ދިވެހިރާއްޖެ
އިޢުލާން
ހެޔޮއެދޭ އަމިއްލަ ފަރާތަކުން ޙައްޖުގެ މަތިވެރި އަޅުކަން އަދާ ކުރުމަށް ދެވިފައިވާ ފުރުސަތާއި ގުޅޭ:
ހެޔޮއެދޭ އަމިއްލަ ފަރާތަކުން ރ. އަތޮޅުގެ ކޮންމެ ރަށަކުން އެކަކަށް ޙައްޖުގެ މަތިވެރި އަޅުކަން އަދާކުރުމަށް، ޙައްޖަށް ގެންދާ ޖަމާޢަތަށް ދައްކަންޖެހޭ ފައިސާ އެ ބޭފުޅާގެ ޚަރަދުގައި ހަމަޖެއްސުމަށް ހުޅުވައިލެވިފައިވާ ފުރުސަތާއި ގުޅިގެން ދަންނަވަމެވެ. މި ފުރުސަތު ހުޅުވާލެވިފައިވަނީ 40 (ސާޅީސް) އަހަރު ފުރި، މާލީ ތަނަވަސްކަން ނެތުމުގެ ސަބަބުން ފަރުޟު ޙައްޖު އަދާކޮށްފައިނުވާ ފަރާތްތަކަށެވެ.
ވީމާ، މި ކަމަށް އެދިލައްވާ މަތީގައި ދެންނެވިފައިވާ ޝަރުޠުތައް ހަމަވާ މި ރަށަށް ނިސްބަތްވާ ފަރާތްތަކުން މި ކައުންސިލަށް 2024 ޑިސެމްބަރ 19 ވާ ބުރާސްފަތި ދުވަހުގެ 14:00 ގެ ކުރިން ސިޓީއަކުން ހުށަހެޅުއްވުން އެދެމެވެ. ސިޓީއާއި އެކު އެ މީހާގެ އައި ޑީ ކާޑުގެ ދެފުށުގެ ސާފު ކޮޕީއެއް ހުށަހަޅުއްވަން ވާނެއެވެ. ޝަރުޠު ހަމަވާ އެކަކަށްވުރެ ގިނަ ފަރާތްތަކުން ކުރިމަތި ލައްވާފައިވާނަމަ، މީހަކު ހޮވާނީ ޤުރުޢަތު ލައިގެންނެވެ.
މިހެންވެ މިކަން ޢާއްމުކޮށް އަންގާ އިޢުލާނު ކުރީމެވެ.
17 ޖުމާދަލްއާޚިރާ 1446
18 ޑިސެމްބަރ 2024