ބިމާއި ޢިމާރާތާއި ފްލެޓް ރަހުނުކުރުމާއިބެހޭ ޤަވާޢިދު ނަންބަރު 186/2022 ގެ 7 ވަނަ މާއްދާގެ (ހ) ގައި ، ދިވެހިރާއްޖޭގެ އެއްވެސް ބިމެއް ނުވަތަ ގޯއްޗެއް، ނުވަތަ ޢިމާރާތެއް، ނުވަތަ ފްލެޓެއް ރަހުނު ކޮށްފިނަމަ، ރަށެއްގައި ނަމަ، އެރަށެއްގެ ރަށު ކައުންސިލްގެ އިދާރާގައި ނުވަތަ އެރަށެއްގެ ބިމުގެ ކަންކަން ބެލެހެއްޓުމަށް ޙަވާލުކޮށްފައިވާ އިދާރާގައި އަދި ސިޓީއެއްނަމަ އެސިޓީއެއްގެ ސިޓީ ކައުންސިލްގެ އިދާރާގައި ނުވަތަ އެސިޓީއެއްގެ ބިމުގެ ކަންކަން ބެލެހެއްޓުމަށް ޙަވާލުކޮށްފައިވާ އިދާރާގައި އެރަހުނެއް ރަޖިސްޓްރީ ކުރަންވާނެ ކަމަށް ބަޔާންކޮށްފައިވެއެވެ.

މިޤަވާޢިދަށް ޢަމަލުކުރަން ފެށުމާއި ގުޅިގެން އަތޮޅު ކައުންސިލްތަކުން ކުރަމުން އަންނަ ރަހުނު ކުރުމާއި ރަހުނު ރަޖިސްޓްރީ ކުރުމުގެ މަސައްކަތްތައް ކުރުމުގެ ޤާނޫނީ ޙައިޞިއްޔަތާއި ޤާނޫނީ ބާރުވެރިކަން ރަށު އަދި ސިޓީ ކައުންސިލްތަކަށް ބަދަލުވެގެން ދާނެ ކަމަށާއި ރަހުނު ކުރުމާއި ރަހުނު ރަޖިސްޓްރީތައް ދަފްތަރުކޮށް ބެލެހެއްޓުމަކީ ރަށު އަދި ސިޓީ ކައުންސިލްތަކުގެ ޤާނޫނީ ޒިންމާއެއް ކަމަށްވާތީ، 01 ޖަނަވަރީ 2025 ވަނަ ދުވަހުން ފެށިގެން ، ރަހުނު ކުރުމުގެ އެންމެހައި މަސައްކަތްތައް ރަށު ކައުންސިލްތަކަށް ބަދަލުކުރެވިފައިވާ ވާހަކަ ޢާއްމުކޮށް އެންގުމަށްޓަކައި އިޢުލާނު ކުރީމެވެ.