މިރަށު މިސްކިތްތަކުގައި މަސައްކަތްކުރައްވަމުން ގެންދަވާ ދާއިމީ މުވައްޒަފުން ޗުއްޓީ ނެންގެވުމުން (އަހަރީ ޗުއްޓީ/ސަލާމުގެ ޗުއްޓީ/ޢާއިލީ ޒިންމާގެ ޗުއްޓީ) ނުވަތަ ދާއިމީ މުވައްޒަފަކު ވަޒީފާއިން ވަކިވުމުން އެމަޤާމަށް މުވައްޒަފަކު ހަމަޖެއްސުމަށް ނަގާ މުއްދަތުގައި، ވޭޖް އެމްޕްލޯއިމެންޓްގެ ދަށުން މަސައްކަތްކުރުމަށް އެކުލަވާލެވޭ ޕޫލްގައި ރަޖިސްޓްރީ ވުމުގެ ފުރުޞަތު ހުޅުވާލަމެވެ. "މިސްކިތު ޕޫލްގައި ރަޖިސްޓްރީވުމަށް އެދޭ ފޯމް" މި އިދާރާގެ ކައުންޓަރުން ލިބެން ހުންނާނެއެވެ.

މަޤާމު:

އިމާމު / މުދިމު

މަޤާމުގެ ނަންބަރު:

-

ބޭނުންވާ އަދަދު:

03

މަޤާމުގެ ގިންތި:

 ކޮންޓްރެކްޓް (ވަގުތީ)

މުއްދަތު

ވަޒީފާ ހަމަޖެހޭ ތާރީޚުން ފެށިގެން 01 އަހަރު ދުވަސް (ނޯޓް: ވަޒީފާގެ އެއްބަސްވުމުގެ މުއްދަތު ހަމަވި ނަމަވެސް، މުވައްޒަފު ގެންގުޅެންޖެހޭ ހާލަތު ދެމިއޮވެ، ބަޖެޓް ހަމަޖެހިފައިވާ ނަމަ، އިތުރު އިޢުލާނެއް ކުރުމަކާ ނުލައި ވަޒީފާގެ އެއްބަސްވުމުގެ ޖުމުލަ މުއްދަތު 2 (ދޭއް) އަހަރުދުވަހަށް ވުރެ އިތުރުނުވާ ގޮތަށް، އެއްބަސްވުމުގެ މުއްދަތު އިތުރުކުރެވިދާނެއެވެ.)

މަޤާމުގެ ރޭންކު:

އިމާމު: ޖީ.އެސް 3 / މުދިމު: ޖީ. އެސް-1  

މަޤާމުގެ ކްލެސިފިކޭޝަން:

އިމާމު: (އެސިސްޓެންޓް ޓެކްނިކަލް އޮފިސަރ ގްރޭޑް - 1)

މުދިމު: (އެސިސްޓެންޓް އޮފިސަރ ގްރޭޑް – 1)

ވަޒީފާ އަދާކުރަން ޖެހޭ ތަން:

މާޅޮސްމަޑުލު ދެކުނުބުރީ ތުޅާދޫ މިސްކިތްތައް

މުސާރަ:

އިމާމު: ކޮންމެ ނަމާދު ވަގުތަކަށް، -/61 ރުފިޔާ (ފަސްދޮޅަސް އެކެއް ރުފިޔާ)

މުދިމު: ކޮންމެ ނަމާދު ވަގުތަކަށް، -/53 ރުފިޔާ (ފަންސާސް ތިނެއް ރުފިޔާ)

އެހެނިހެން އެލަވަންސް:

-

މަސައްކަތު ވަގުތު

ހަފްތާއަކު 07 (ހަތެއް) ދުވަހު ދުވާލަކު 05 (ފަހެއް) ގަޑިއިރު

މަޤާމުގެ މައިގަނޑު މަސްއޫލިއްޔަތުތަކާއި ވާޖިބުތައް:

1. ކައުންސިލުން ޙަވާލުކުރާ މިސްކިތައް، ކޮންމެ ނަމާދެއްގެ ވަގުތެއް ޖެހުމުގެ 05 (ފަހެއް) މިނިޓް ކުރިން ގޮސް މިސްކިތުގެ ކަންކަން ބަލައި ރަގަޅު ކުރަންޖެހޭ ކަންތައްތައް ރަގަޅުކުރުމާއެކު ފަސްވަގުތު މިސްކިތައް އަރާ ބަންގިގޮވާ އިމާމުވެ ފަރްޟު ފަސްނަމާދު ކުރުން  
2. މިސްކިތުގެ ސާފުތާހިރުކަމާ އަދި މިސްކިތުގެ އެންމެހައި ކަންތައްތައް ހިނގާ ނުހިނގާގޮތް ބަލައި، ސުޕަވައިޒްކޮށް، ދިމާވާ މައްސަލަތައް ކަމާބެހޭ ފަރާތްތަކާ ގުޅައިގެން ޙައްލުކުރުމަށް މަސައްކަތް ކުރުން
3. މަސައްކަތ މީހުންގެ ގޮތުގައި މިސްކިތުގައި މަސައްކަތްކުރާ މުވައްޒަފުން ނުވަތަ ކޮންޓްރެކްޓެއްގެ ދަށުން މިސްކިތް ފޮޅާ ސާފުކޮށް ބެލެހެއްޓުމުގެ މަސައްކަތްތައް ހިނގާ ނުހިނގާގޮތް ދުވަހުން ދުވަހަށް ސްޕަވައިޒްކޮށް މަސައްކަތު މީހުންގެ މިސްކިތު ޙާޟިރީ ދުވަހުން ދުވަހަށް ބަލައި، ރަގަޅަށް ޤަވާއިދުން ޙާޟިރީ ބެލެހެއްޓުން
4. މިސްކިތުގެ އެއްވެސް ތަނަކަށް ގެއްލުމެއް ލިބިފައިވޭތޯ ބެލުމާއި މަރާމާތެއް ކުރަންޖެހިފައިވާ ތަނެއް ހުރިތޯ ބެލުމާއި، އެފަދަ ތަނެއް ހުރިނަމަ، ކައުންސިލްގެ އިދާރާއަށް އެކަން އަންގައި، އެކަމެއް ޙައްލުކުރުމަށް މަސައްކަތް ކުރުމާއި، ކައުންސިލް އިދާރާއިން އަންގަވާގޮތެއްގެ މަތިން މިސްކިތުގެ ސައުންޑް ސިސްޓަމް ބެލެހެއްޓުމާއި، ސައުންޑް ސިސްޓަމަށް މައްސަލައެއް ދިމާވެއްޖެނަމަ، އެކަން މިނިސްޓްރީގެ / ކައުންސިލްގެ ކަމާބެހޭ ސެކްޝަނަށް އަންގައިގެން އެކަމެއް ޙައްލުކުރުމަށް މަސައްކަތް ކުރުން  
5. މިސްކިތުގައި ނަމާދުކުރާމީހުންނަށް އެކަށީގެންވާ މާހައުލެއް ޤާއިމްކުރުމަށް ކަމާބެހޭ ފަރާތްތަކަށް ހުށަހަޅައިގެން މަސައްކަތް ކުރުން
6. ކައުންސިލުން އަންގައިފި ހިނދެއްގައި، އިމާމުވެ ކޭތަނަމާދު / ޢީދު ނަމާދު / ހުކުރު ނަމާދު / ކަށު ނަމާދު އަދި ތަރަވީޙް ނަމާދު ކުރަންޖެހޭ ޙާލަތެއްގައި އެނަމާދުތައް ކުރުން
7. މިސްކިތުގައި ދީނީ ދަރުސްތައް ދިނުންފަދަ ދީނީ ޕްރޮގްރާމްތައް ހިންގާނަމަ، އެފަދަ ޕްރޮގްރާމްތަކަށް ބޭނުންވާ އެހީތެރިކަން ދިނުމާއެކު، އެކަމެއް ނިމެންދެން މިސްކިތުގައި މަޑުކުރުން
8. މިސްކިތާއި މިސްކިތުގެ ގޯތިތެރޭގައި، ކައުންސިލް އިދާރާގެ ހުއްދަނެތި އެއްވެސް ލިޔުމެއް ހަރުކުރެވިފައި ހުރިތޯ ބެލުމާއި، އެފަދަ ލިޔުންތައް ހުރިނަމަ، ކައުންސިލަށް އަންގައިގެން އެކަން ޙައްލު ކުރުން
   1. މިސްކިތާބެހޭގޮތުން ރައްޔިތުން ހުށަހަޅާ ޝަކުވާތައް ކައުންސިލާއި ޙިއްޞާކޮށް ޙައްލު ހޯދައިދިނުމަށް މަސައްކަތް ކުރުން
   2. މީހަކު ނިޔާވެގެން ކައުންސިލް އިދާރާއިން އަންގައިފިނަމަ، އެމީހެއްގެ ޖަނާޒާގެ ކަންކަން ފުރިހަމަ ކުރުމުގައި ޢަމަލީގޮތުން ބައިވެރިވުމާއެކު، ޖަނާޒާގެ ކަންކަން ނިމެންދެން އެކަމުގައި އުޅުން
   3. ކައުންސިލުން ކަނޑައަޅާފައިވާ އުޞޫލްތަކާ އެއްގޮތަށް މިސްކިތް ސާފުކުރުމުގެ އެންމެހައި ކަންތައްތައް ކުރިއަށްދާކަން ކަށަވަރުކުރުމާއި، ކައުންސިލުން ކަނޑައަޅާފައިވާ ގޮތާއެއްގޮތަށް އެކަން ކުރިއަށް ނުދާނަމަ، ކައުންސިލް އިދާރާއަށް އެކަން އެންގުން
   4. ކައުންސިލުން ކުރިޔަށް ގެންދާ ޚާއްޞަ މަސައްކަތްތަކުގައި ބައިވެރިވުމާއި، މަސައްކަތުގެ ދާއިރާއިން ކައުންސިލުން ޙަވާލުކުރާ އެހެނިހެން މަސައްކަތްތައް ކުރުން
   5. މީގެ އިތުރުން މިސްކިތްތަކާ ގުޅޭގޮތުން ޙަވަލުކުރެވޭ އެންމެހައި މަސައްކަތްތައް ކުރުން

މަޤާމުގެ ޝަރުޠުތައް:

އިމާމު: މަޤާމުގެ މަސައްކަތް ކުރުމުގެ ހުނަރު / ޤާބިލްކަން ސާބިތުކޮށްދިނުމާއެކު، މުދިމްކަމުގެ ސަނަދު ނުވަތަ ހުކުރު ކުރުމުގެ ހުއްދަ ލިބިފައިވުން

ނުވަތަ

ދީނީ ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަޑު ލެވެލް – 3 ގެ ސަނަދެއް ޙާޞިލް

ކޮށްފައިވުން

މުދިމު: ތަޖުވީދުމަގުން ރީތިކޮށް ޤުރުއާން ކިޔަވަން ދަންނަ މީހަކު ކަމުގައިވުން

ހުށަހަޅަންޖެހޭ ލިޔުންތައް:

1. ވަޒީފާއަށް އެދި ހުށަހަޅާފަރާތުގެ ސިޓީ
2. ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީ-މެއިލް އެޑްރެސް ހިމެނޭގޮތަށް)
3. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ (މުއްދަތުހަމަވެފައިވީ ނަމަވެސް) ދެފުށުގެ ލިޔުންތައް ފެންނަ، ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް. ނުވަތަ އައި.ޑީ. ކާޑު ގެއްލިފައިވާ ނަމަ، އެ ފަރާތެއްގެ އުފަންދުވަހުގެ ސެޓްފިކެޓު، ޕާސްޕޯޓް ނުވަތަ ޑްރައިވިންގ ލައިސަންސް.
4. މަސައްކަތު ތަޖުރިބާގެ ލިޔުންތަކުގެ ކޮޕީ:
5. ސްކޫލްގައި ކިޔަވަމުންދާ ދަރިވަރެއްނަމަ، ބެލެނިވެރިޔާގެ އިއުތިރާޟްނުކުރާކަމުގެ ލިޔުން

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް:

• ލިބިފައިވާ ތަޢުލީމް
• ތަމްރީން
• ލިބިފައިވާ މަސައްކަތުގެ ދާއިރާގެ ތަޖުރިބާ
• ލިބިފައިވާ ހުނަރު / ޤާބިލްކަން ސާބިތުކޮށްދިނުން

މަޤާމަށް އެދެންވީގޮތާއި ސުންގަޑި:

މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ، 2024 ޑިސެންބަރު 26 ވާ ބުރާސްފަތި ދުވަހުގެ 13:00 ގެ ކުރިން، މާޅޮސްމަޑުލު ދެކުނުބުރީ ތުޅާދޫ ކައުންސިލްގެ އިދާރާގެ ކައުންޓަރަށް ނުވަތަ އީ މެއިލް މެދުވެރިކޮށް ތުޅާދޫ ކައުންސިލްގެ އިދާރާގެ މެއިލް ([email protected]) އަށެވެ. ނަމަވެސް އިޢުލާނުގެ މުއްދަތު ހަމަވާއިރު، މަޤާމަށް ބޭނުންވާ ޢަދަދަށް މީހުން ނުލިބޭކަމުގައި ވާނަމަ، އިޢުލާނުގައި ބުނާ ޢަދަދަށް މީހުން ހަމަވަންދެން ޕޫލަށް ކުރިމަތި ލުމުގެ ފުރުޞަތު ހުޅުވާލެވިފައި ވާނެއެވެ.

އިންޓަރވިއުއާއި އިމްތިޙާން އޮންނާނެ ތަނާއި، މުއްދަތު:

މި މަޤާމަށް މީހަކު ހޮވުމަށް ބޭއްވޭ އިންޓަވިއު އޮންނާނީ، 2024 ޑިސެންބަރު 29 އާއި 2024 ޑިސެންބަރު 31  އާ ދެމެދު، މާޅޮސްމަޑުލު ދެކުނުބުރީ ތުޅާދޫ ކައުންސިލްގެ އިދާރާ ގައެވެ.

މި އިޢުލާނާ ގުޅިގެން މަޢުލޫމާތު ސާފުކުރުމަށް ގުޅުއްވާނީ، ރަސްމީގަޑީގައިނަމަ، 6600100/ 6600094  ނުވަތަ 7788654 އަށެވެ. އީ-މެއިލް ކުރައްވާނީ [email protected] އަށެވެ.

ނޯޓް: ރީތިކޮށް ބަންގިގޮވާ، ޤުރުއާން ކިޔަވައި، އިމާމުވެ ނަމާދުކުރެވޭ ވަރަށް ތަކެތި ދަންނަ ސްކޫލްގައި އުޅޭ ދަރިވަރުންނަށްވެސް ޕޫލްގައި ރަޖިސްޓްރީވުމުގެ ފުރުޞަތު ވަނީ ހުޅުވާލެވިފައެވެ. މިކަމަށް ޝަޢުޤުވެރިވާ ދަރިވަރުން، ބެލެނިވެރިޔާ އިޢުތިރާޟް ނުކުރާކަމުގެ ލިޔުމާއެކު ހުށަހެޅިދާނެއެވެ.