ދިވެހިރާއްޖެ
ބ.ކިހާދޫއިން މިހާރު ދަނޑުވެރިކަމަށް ދޫކުރެވިފައިވާ ބިންތައް ނެގުމަށްފަހު އަލުން ދޫކުރުމަށް ކައުންސިލްގެ 4 ވަނަ ދައުރުގެ 125 ވަނަ އާންމު ޖަލްސާއިން ވަނީ ނިންމާފައެވެ. އަދި މިހާރު ދޫކުރެވިފައިވާ ދަނޑުބިންތައް ނެގުމަށްޓަކައި ދަނޑުވެރިނަށް މިހާރުގެ ދަނޑުތައް ބޭނުންކުރުމަށް ދެވޭ އެންމެ ފަހު މުއްދަތެއްގެ ގޮތުގައި 30 އޭޕްރީލް 2025 ގެ ނިޔަލަށް ވަގުތު ދިނުމަށްވަނީ ނިންމިފައެވެ.
އަދި 30 އޭޕްރީލް 2025 ގެ ފަހުން ދަނޑުބިންތައް ދޫކުރެވިގެންދާނީ ދަނޑުތަކުގެ ސައިޒް ބޮޑުކޮށް ބިމުކުލީގެ ގޮތުގައި ކައުންސިލުން ކަނޑައަޅާ މިންވަރެއް ނެގޭ ގޮތަށެވެ. އަދި އަލުން ދަނޑުތައް ދޫކުރުމުގެ ކުރިން ދަނޑުތައް ހިމެނޭ ސަރަޙައްދުން ދަނޑުވެރިންނަށް ކަރަންޓް ލިބޭނެ އިންތިޒާމް ހަމަޖެއްސުމަށް ކައުންސިލުން މަސައްކަތް ކުރަމުންދާނެ ވާހަކަ ދަންނަވަމެވެ.
މިބަދަލު މިގޮތައް ގެނައުމަށް ނިންމިފައި މިވަނީ ވިޔަފާރީގެ އުސޫލުން ދަނޑުވެރިކަން ކުރުމަށް އެކިއެކި ފަރާތްތަކުން ބިން ހޯދުމަށް ޝައުޤުވެރިކަން ފާޅުކުރަމުންދާތީއާއި ދަނޑުބިންތަކުގެ ސައިޒް ބޮޑުކޮށް، އާންމުދަނީ ހޯދުމަށް ދަނޑުވެރިކަންކުރާ ފަރާތްތަކުން އެކަށީގެންވާ އިންވެސްޓްމަންޓްތަކެއް ކުރެވޭނެގޮތައް މަގުފަހި ކުރުމުގެ މަޤްސަދުގައެވެ.
އެހެންކަމުން މިހާރު ދޫކުރެވިފައިވާ ދަނޑުތަކުގައި ދަނޑުވެރިކަން ކުރަމުންދާ ފަރާތްތަކުން ދަނޑުގައި ގޮވާންކުރުމުގައި މަތީގައި ދެންނެވިފައިވާ މުއްދަތައް ދަނޑުތައް ދޫކޮއްލެވޭނެ ގޮތައް ގޮވާންކުރަމުން ގެންދެވުމަށް ދަންނަވަމެވެ. އަދި 30 އޭޕްރީލް 2025 ގެ ނިޔަލަށް ދަނޑުގައި ބޭނުންކުރުމަށް އެޅިފައިވާ ފެންހޮޅިއާއި އެހެނިހެން ތަކެތި ބޭނުންވާނަމަ ނަގައިގެން ގެންދިޔުން އެންމެ ރަނގަޅުކަމުގައި ދަންނަވަމަވެ. އެހެންނަމަވެސް މި މަރުހަލާގައި ދަނޑުގައި ހެދިފައިވާ ފެންވަޅަކަށް އެއްވެސް ގެއްލުމެއްދީ ހެދުމަކީ މަނާ ކަމެއްކަމުގައި ދަންނަވަމެވެ.
މިހެންވެމިކަން އާއްމުކޮށް އެންގުމަށްޓަކައި އިޢުލާންކުރީމެވެ.