.3 ގައި މިގޮތަށް ބަޔާންކޮށްފައިވީ ނަމަވެސް މަޤާމަށް ކަނޑައަޅާފައިވާ ތަޢުލީމީ ރޮނގާ ހުށަހަޅާފައިވާ ސެޓްފިކެޓްގެ ނަމުން ގުޅުވުމުގައި މަޤާމަށް ކަނޑައަޅާފައިވާ ތަޢުލީމީ ރޮނގާ ގުޅޭގޮތުން ތަފާތު ނަންނަމުގައި އެކި ޔުނިވަރސިޓީތަކުން ދޫކުރާ ސެޓްފިކެޓްތައް ސެޓްފިކެޓްގެ ނަމުން ގުޅުވުމުގައި އެއް ސްޕެޝަލައިޒޭޝަނަށް ވުރެ ގިނަ ސްޕެޝަލައިޒޭޝަންތައް ސެޓެފިކެޓުގައި ބަޔާންކޮށްފައިވާ ޙާލަތުގައި މަޤާމަށް ކަނޑައަޅާފައިވާ ތަޢުލީމީ ރޮނގާ އެ ސެޓްފިކެޓް ގުޅުވާނީ ސެޓްފިކެޓާއެކު ދޫކޮށްފައިވާ ޓްރާންސްކްރިޕްޓުގައި ބަޔާންކޮށްފައިވާ މެޖަރ ވެފައިވާ ރޮނގުތަކުންނެވެ. މިސާލު: ބެޗެލަރ އޮފް ޓީޗިންގ ޕްރައިމަރީ (އިސްލާމް/ޤުރްއާން/ދިވެހި) ސަނަދެއްގެ ޓްރާންސްކްރިޕްޓަށް ބަލާއިރު މެޖަރ ވެފައިވަނީ (އިސްލާމް/ޤުރްޢާން) ނަމަ ގުޅުވަންވަނީ އިސްލާމް/ޤުރްއާން ސްޕެޝަލައިޒޭޝަނާއެވެ.
|
މި އުޞޫލާ ގުޅޭ އެންމެހައި ލިޔެކިޔުންތައް މި ކޮމިޝަނުގެ ވެބްސައިޓުގެ https://www.csc.gov.mv/Policy/Index/54 ލިންކުން ލިބިވަޑައިގަންނަވާނެކަމުގައި ވެސް ދެންނެވީމެވެ.
