2024 ވަނަ އަހަރުގެ ޤައުމީ އެއްބައިވަންތަކަމުގެ ދުވަހާއި ގުޅިގެން މިކައުންސިލާއި މިރަށުގައި ހުރި ދައުލަތުގެ މުއައްސަސާތައް ގުޅިގެން ހަރަކާތްތަކެއް ކުރިއަށް ގެންދިއުމަށްވަނީ ހަމަޖެހިފައެވެ. އެގޮތުން ސުނާމީ ކާރިސާގައި ނިޔާވި މީހުންނާއި ގެއްލުނު މީހުންގެ ހަނދާނުގައި ހަމަ ހިމޭންކަމުގެ ސުކޫތެއް ގެނައުމަށްޓަކައި، ސުނާމީގެ ރާޅު އެންމެ ފުރަތަމަ އެރިކަމަށް ރެކޯޑްކުރެވިފައިވާ ގަޑީގައި (ހެނދުނު 09:23 ގައި) ސުކޫތު ކޮޅެއް މުޅިރާއްޖޭގައި ގެނައުމަށްވަނީ ހަމަޖެހިފައެވެ. މިސުކޫތުގައި ބައިވެރިވުމަށް މި ރަށުގެ އެންމެހާ ލޮބުވެތި ރައްޔިތުން 26 ޑިސެމްބަރ 2024 ވާ ބުރާސްފަތި ދުވަހު ހެނދުނު 9:10 އަށް މިކައުންސިލް އިދާރާއާއި ދިމާލު ބަނދަރަށް ވަޑައިގެންދެއްވުން އެދެމެވެ.

      ޤައުމީ އެއްބައިވަންތަކަމުގެ ދުވަސް ފާހަގަކުރުމުގެ ގޮތުން އިތުރު ކުޅިވަރު ހަރަކާތްތަކެއްވެސް ކުރިއަށް ގެންދިއުމަށްވަނީ ހަމަޖެހިފައެވެ. ކުރިއަށް ގެންދިއުމަށް ހަމަޖެހިފައިވާ ކުޅިވަރު ތަކުގެ މަޢުލޫމާތު ތިރީގައި އެވަނީއެވެ.

1. ފިރިހެން ބޭފުޅުންނަށް ވަންޑޭ ވޮލީ ބޯޅަ
2. އަންހެން ކަނބަލުންނަށް ވަންޑޭ ހޭންޑް ބޯޅަ

     މިމުބާރާތްތައް ކުޅެވޭނެގޮތުގެ ޤަވާއިދު މިއިއުލާނާއެކު އާންމުކުރީމެވެ.

     ވީމާ، މިމުބާރާތްތަކުގައި ބައިވެރިވުމަށް އެދިލައްވާ ފަރާތްތަކުން 24 ޑިސެމްބަރ 2024 ވާ އަންގާރަ ދުވަހު 13:00 ގެ ކުރިން މުބާރާތުގައި ބައިވެރިވާ ޓީމުގެ ނަމާއި، ނަންބަރު އަދި ކުޅުންތެރިންގެ ނަންތައް 7968434 އަށް ވައިބަރ ކުރެއްވުމަށް އެދެމެވެ.