ކުއްޔަށް ދިނުމަށް ހަމަޖެހިފައިވާ ތަނާއި، ބޭނުން

އއ.ބޮޑުފޮޅުދޫ ގެސްޓް ޒޯން 2، ޕްލޮޓް A (ލޭންޑް 1) 14880 އަކަފޫޓުގެ ބިމުގައި ގެސްޓް ހައުސް އެއް ހަދައި ހިންގުން.

ބިން ދިނުމަށް ހަމަޖެހިފައިވާ މުއްދަތު:

50 (ފަންސާސް) އަހަރަށް

ބިމު ކުލި:

ފެށޭ އަގު އަކަފޫޓަކަށް 3.00 ރުފިޔާ

ބިޑްފޮތް ވިއްކުން:

މި ބިން ދިނުމަށް ހަމަޖެހިފައިވަނީ ބިޑްފޮތް ވިއްކައިގެންނެވެ. ބިޑް ޑޮކިއުމަންޓް ގަތުމަށް އެދޭ ފޯމު އއ.ބޮޑުފޮޅުދޫ ކައުންސިލްގެ އިދާރާއިން 17 ޑިސެމްބަރ 2024 އިން 23 ޑިސެމްބަރ 2024 އަށް ސަރުކާރު ބަންދުނޫން ކޮންމެ ދުވަހަކު ހެނދުނު 9:00 އިން 12:00 އާ ދެމެދު ލިބިވަޑައިގަންނަވާނެއެވެ.

ބިޑްފޮތް ވިއްކާ އަގު:

ބިޑްފޮތެއްގެ އަގަކީ 10،000 (ދިހަ ހާސް ރުފިޔާ) އެވެ.

އެހެނިހެން:

- ބިޑް ކުރާ ހުރިހާ ފަރާތްތަކުންވެސް ރ.100,000 (އެއްލައްކަ ރުފިޔާ) ގެ ބިޑް ސެކިއުރިޓީއެއް ހުށަހަޅަންވާނެއެވެ. މި ބިޑް ސެކިއުރިޓީއަކީ، ރާއްޖޭގައި ހިންގާ ބޭންކަކުން ނުވަތަ ސަރުކާރުން ޤަބޫލުކުރާ ފައިނޭންޝަލް އިންސްޓްޓިއުޝަނަކުން ދޫކުރެވިފައިވާ، ބިޑް ހުޅުވާ ތާރީޚުން ފެށިގެން 60 (ފަސްދޮޅަސް) ދުވަހުގެ މުއްދަތަށް ޞައްޙަކަން ދެމިއޮންނާނެގޮތަށް ދޫކޮށްފައިވާ ބިޑް ސެކިއުރިޓީއަކަށް ވާންވާނެއެވެ.

- ބިން ކުއްޔަށް ލިބިގަތުމުގެ ފީއަކީ ޤާނޫނުން ނުވަތަ ގަވާއިދުން ނުވަތަ އެއްބަސްވުމުގެ ދަށުން ދައްކަންޖެހޭ އެހެން ހުރިހާ ފީއަކާއި އަގަކާއި ފައިސާއެއްގެ އިތުރުން ހުށަހަޅާ ފީއެކެވެ. ބިން ކުއްޔަށް ލިބިގަތުމުގެ ފީ އެއްގެ ގޮތުން އެންމެ ދަށްވެގެން ހުށަހެޅޭނީ    1,500,000 /- ( )އެއް މިލިއަން ފަސްލައްކަ) ރުފިޔާއެވެ. ބިން ކުއްޔަށް ލިބިގަތުމުގެ ފީގެ ގޮތުގައި ހުށަހަޅާ ފައިސާގެ ޢަދަދަކީ ޕޮއިންޓް ދެވޭނެ ފައިސާގެ ޢަދަދެކެވެ. އަދި އެ ފީގެ ގޮތުގައި ހުށަހަޅާ ޢަދަދަށް ބިނާކޮށް، އެ ކެޓެގަރީން ލިބޭ ޕޮއިންޓްގެ ޢަދަދު މަދުވެ ގިނަވާ ގޮތުގެމަތިންނެވެ. މި ފައިސާ އަކީ ބިޑް ކާމިޔާބު ކުރާ ފަރާތް ނޯޓިފިކޭޝަން އެވޯޑްއާއި ހަވާލުވުމަށްފަހު ކައުންސިލްއާއި ދެމެދު އެއްބަސްވުމުގައި ސޮއި ކުރާ ދުވަހުގެ ކުރިން ދެބައިކުޅަ އެއްބައިއެއްފަހަރާ ދައްކަންޖެހޭ ފައިސާއެކެވެ. އަދި މިއީ އެއްބަސްވުމުގައި ސޮއި ކުރުމަށްފަހު ގްރޭސް ޕީރިއަޑްގެ ތެރޭގައި ( 18 މަސްދުވަހުގެ ތެރޭގައި) މީލާދީ މަހަކަށް ޖެހޭ މިންވަރެއް ކައުންސިލަށް ދައްކާ ހަލާސްކުރާންޖެހޭ ފީއެކެވެ. މިއީ ބިޑް ކާމިޔާބު ކުރާ ފަރާތަށް އަނބުރާ ލިބޭނެ ފައިސާއެއް ނޫނެވެ.

ބިޑް ޑޮކިއުމަންޓް އިޞްލާޙުކުރުން

- ކައުންސިލްގެ އަމިއްލަ އިޚްތިޔާރުގައި ނުވަތަ ބިޑް ހުށަހަޅަން ބިޑް ފޯމް ގަނެފައިވާ ފަރާތަކުން ސާފުކުރަން އެދޭ މަޢުލޫމާތަކާ ގުޅިގެން ނުވަތަ އެނޫންވެސް ސަބަބަކާހުރެ ބިޑް ޑޮކިއުމަންޓަށް، 20 ޑިސެމްބަރ 2024 ވަނަ ދުވަހުގެ މެންދުރުފަހު 13:30 ގެ ކުރިން، އިޞްލާޙު ގެނައުމުގެ ފުރިހަމަ އިޚްތިޔާރު، ކައުންސިލަށް ލިބިގެންވެއެވެ.

- ކައުންސިލުން ބިޑް ޑޮކިއުމަންޓަށް ގެންނަ ކޮންމެ އިޞްލާޙެއްވެސް، ބިޑް ޑޮކިއުމަންޓް ގަނެފައިވާ ހުރިހާ ފަރާތްތަކަށް ފޯރުކޮށްދީ، އެކަން ޢާންމުކޮށް އިޢުލާނުކުރެވޭނެއެވެ.

ބިޑް ހުށަހަޅަންޖެހޭ ތަން:

އަރިއަތޮޅު އުތުރުބުރީ ބޮޑުފޮޅުދޫ ކައުންސިލްގެ އިދާރާއަށް ނުވަތަ އެކަންކުރުމަށް ކައުންސިލްގެ އިދާރާއިން ކަނޑައަޅައި، ދުރާލާ ޢާންމުކޮށް އަންގާ އެޑްރެހަކަށެވެ.

ބިޑް ހުށައެޅުމާޢި ހުޅުވާ ތާރީޚު އަދި ގަޑި:

ތާރީޚު: 29 ޑިސެމްބަރ 2024

ގަޑި: 11:00

ގަޑި ޖެހުމަށް ފަހު ހުށަހަޅާ ބީލަންތައް ބަލައިނުގަނެ އަނބުރާ ރައްދު ކުރެވޭނެއެވެ.

ބިޑް ހުޅުވާ ތަން:

ބިޑް ހުށަހަޅާ ފަރާތްތަކުގެ ޙާޒިރުގައި ނުވަތަ އެފަރާތްތަކުން ފޮނުވާ މަންދޫބުންގެ ޙާޒިރުގައި ބާއްވާ ބައްދަލުވުމެއްގައި، ކައުންސިލްގެ އިދާރާގައެވެ. ނުވަތަ އެކަންކުރުމަށް ކައުންސިލްގެ އިދާރާއިން ކަނޑައަޅައި، ދުރާލާ ޢާންމުކޮށް އަންގާފައިވާ އެޑްރެހެއްގައެވެ.

އިތުރު މަޢުލޫމާތު:

ބިޑް ހުށަހެޅުމަށް ފޯމު ގަނެފައިވާ ފަރާތްތަކުގެ ތެރެއިން އިތުރު މަޢުލޫމާތު ހޯއްދެވުމަށް ބޭނުންވާ ފަރާތްތައް ލިޔުމަކުން ކައުންސިލްއަށް 20 ޑިސެމްބަރ 2024 ދުވަހުގެ މެންދުރުކުރި 11:00ގެ ކުރިން [email protected] އަށް އީމެއިލް ކުރެއްވުން އެދެމެވެ.