މަޤާމް

ފަޅުވެރި (ދިރާސާ2 ފެރީ ދޯނި)

ބޭނުންވާ އަދަދު

01 (އެކެއް)

މަޤާމުގެ ގިންތި

ދާއިމީ

މަޤާމުގެ ރޭންކް

SS1

މަޤާމުގެ ކްލެސިފިކޭޝަން:

ސަޕޯރޓް ސްޓާފް ގްރޭޑް 1

ސެކްޝަން

އިކޮނޮމިކް ސޯޝަލް އެންޑް މުނިސިޕަލް ސާރވިސަސް

މަޤާމް އޮތް އޮފީސް

މާލެއަތޮޅު ހުރާ ކައުންސިލްގެ އިދާރާ

ވަޒީފާ އަދާކުރަން ޖެހޭ ތަން:

ދިރާސާ 2 ފެރީ ދޯނި (މާލެއަތޮޅު ހުރާ ކައުންސިލް)

މުސާރަ:

މަހަކު 2500 ރުފިޔާ

ސަރވިސް އެލަވަންސް:

މަހަކު 1500 ރުފިޔާ

ކޮއްތު އެލަވަންސް

މަހަކު 1250 ރުފިޔާ

ސަޕޯރޓިންގ ކޯ އެލަވަންސް

މަހަކު 700 ރުފިޔާ

ރިސްކް އެލަވަންސް

ފައިސާގެ މަސައްކަތް ކުރާ ކޮންމެ ދުވަހަކަށް 50ރ

މިނިމަމް ވޭޖް އެލަވަންސް

ހަމަޖެހިފައިވާ އުޞޫލެއްގެ މަތިން

މަޤާމުގެ މަސްއޫލިއްޔަތުތަކާއި ވާޖިބުތައް:

1. ދަތުރަކަށް ފެށުމުގެ ކުރިން ކެޕްޓަނުގެ އިރުޝާދުގެ މަތީން އެދަތުރުތަކަށް ބޭނުންވާ ކަންކަމާއި ތަކެތި ފުރިހަމަކުރުމާއި، 30މިނިޓްއިރު ކުރިން ދޯންޏަށްއަރާ ދަތުރަށް ފުރުމަށްޓަކައި ކުރަންޖެހޭ ހުރިހާ ތައްޔާރީތައްކުރުން. (ތެލުގެ ބާވަތްތަކާއި ފެނާއި އެހެނިހެންވެސް ދަތުރަށް ބޭނުންވާ ސާމާނުހަމަކޮށް ދޯނިސާފުކޮށް ރަގަޅަށް ތައްޔާރުކުރުން.)
2. ދޯނި ތަންތަނާ ކައިރިކޮށް ފުރާ ވަގުތުތަކުގައި ވައު އެއްސުމާއި، ވައު މޮހުމާއި ފަސިންޖަރުން އަރާފޭބުމުގަ އާއި ދޯންޏަށް އަރުވާ ތަކެތި އަރުވާ ބޭލުމުގައި އޯގާތެރިކަމާއެކު އެހީތެރިވުން.
3. ދޯނީގައި ދަތުރުކުރާ ފަސިންޖަރުންނަށް އެހީތެރިވެދީ އޯގާތެރިކަމާ އިޙްތިރާމާއެކު މުޢާމަލާތު ކުރުން.
4. ދޯނިން ދަތުރުކުރާ ފަސިންޖަރުންނަށް ދޯނިން ދެވެންހުރި ޚިދުމަތްތައް ދިނުމުގައި ބޭނުންވާ އެހީތެރިކަން ފޯރުކޮށްދިނުން.
5. ދޯނިފުރުމުގެ ކުރިން ދޯނީގައިހުރި މުދާވަނީ އެކަށީގެންވާގޮތަކަށް ރައްކާތެރިތަނެއްގައި ރައްކާތެރިގޮތަކަށް ބެހެއްޓިފައިތޯބަލާ ޔަޤީންކުރުން.
6. މިޤަވާޢިދުގެދަށުން ޚިދުމަތްދޭ ދޯނީގެ ސަލާމަތާއި ރައްކާތެރިކަމާއި ކަނޑުގެވެށި ރައްކާތެރިކުރުމުގެ ޛިންމާ އެކަށީގެންވާ ފެންވަރަށް އުފުލުމާއި އަދި ދިމާވެދާނެ ނުރައްކާތެރި ޙާދިޘާތަކުން ދޯނީގައި ދަތުރުކުރާ މީހުންނާއި ދޯނި މަޑުކުރާ ބަނދަރާއި ގިމަތަ ސަލާމަތް ކުރުމަށްޓަކައި ސަމާލުކަން ދިނުމާއި މިކަންކަމުގައި ކެޕްޓަނަށް އެހީވުން.
7. ކުރުމަށްހަމަޖެހިފަވާ ދަތުރަށް ބޭނުންވާވަރަށް ތެލާއި ހަކަތަ އަދިފެންހުރިތޯ ކަށަވަރުކުރުމުގައި ކެޕްޓަނަށް އެހީވުން.
8. ނާލުފައިސާ ނެގުމާއި މި ފައިސާ ރައްކާތެރިކަމާއި އެކު ކަމާއި ބެހޭ މުވައްޒަފަކާއި ހަވާލުކުރުން.
9. ދަތުރުކުރާ ފަސިންޖަރަކަށް ފެރީގައިބޭއްވިފައިވާ އެއްވެސް އެއްޗެއް ނުވަތަ ގެއްލިފައިވާ އެއްޗެއްވިޔަސް ފެނިއްޖެނަމަ ވީއެންމެއަވަހަކަށް އެއެއްޗެއް ކެޕްޓަނާ ޙަވާލުކުރުން.
10. ކައުންސިލުން ކުރާ މަސައްކަތްތަކުގައި ކައުންސިލުން އެދިއްޖެ ހިނދެއްގައި ބައިވެރިވުން.
11. ދޯންޏަށް ރައްޔިތުން އަރުވާފައިވާ މުދަލަށް ރައްކާތެރިވުން.
12. ދަތުރުކުރާ ވަގުތުގައާއި ފަޅުގައި އަޅާފައި އޮންނަ ވަގުތުތަކުގައިވެސް ދޯންޏަށް ގެއްލުމެއް ވިޔަނުދީ ރަނގަޅަށް ދޯނިބެލެހެއްޓުމާއި، ދަތުރުނިމުމުން ދޯނިދޮވެ ސާފުކޮށް ބެލެހެއްޓުމާއި ވިއްސާރަމުސުމުގައި ފަޅުގައި އޮންނައިރު ދޯންޏަށް ވާނުވާގޮތް ބެލުން.

މަޤާމުގެ ޝަރުޠުތައް:

1. ލިޔަންކިޔަން ދަތުމާއެކު، މަޤާމުގެ މަސައްކަތްކުރުމުގެ ހުނަރު/ ޤާބިލްކަން ލިބިފައިވުން.

ވަޒީފާއަށް އެންމެ ގާބިލް ފަރާތެއް ހޮވުމަށް ބެލޭނެ ކަންތައްތައް:

1. މަސައްކަތުގެ ދާއިރާއިން ލިބިފައިވާ ތަޖުރިބާ
2. ޤާބިލުކަން ކަށަވަރުކުރުމަށް އިންޓަރވިއުކޮށްގެން

ހުށަހަޅަންޖެހޭ ލިޔުންތައް:

1. ފުރިހަމަ ކޮށްފައިވާ ވަޒީފާއަށް އެދޭ ފޯމު.
2. ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރު ހިމެނޭގޮތަށް)
3. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ، މުއްދަތު ހަމަނުވާ ކާޑުގެ ދެފުށުގެ ލިޔުންތައް ފެންނަ، އަދި ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް.
4. ސިވިލް ސަރވިސްއަށް / ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން ކުރިމަތިލާ މަޤާމަށް ހޮވިއްޖެނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއް ނެތްކަމަށް، ވަޒީފާ އަދާކުރާ އޮފީހުގެ ލިޔުން.
5. ވަޒީފާގެ މަސައްކަތުގެ ދާއިރާއާ ގުޅޭ ކުރު މުއްދަތުގެ ކޯސްތަކާއި ތަމްރީނު ސެޓުފިކެޓުތަކުގެ ކޮޕީ.
6. މަސައްކަތުގެ ތަޖުރިބާގެ ލިޔުންތަކުގެ ކޮޕީ

(ހ) ސިވިލް ސަރވިސްގެ ވަޒީފާއެއްގައި، ދައުލަތުގެ މުވައްސަސާއެއްގައި، ނުވަތަ ސަރުކާރު ހިއްސާވާ ކުންފުންޏެއްގައި ނުވަތަ ޤައުމީ ނުވަތަ ބައިނަލްއަޤުވާމީ ޖަމްޢިއްޔާ / ޖަމާއަތެއްގައި ވަޒީފާ އަދާކޮށްފައިވާނަމަ، އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި، ވަޒީފާގެ މަސްޢޫލިއްޔަތު ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ށ) އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި ވަޒީފާ އަދާކޮށްފައިވާނަމަ، އަދާކޮށްފައިވާ ވަޒީފާ، ވަޒީފާ އަދާކުރި މުއްދަތާއި، ވަޒީފާގެ މަސްއޫލިއްޔަތު އަދި މަސައްކަތްކޮށްފައިވާ ތަނުގެ މުވައްޒަފުންގެ އަދަދު ބަޔާންކޮށް އެ އޮފީހަކުން ދޫކޮށްފައިވާ ލިޔުން؛ ނުވަތަ ވަޒީފާ އަދާކުރިގޮތް އަންގައިދޭ ރެފަރެންސް ޗެކް ފޯމު.

(ނ) އުވާލާފައިވާ ދައުލަތުގެ އިދާރާތަކާއި ސަރުކާރުގެ ހިއްސާވާ ކުންފުންޏެއްގައި މަސައްކަތްކޮށްފައިވާނަމަ އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި، ވަޒީފާގެ މަސްއޫލިއްޔަތު ބަޔާންކޮށް އެ އޮފީހުން ދޫކޮށްފައިވާ ލިޔުން ނުވަތަ ވަޒީފާ އަދާކުރިގޮތް އަންގައިދޭ ރެފަރެންސް ޗެކް ފޯމު.

މަގާމަށް އެދެންވީ ގޮތާއި ސުންގަޑި:

މަޤާމުތަކަށް އެދި ހުށަހަޅަންޖެހޭ ތަކެތި ހުށަހަޅާނީ 29 ޑިސެމްބަރ 2024 ވާ ބުރާސްފަތި ދުވަހުގެ 13:00 ގެ ކުރިން ކ.ހުރާ ކައުންސިލް އިދާރާއަށެވެ. ވަޒީފާއަށް އެދޭ ފޯމާއި ލިޔުންތައް އީމެއިލް          info@[email protected] މެދުވެރިކޮށްވެސް ބަލައި ގަނެވޭނެއެވެ. އަދި އިޢުލާނުގެ ސުންގަޑި ހަމަވުމުގެ ކުރިން ސަރުކާރުން އަލަށް ބަންދު ދުވަހެއް ކަނޑައަޅައިފިނަމަ، އެ ކަނޑައަޅާ ދުވަހުގެ އަދަދަށް ވަޒީފާއަށް އެދޭ ފޯމު ބަލައިގަނެވޭނެއެވެ.

ޝޯޓްލިސްޓުކުރުން:

މި ވަޒީފާއަށް އެދި ހުށަހަޅާ ފަރާތްތަކުގެ ތެރެއިން އިންޓަރވިއުއާއި ތަޖުރިބާއަށް ބަލައި، ވަޒީފާއަށް ކުރިމަތިލާފައިވާ ފަރާތްތަކުގެ ތެރެއިން އެންމެ މަތިން ޕޮއިންޓު ލިބޭފަރާތްތައް ޝޯޓްލިސްޓުކުރެވޭނެއެވެ.

އިންޓަރވިއު އޮއްނާނެ ތަނާއި، މުއްދަތު:

މި މަޤާމަށް މީހަކު ހޮވުމަށް ބޭއްވޭ އިންޓަވިއު އޮންނާނީ،  06 ޖެނުއަރީ 2025  އާ  13 ޖެނުއަރީ 2025 އާ ދެމެދު  މާލެ އަތޮޅު ހުރާ ކައުންސިލް އިދާރާގައެވެ.

"ވަޒީފާއަށް ކުރިމަތިލީ ފަރާތްތަކަށް ޕޮއިންޓު ލިބުނު ގޮތުގެ ޝީޓް (A2 ޝީޓު)" އާންމުކުރުން

އިންޓަވިއު ބާއްވާތާ ރަސްމީ ބަންދު ނޫން 3 ދުވަހުގެ ތެރޭގައި "ވަޒީފާއަށް ކުރިމަތިލީ ފަރާތްތަކަށް ޕޮއިންޓު ލިބުނު ގޮތުގެ ޝީޓް (A2 ޝީޓު)" އާންމުކޮށް ފެންނާނެހެން މި އިދާރާގައި އަދި އިދާރާގެ ވެބްސައިޓްގައި ނުވަތަ ގެޒެޓްކޮށް އާންމުކުރެވޭނެއެވެ. ވަޒީފާއަށް ކުރިމަތިލީ ފަރާތްތަކަށް ޕޮއިންޓު ދެވިފައިވާ ގޮތާމެދު ޝަކުވާއެއް އޮތްނަމަ A2 ޝީޓު އާންމުކުރާ ދުވަހުން ފެށިގެން ރަސްމީ ބަންދު ނޫން 3 ދުވަހުގެ ތެރޭގައި އެ ޝަކުވާއެއް މި އިދާރާއަށް ހުށަހަޅަންވާނެއެވެ.

އިތުރު މަޢުލޫމާތު

މި އިޢުލާނާ ގުޅިގެން މަޢުލޫމާތު ސާފުކުރުމަށް ގުޅާނީ 6640074 އަށެވެ. އީ-މެއިލް ކުރާނީ [email protected]