ވަޒީފާގެ ފުރުޞަތު

ނަންބަރު:

SWIM/2024/IUL/01

ތާރީޚް

22  ޑިސެންބަރު 2024

މަޤާމު:

ނެޝަނަލް ކޯޗް

ބޭނުންވާ އަދަދު:

01

މަޤާމުގެ ގިންތި:

ދާޢިމީ

ވަޒީފާ އަދާކުރަން ޖެހޭ ތަން:

މާލެ

މަސައްކަތް ކުރަންޖެހޭ ގަޑީގެ ޢަދަދު:

ހަފުތާ އަކު 6 ދުވަހު، ދުވާލަކު 6 ގަޑިއިރު.

މުސާރަ:

12,000.00ރ. (ބާރަހާސް) ރުފިޔާ

ސަރވިސް އެލަވަންސް:

6،000.00ރ. (ހަހާސް) ރުފިޔާ. މިފައިސާދޭނީ ހާޒިރުވާ ކޮންމެ ދުވަހަށް 200.00 (ދުއިސައްތަ) ރުފިޔާގެ އުޞޫލުންނެވެ.

އެހެނިހެން އެލަވަންސްތައް

1. ދިވެހިރާއްޖޭގެ ޕެންޝަނާއި ބެހޭ ޤާނޫނުގެ ދަށުން ލިބިދެވޭ ޕެންޝަން ކޮންޓްރިބިއުޝަން.
2. އިތުރު ކުލާސް ނަގާނަމަ ހަމަޖެހިފައިވާ އުޞޫލުން އެލަވަންސް.
3. ފޯނު އެލަވަންސް 200.00 (ދުއިސައްތަ) ރުފިޔާ.

މަޤާމުގެ ޝަރުޠުތައް:

1. މަޤާމުގެ މަސައްކަތާ ގުޅޭ ތަމުރީނުތައް ފުރިހަމަކޮށްފައިވުމާއެކު ޤައުމީ ލެވެލްގެ ފެތުންތެރިން ތަމުރީނުކުރުމުގެ މަސައްކަތުގައި މަދުގެން 5 އަހަރު ދުވަހުގެ ތަޖުރިބާ ލިބިފައިވުން. ނުވަތަ
2. ޤައުމީ ލެވެލްގެ ފެތުންތެރިން ތަމުރީނު ކުރުމުގެ މަސައްކަތުގައި މަދުވެގެން 3 އަހަރުދުވަހު ދެމިހުރުމާއެކު ރާއްޖެ ތަމުސީލުކުރާ މުބާރާތްތަކުގައި ފެތުންތެރިންގެ ކޯޗެއްގެ ގޮތުގައި މަސައްކަތްކޮށްފައިވުން.
3. ޓޮޕް އެތުލީޓުންނަށް ބޭނުންވާ ތަމުރީނު ޕްރޮގްރާމުތަކާ ޑިވެލޮޕްމެންޓް ޕްރޮގްރާމުތައް ރާވައި އެކަމަށް ބޭނުންވާ ޝެޑިއުލްތައް އަމިއްލައަށް ހަދައިގެން ޓްރެއިނިންގ ހިންގޭނެފަދަ މީހަކަށްވުން.
4. ޖިނާޢީ އެއްވެސް ތުހުމަތެއް އޮތް އަދި ހުކުމެއް އޮތް މީހެއްކަމުގައި ނުވުން.
5. ކޯޗެއްގެ ގޮތުގައި މަސައްކަތްކޮށްފައިވާ މުއްދަތުގައި އެއްވެސްފަރާތަކުން އަޚްލާޤީ މައްސަލައެއްގައި ފިޔަވަޅެއް އަޅާފައިވާ މީހަކުކަމުގައި ނުވުން.
6. މުޅި ފެތުމުގެ ޢާއިލާގެ ތެރޭގައި، ޓީމް ވޯކް ޤާއިމްކޮށް، ރިވެތި އަޚުލާގުގެ މަތީ ދެމިހުރެ، ކުޅިވަރުގެ އަގުތައް ދަމަހައްޓަން މަސައްކަތްކުރެވޭނެފަދަ ޤާބިލްކަން ހުރި މީހެއްކަމުގައިވުން.
7. މަޤާމުގެ މަސްއޫލިއްޔަތުތަކާ ވާޖިބުތަކުގެ ގޮތުގައި ކަނޑައަޅާފައިވާ ކަންކަން ކުރެވޭނެފަދަ ޢިލްމީ ޤާބިލްކަމާ ތަޖުރިބާ އާއި ތަމުރީނު ފުރިހަމަކޮށްފައިވާ މީހެއްކަން އިންޓަވިއު ޕެނަލަށް ސާބިތުކޮށްދިނުން.

މަޤާމުގެ ތަޢާރަފު:

ނެޝަނަލް ސްވިމިންގ ކޯޗަކީ ގައުމީ އަދި ބައިނަލްއަގްވާމީ ފެންވަރުގައި ރާއްޖެ ތަމުސީލުކުރާނެ ވާދަވެރި ހުނަރުވެރި ފެތުންތެރިން ރާއްޖޭގައި އުފައްދަން ހިންގާނެ ޕްރޮގްރާމުތައް ރާވައި، ޕްރޮގްރާމްތައް ތަރައްގީކޮށް، ފަރިތަކުރުންތައް ކުރިޔަށް ގެންދިއުމުގެ ޒިންމާ އަދާކުރާނެ އެކެކެވެ. ހަމައެއާއެކު ނެޝަނަލް ސްވިމިންގ ކޯޗަކީ، ފެތުމުގެ ޤައުމީ ޓީމާ، ފެތުމުގެ ޤައުމީ ޕޫލުތަކުގެ ފެތުންތެރިންނަށް ތަމުރީނުދީ، ސްވިމިންގ އެސޯސިއޭޝަނުން ކުރިޔަށްގެންދާ ސްވިމާސް ޑިވެލޮޕްމެންޓް ޕްރޮގްރާމު ރާވައި ހިންގުމުގެ އިތުރުން، އެކުގައި މަސައްކަތްކުރާ ކޯޗުންނާ ބޭނުންވާ ފަންނީ އެހީތެރިކަން ފޯރުކޮށްދީ، ފެތުމުގެ ކުޅިވަރުގައި ހަރަކާތްތެރިވާ އެންމެހައި ފަރާތްތަކަށް އެންމެ ފުރިހަމަ އެއްބާރުލުންދީގެން ޤައުމީ ލެވެލްގައި މުޅިފެތުމުގެ ކުޅިވަރު ކުރިއަރުވައި ދެމެހެއްޓުމުގެ ޒިންމާ އަދާކުރާނެ މީހަކަށް ވާންވާނެއެވެ.

މަޤާމުގެ މައިގަނޑު މަސްއޫލިއްޔަތުތަކާއި ވާޖިބުތައް:

1-        ކޯޗިންނާއި، ޓޮޕް އެތުލީޓުންގެ ތަމުރީނުތަކާ ޕާފޯމަންސްފަދަ ގުޅުންހުރި ކަންކަމުގައި އެސޯސިއޭޝަންގެ މެނޭޖްމަންޓަށާ ހިންގާ ކޮމިޓީއަށް ލަފާދިނުން.

2-        ވަކިވަކި ފެތުންތެރިން ނުވަތަ އެތުލީޓުންނާ، މުޅި ފެތުމުގެ ޓީމު އަދި ފެތުމުގެ ޕޫލުގެ ލަނޑުދަނޑިތައް ޙާޞިލްވާނެގޮތަށް ޚާއްޞަކޮށްގެން ތަމްރީނު ޕްރޮގްރާމްތައް އެކުލަވާލައި، ހިންގުމާއެކު، ޑިވެލޮޕްމެންޓް ކޯޗުންގެ މަސައްކަތް މޮނިޓަރކޮށް ބަލަހައްޓައި ކޯޗުންނާ އެސޯސިއޭޝަނަށް ލަފާދިނުން.

3-        ފެތުމުގެ ގައުމީ ޓީމަށާއި ޤައުމީ ޕޫލުގެ ކޯޗިންގެ ހުރިހާ ކަމެއް ލީޑްކޮށް މެނޭޖްކުރުން. (އޭގެ ތެރޭގައި ޓެކްނިކްސް ރަނގަޅު ކުރުމާ، ޓްރެއިނިންގ ސްޓްރެޓެޖީ އާއި ޓްރެއިނިން ޝެޑިއުލް އެކުލަވާލައި ތަންފީޒް ކުރޭތޯބެލުމާ ކޮންޑިޝަނިން ބެލުން ހިމެނޭނެއެވެ.)

4-        ފެތުމުގެ ދާއިރާގައި ހަރަކާތްތެރިވާ ކޯޗުންނާ ފަންނީ މީހުންގެ އެހީތެރިކަން ހޯދައިގެން، ރާއްޖޭގެ ފެތުމުގެ މުޅި ކުޅިވަރު ތަރައްޤީވެގެންދާނެގޮތަށް ހިންގާނެ ޕްރޮގްރާމެއް ޑިވެލޮޕްކޮށް، އެފަދަ ޕްރޮގްރާމަކަށް ބޭނުންވާ ސްޓްރަކްޗާއެއް އެކުލަވާލުމާއެކު، އުފެދިގެން އަންނަ ހުނަރުވެރިފެތުންތެރިން ދެނެގަނެ، އެފެތުންތެރިންނަށް ބޭނުންވާނެ ގޮތަށް ލޯންގްޓާމު އެތުލީޓް ޑިވެލޮޕްމެންޓް ޕްރޮގްރާމެއްގެ ގޮތުގައި މުޅި ޕްރޮގްރާމު އެކުލަވާލައި ތަމްރީނު ޕްރޮގްރާމުތައް ހިންގުން.

5-        ފެތުމުގެ ކުޅިވަރުން ދިވެހިރާއްޖެ ތަމްސީލުކުރާ އެންމެހައި މުބާރާތްތަކަށް ފެތުންތެރިން ތަމުރީނުކޮށް ތައްޔާރުކުރުން.

6-        ފެތުންތެރިންގެ ޕާފޯމަންސް އަދި ކުރިއެރުން ގަވައިދުން ބަލަހައްޓައި ހަރުދަނާ އެސެސްކުރުމުގެ ނިޒާމެއް ޤާއިމްކޮށް ދެމެހެއްޓުމާއެކު ފެތުންތެރިންގެ ރިޕޯޓުތައް އެސޯސިއޭޝަނަށް މަހުން މަހަށް ހުށަހެޅުން.

7-        ފެތުންތެރިންގެ ދުޅަހެޔޮކަން ކަށަވަރުކުރުމަށްޓަކައި ކުޅިވަރުގެ ސައިންސާ ޢިލްމު ލިބިގެންތިބި މީހުންނާ، ފިޒިއޮތެރަޕިސްޓުންގެ އިތުރުން، ފެތުމުގެ ކުޅިވަރު ތަރައްޤީކޮށް ކުރިއަރުވަން އެހީތެރިކަން ބޭނުންވާނެ ފަންނީ އެންމެހާ ފަރާތްތަކާއެކު ގުޅިގެން މަސައްކަތްކުރުން.

8-        ސްވިމިންގ އެސޯސިއޭޝަންގެ ބެލުމުގެދަށުގައި މަސައްކަތްކުރާ ކޯޗުންގެ އިތުރުން، މުޅި ފެތުމުގެ ކުޅިވަރުގައި ހަރަކާތްތެރިވާ ކޯޗުންނާ، ފެތުންތެރިންނާ އެހެނިހެންވެސް މިދާއިރާއަށް ނިސްބަތްވާ މީހުންނަށް މެންޓަރެއްގެ ގޮތުގައި ނުވަތަ ނަމޫނާ ކޯޗެއްގެ ގޮތުގައި މަސައްކަތްކޮށް، ކޯޗުންގެ ރީތި ސަގާފަތެއް ދެމިގެންދާނެ ގޮތަކަށް މަސައްކަތްކުރުން.

9-        ބައިނަލްއަޤްވާމީ ކޯޗިން ފޯރަމްތަކާއި އިވެންޓްތަކުގައި އަދި އެނޫންވެސް ފެތުމުގެ ކުޅިވަރުގެ ދާއިރާއިން ލިބޭ ފުރުޞަތުތަކުގައި ފެތުމުގެ ކުޅިވަރުން ރާއްޖެ ތަމްސީލުކުރުން.

10-    ސްވިމިންގ އެސޯސިއޭޝަނާ، ސްވިމިންގ އެސޯސިއޭޝަނުން އެފިލިއޭޓް ވެފައިވާ ބައިނަލްއަޤްވާމީ ފެތުމުގެ އިދާރާތަކާ، ކުޅިވަރުގެ ވުޒާރާއާއި، މޯލްޑިވްސް އޮލިމްޕިކް ކޮމިޓީން ކަނޑައަޅާފައިވާ ގަވައިދުތަކާ އުޞޫލުތަކަށް ތަބާވެ ޢަމަލުކުރުން.

11-    މުޅި ފެތުމުގެ ޢާއިލާގެ ތެރޭގައި، ޓީމް ވޯކް ޤާއިމްކޮށް، ރިވެތި އަޚުލާގުގެ މަތީ ދެމިހުރެ، ކުޅިވަރުގެ އަގުތައް ދަމަހައްޓަން މަސައްކަތްކުރުން.

ހުށަހަޅަންޖެހޭ ލިޔުންތައް:

1. ވަޒީފާއަށްއެދި ހުށަހަޅާ ސިޓީ.
2. ވަޒީފާއަށް އެދޭ ފަރާތުގެ ވަނަވަރު.
3. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ ކޮޕީއެއް.
4. ލިބިފައިވާ ތަޢުލީމީ ސެޓުފިކެޓުތަކުގެ ކޮޕީ؛

(ހ) މޯލްޑިވްސް ކޮލިފިކޭޝަން އޮތޯރިޓީން ފެންވަރު/ލެވަލް ކަނޑައަޅައި ތައްގަނޑު ޖަހާފައިވާ، ރާއްޖެއިން ބޭރުގެ މަތީ ތަޢުލީމުދޭ މަރުކަޒަކުން ދޫކޮށްފައިވާ ތަޢުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓުގެ ކޮޕީ؛ ނުވަތަ: ސެޓްފިކެޓު ނެތް ހާލަތްތަކުގައި، ކޯސް ފުރިހަމަކުރިކަމުގެ ލިޔުމުގެ ކޮޕީ.

(ށ) މަތީ ތައުލީމުދޭ ރާއްޖޭގެ މަރުކަޒަކުން ދޫކޮށްފައިވާ ތައުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓްގެ ކޮޕީ؛ ނުވަތަ ކޯސް ފުރިހަމަކުރިކަމުގެ ލިޔުމުގެ ކޮޕީއާއި ޓްރާންސްކްރިޕްޓްގެ ކޮޕީ.

(ނ) ކުޅިވަރުގެ ދާއިރާއިން ހޯދާފައިވާ ތަމުރީނުތަކާ ފުރިހަމަކޮށްފައިވާ ކޯސްތަކާ ލިބިފައިވާ އަގުވަޒަންކުރުމުގެ ލިޔުމުގެ ކޮޕީ.

1. މަސައްކަތުގެ ތަޖުރިބާގެ ލިޔުންތަކުގެ ކޮޕީ:

(ހ) ކުރިން ވަޒީފާ އަދާކޮށްފައިވާ ނަމަ އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް:

މިމަޤާމަށް މަޤާމަށް އެންމެ ޤާބިލް މީހަކު ހޮވާނީ ލިބިފައިވާ ތަޢުލީމާއި، ތަޖުރިބާއާއި، މަސައްކަތަށް ބޭނުންވާ ހުނަރާއި، މަސައްކަތުގެ ދާއިރާއިން ލިބިފައިވާ ތަޖުރިބާއަށާއި ޤާބިލްކަން ކަށަވަރު ކުރަން ހުށަހަޅާފައިވާ ލިޔެކިޔުންތަކަށާ ކުރެވޭ އިންޓަރވިއުއަށް ބަލާފައެވެ. މިގޮތުން މިބައިތަކަށް މާރކްސް ކަނޑައެޅިފައިވަނީ:

1. ތަޢުލީމާ ތަމްރީނު.
2. މަސައްކަތުގެ ދާއިރާއިން ލިބިފައިވާ ތަޖުރިބާ.
3. ޕްރެޒެންޓޭޝަން.
4. އިންޓަރވިއު.

މަޤާމަށް އެދެންވީ ގޮތާއި ސުންގަޑި:

މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ 2024 ޑިސެންބަރު 29 ވާ އާދީއްތަ ދުވަހުގެ 14:00 ގެ ކުރިން، ސްވިމިންގ އެސޯސިއޭޝަން އޮފް މޯލްޑިވްސް އަށެވެ. ވަޒީފާއަށް އެދޭ ފޯމާއި ލިޔުންތައް އީ-މެއިލް  [email protected] އެޑްރެސް މެދުވެރިކޮށް ވެސް   ބަލައިގަނެވޭނެއެވެ.

ނޯޓް: އީމެއިލް މެދުވެރިކޮށް ހުށަހަޅުއްވާއިރު ހުރިހާ ޑޮކިއުމަންޓެއް އެއް ފައިލްއަކަށް ޕީ.ޑީ.އެފް ކުރުމަށް ފަހު، ހުށަހެޅުއްވުމަށް ދަންނަވަމެވެ.

ޝޯޓްލިސްޓުކުރުން:

މި ވަޒީފާއަށް އެދި ހުށަހަޅާ ފަރާތްތަކުގެ ތެރެއިން ތަޢުލީމީ ފެންވަރާއި ތަޖުރިބާއަށް ބަލައި، ވަޒީފާއަށް ކުރިމަތިލާފައިވާ ފަރާތްތަކުގެ ތެރެއިން އެންމެ މަތިން ޕޮއިންޓު ލިބޭފަރާތްތައް ޝޯޓްލިސްޓުކުރެވޭނެއެވެ.

އިންޓަރވިއު  އޮންނާނެ ތަނާއި، މުއްދަތު:

މި މަޤާމަށް މީހަކު ހޮވުމަށް ބޭއްވޭ އިންޓަވިއު އަދި ޕްރެޒެންޓޭޝަން އޮންނާނީ 2024 ޑިސެންބަރު 30 ވަނަދުވަހު ސްވިމިންގ އެސޯސިއޭޝަން އޮފް މޯލްޑިވްސް ގައެވެ.

މަޢުލޫމާތު ސާފުކުރުން:

މި އިޢުލާނާ ގުޅިގެން މަޢުލޫމާތު ސާފުކުރުމަށް ގުޅާނީ 3323429 އަށެވެ. އީ-މެއިލް ކުރާނީ [email protected] އަށެވެ.