މިއިދާރާގެ ނަންބަރު:(IUL)404-ESD/404/2024/53  (23 ނޮވެމްބަރ 2023) އިޢުލާނާގުޅިގެން ގޯއްޗަށް އެދިފައިވާ ފަރާތްތަކަށް ޕޮއިންޓް ލިބިފައިވާގޮތާއި އަދި ވަގުތީ ލިސްޓަށް ހުށަހެޅިފައިވާ ޝަކުވާތަށް ބެލުމަށްފަހު، ގޯތިލިބޭ ފަރާތްތަކުގެ ދާއިމީ ލިސްޓް ފައިނަލް ކުރުމަށްޓަކައި ޤުރުއަތަށް ގޮސްފައިވާ ފަރާތްތަކުގެ މެދުގައި ޤުރުއަތުލުން 2024 ޑިސެމްބަރ 26 ވާ ބުރާސްފަތި ދުވަހުގެރޭ 20:30 ގައި މިއިދާރާގައި އޮންނާނެއެވެ. ޤުރުއަތު ނަގަންޖެހޭ ފަރާތްތަކުގެ ލިސްޓް މިއިޢުލާނައިއެކު އާއްމުކުރީމެވެ.

ޤުރުއަތު ލިސްޓްގައި ހިމެނިފައިވާ ފަރާތްތަށް މިއިޢުލާނުގައި ދެންނެވިފައިވާ ގަޑިއަށް ހާޟިރުވުމަށް ދަންނަވަމެވެ. ބަދަލުގައި މީހަކު ފޮނުވާނަމަ ފޮނުވަންވާނީ ބަދަލުގައި ފޮނުވިކަން ބަޔާންކޮށްދޭ ސިޓީއަކާއެކުގައެވެ. ޤުރުއަތު ނަގުމަށް ހާޟިރުނުވެއްޖެނަމަ، ނުވަތަ ބަދަލުގައި މީހަކު ނެތްނަމަ، އެފަރާތެއްގެ ބަދަލުގައި ޤުރުއަތު ނަގާނީ "ލ.ހިތަދޫއިން ދިރިއުޅުމަށްޓަކައި ބަންޑާރަ ގޯތި ދޫކުރުމުގެ އުޞޫލް" ގެ 13 ވަނަ މާއްދާގެ (ބ) ގައި ވާގޮތުގެ މަތިން ކަމުގައިވެސް ދަންނަވަމެވެ.

ވީމާ، މިކަން އާއްމުކޮށް އެންގުމަށްޓަކައި އިޢުލާންކުރީމެވެ.